Luk 21:25 - Wëël Jwøk

²⁵ «'Ba dëër cäŋ ki dwääy ki ceer ojïti ki ŋïïce; 'ba yi pinyi en, mïëri ojïti ki bëëtö mo leth, ni thäŋ yïthge ki lwör mar naama dwøŋ ka athage.

Luk 21:25 Iomraidhean Croise

Aydheea 13:10

'Ba ceer mo maal ki moa näk dëëtge ege cøŋŋø otïmö ni ba cïpi ki tar. Cäŋ otïmö ni cøl kanyo tuule, ni ö dwääyi ni ba cïp tar mare.

Aydheea 17:12

Wui, wïnynyu ŋurö mar wïth juurre mo thööth, ni wïnyi en kaamar lwör mar athaŋ naama dwøŋ. Wïnynyu ŋurö mar wïth juurre na näk lwör kaamar pïï mo kwödö ni teek.

Aydheea 24:23

Køøre dwääy wïïe olääi, ni ö cäŋŋi ni tïm waŋe ni law, kiper Wuuö Jwøk, eni na wïth jammi bëët, obëëdö na nyeya bäät Kïn Dhayan yi Jerucalem, ni ö ajiemmi mare ni nëëne jï dïbwöthe mo jiye.

Aydheea 5:30

Dïcäŋeca ge löörö bäätge kaawat man wø lwör athaŋ naama dwøŋ. 'Ba ni näk da ŋat mo raŋa bäät ŋöömö manøgø, eni muudhö ki bëëtö mo leth pute ka joot, kiper tar ree løøe baŋ muudhö ki køør pöölö.

Aydheea 51:15

Kiper bee aani na Wuuö Jwøk, Jwøk maru, ni wø jäŋ naama dwøŋ ni wø wëëk athaga lwör, ni nyeŋŋa bee Wuuö Jwøk, aani na wïth jammi bëët.

Jeremaya 4:23

Kanya raŋa bäät piny, ka adïëri møn, ajooda keda oränynyö ni bäŋ gïrpiny yie; ni raŋa maal, ni bäŋe tar mo yaa joodø.

Daniel 12:1

«'Ba noo tïme na kar kaace, Mikaël, eni na nyïïatwiel maal mana dwøŋ ni wø koor jø pou ma jø Icriel, dëëre di thïïŋö. 'Ba kar kaace tïmö na kar jwør gïï mo leth, na gïï mo poot kär kwøŋ tägö cøøn ki mana täge ki kanya täk wï jur këël kar kaace. 'Ba kar kaace jø pou moo nyeŋge joot no ogöör piny yi wëëlö, ge di piemø.

Mikiya 7:4

ŋata no okøø dïge ni beerra eni døc caala koodhø, ni ŋata no okøø ni mare thïïŋ døc, rääye kaala koodhi mo olöör piny. 'Ba uuni, cäŋ mana caan jø koorri ma nyïïkuk Jwøk öö, ni beeye ööny ajäla maru, ni ö paaci ni jïte ko okiera.

Mathiew 24:29

«'Ba køør gïïo leth moo tägi yïth nïrögøøni, « ‹cäŋ oput tïïc ni cøl, ni ö dwääyi ni ba cïp taye, ni päänh ceerri ki maal, ni ö gïïa näk jïge da teek maal ni jäŋi.›

Mathiew 27:45

'Ba kanya tïme na caae apaar kurriiø ki dïcäŋ, piny atïmö na muudhö bäre këël caae adäk ka abøøya.

Maak 13:24

«'Ba ki yïth nïrögøøni noo näk køør gïïo leth yøø, « ‹cäŋ oput tïïc ni cøl, ni ö dwääyi ni ba cïp taye,›

Maak 13:26

'Ba kanyøgø nø, Wär Dhaanhø ojoot jiyi ni öö ki yïth pøøl ki teek mo dwøŋ ka ajiem.

Maak 15:33

'Ba na tïme na caae apaar kurriiø ki dïcäŋ, piny atïmö na muudhö bäre këël caae adäk ka abøøya.

Luk 21:24

ni 'näk geni ko opëëlle, ni peec geni dï mïëri bëët. 'Ba Jerucalem onyak juurre ni macge gø, këël mano ö kwör juurre moa wäŋŋi noo thurge karge.

Luk 21:26

'Ba jiy obääp lwärri, ni ge lwäära gïïo tägi piny. Kiper gïïa näk jïge da teek maal di jäŋö.

Moa Tïïc Nyïïatwieli 2:19

'Ba gïï mo rëëma ec onyoodha maal, ni ö ŋïïce ni nyoodha ge piny, ni beege remø ki maac ki jïc maac.

Mana Nyooth 20:11

Kanyøgø wälu mo tar mo dwøŋ døc ajooda ki ŋata en bääte. Ni ö maalli ki piny ni reŋge ki eni, ni bäŋe kany mo ojoodø kiperge.