Luk 22:22 - Wëël Jwøk

²² Kiper Wär Dhaanhø cøø keda mana kwøŋi caan. 'Ba otïmö ni raac jï ŋatøgø noo cïp aani.»

Luk 22:22 Iomraidhean Croise

Wïlöölö 3:15

Yïthakiyu ki dhaagø omooa ki män, ni mooa yïthakic nyïïï ki nyïïe ki män thuwø. eni wïïï onyadhe, ni ö ïïni ni dwøŋï opuny tiere.»

Dhekaraya 13:7

Wuuö Jwøk, eni na wïth jammi bëët, aköö, «Wui, opëëllö! Ö maal ni 'nägï dïkwääy mar dïëk 'moa; 'näk eni, eni na kare cään ki aani; 'näk dïkwääy nee dïëk keethge; 'ba aani cera ocäŋa løø bäät obwöre moa therø.»

Mathiew 26:24

'Ba ennø, Wär Dhaanhø aay keda mana gööri kipere. 'Ba otïmö ni raac døc jï ŋato cïp Wär Dhaanhø ceŋ nyïïmän. Doo beerra eni kiper ŋatøce ki mana ba dii nywølø.»

Mathiew 27:5

Ni ö Juudaci ni leeŋ gweta näk pïëradäk piny yi Øt Jwøk Mana Dwøŋ, ni aae. Ni cøøe ni lïër dëëre.

Maak 14:21

Kiper Wär Dhaanhø aay keda mana gööri kipere. 'Ba otïmö ni raac døc jï ŋato cïp Wär Dhaanhø ceŋ nyïïmän. Doo beerra eni kiper ŋatøce ki mana ba dii nywølø.»

Luk 22:23

Kanyøgø bääŋi dëëtge apëënyge keerge, na «?Aŋa dïïø noo tïïc gïnögø?»

Luk 24:46

Ni kööe jïge, «Beeye mana näk ogöörö, ni ‹Krictø gïï mo leth ojwøre, 'ba noo tïme na dää nïne, eno ö maal ki yi thøø,

Jøøn 17:12

Kanya pooda buutge, gena gwøa ki nyeŋŋï na näk iï cïbö jïra. Ni koora geni, ni bäŋe ya aciel dïge mo orwäänyö, 'ba beeye o ränynyö keere na rwäänyö, kiper nee moa en yi wëël Jwøk nee thur karge.

Moa Tïïc Nyïïatwieli 10:42

Ni kööm waani ki man køpwa luummi jï jiy, ni caanwa gø ni beeye eni na jier Jwøki na ŋato ŋøl luup piny mo jøøa kwøw ki mo jøøa näk othøw.

Moa Tïïc Nyïïatwieli 17:31

Kiper da cäŋ mo ee nø jier, cäŋo ŋøl luup mo piny yie ka adïëri ki køør ŋata näk ee jierø. Ni manøgø ee nø nyuth jiy bëët nee ŋäcge na adïëri, ki køør mana tïŋ ŋatøce maal ki yi thøø.»

Moa Tïïc Nyïïatwieli 2:23

Jecu manøgø acïp ceŋŋu keda mana kwøŋi ya Jwøki cooŋ ki cwïnye ni ŋääe cøøn, 'ba acïbu ceŋ jøøa kuc ciik Jwøk, ni guru gø bäät jaadha no odëëdö, ni 'nägu gø.

1 Piter 1:11

Ni pëëge na a teeŋ dhaanhø mo nyïëdi, wala a cäŋa ŋø na cään Jwïëc Krictø na en cwïnyge kiper gø, kanya køpge gïïa leth moo jwør Krictø, ka ajiem mano joode cään.

2 Piter 2:3

'Ba kiper mano wärge ki uuni, uuno møøthge ki luup atade. 'Ba ajäla marge nutö cøøn ni ena dëëtge, ni ränynyö marge patha okääŋö.