Luk 22:2 - Wëël Jwøk

² 'Ba kwääc laam ki dïpööye mo ciik Jwøk ge caya jöö man 'näkge Jecu ki gø, kiper ge lwäär ki jiy.

Luk 22:2 Iomraidhean Croise

Mathiew 12:14

'Ba jø Paricith gena aa wøk ni tuutge gïr Jecu, kiper yi jöö mano 'näkge gø ki gø.

Mathiew 21:38

'Ba kanya ö jø puurri na jootge wääde, gena cäänö yïthakicge keerge ni köge, ni ‹Man beeye lwiidhø. Beerra man nääø gø, nee jape ci jïïø.›

Mathiew 26:2

ni «Ŋäyu ni noo tïme na køør nïne ariiø beeye cäŋ mano wøør cäŋ Cäŋa Pööth Thøøe Yie. 'Ba Wär Dhaanhø ocïp ceŋ jiy nee 'näk bäät jaadha no odëëdö.»

Maak 14:1

'Ba kanyøgø oløny ni dööŋŋa nïne ariiø kiper cäŋ Cäŋa Pööth Thøøe Yie, ka ajwöm-cam mar Møga Näk Ree Bäŋ Thømmø. 'Ba kwääc laam ki dïpööye mo ciik Jwøk ge caya jöö man makge Jecu ki gø mëëth ki piny, nee 'näkge.

Luk 20:19

'Ba yi caannøca kiree, dïpööye mo ciik Jwøk ki kwääc laam, ge manynya man makge Jecu, kiper aŋäcge ki cwïnyge ni luumma caane ni keda leer, geela geni. 'Ba gena lwäyö ki jiy.

Jøøn 11:57

'Ba kwääc laam ki jø Paricith onø cïpö ki dwøl, ni noo dee dhaanhø mo ŋäc kanya en yie, wär caane jïge, kiper nee eni makge.

Moa Tïïc Nyïïatwieli 4:27

Kiper ka adïëri møn, yi paani en, Eerat ki Pøntia Paylat, ki juurre ki jø Icriel, gena dwätö ni nywääkge dëër Dhaanhnhï ma Jecu na en kur keere, na näk iï jierø.