Luk 21:24 - Wëël Jwøk

²⁴ ni 'näk geni ko opëëlle, ni peec geni dï mïëri bëët. 'Ba Jerucalem onyak juurre ni macge gø, këël mano ö kwör juurre moa wäŋŋi noo thurge karge.

Luk 21:24 Iomraidhean Croise

Wïlöölö 34:26

Ni 'näkge Eemör ki wääde ma Cekam ko opëëlle, ni putge cokge ma Dina lwør po Cekam ni aacge.

Bwøth Wøk 17:13

'Ba Jøcua jø leny mo jø Amalëk abööte ri leny manøgø.

Aydheea 5:5

'Ba ennø, gïno tïïa kiper pwöth jer omøki mara caana caanø jïïu: jenni moa näk yaa piidhø na ciel deŋŋe käla wøk, ni wëëga gø raanynyø, ni ö cielli mana no otïïö ki kïte ni nyaa gø piny ni dööŋe na kar adhwøla.

Aydheea 63:18

Kiper kar bëëtö marï na en kur keere abëëdö ni ena ceŋ jiyï na en kur keere ki kany mo thiinh, 'ba ennø, nyïïmänwa aöö ni raanyge gø, ni nyørge gø ki tietge.

Aydheea 66:12

Kiper luumma caan Wuuö Jwøki bee en, ena köö, «Ka adïëri møn, bëët-mëër pääŋa pääŋö yi Jerucalem kaamar naam, ni wëëga ajiem mar wïth juurre ööny yie kaamar pï waŋ naam mo kwönnö; uuno dhøøth kööre, ni käär uuni ki tierjwöthe, ni cïp uuni kööre.

Aydheea 66:19

Ni kïtha yïthakicge ki ŋïï, ni ö moo dööŋ ni kwøw rege ni jääŋŋa ge baŋ wïth juurre; ni beege baŋ jø Tarcëc, ki jø Put, ki jø Lidiya ni wø thöödhö ka athëëre, ki jø Tubal, ki jø Jawan, ni beege jøøa en mïëya kwörge bäyö na en bäät naama dwøŋ, na näk dööŋ kar mar nyeŋŋa kärge wïnynyö na ajiem mara kärge neenø. Geni ajiem mara okøpge jï wïth juurre.

Wëël Kïmmö 1:15

«Kwäärö Wuuö Jwøk, jø leny moa teek yi paac man akwiere; ni cwøl jø leny møøk kipera, nee jø leny 'moa moa dëëtge teek nyathge. Kwäärö Wuuö Jwøk jø Juuda atïïe nee cwöth kaawat man wø cwöth nyïïomøki kar biic.

Daniel 12:7

Køøre ŋata näk oruyö ka abïï ma lïïna na en bäät pïï yi naam, ceŋŋe karge riet athaaŋ maal. Ni wïnynya dwøre ni kööŋŋa ri Jwøa kwøw ni wø bëëdö na bäre bäre, ni kööe, ni «Beeye cwiiri adäk ki thääŋö. 'Ba kanyo ö bäät jic Jwøk no nigelway, beeye kanyo ö gïïögø noo ŋuutge.»

Daniel 8:13

Køøre aani dwør ŋat mo ena kur keere awïnynya ni cäänö, ni ö ŋat mør mo ena kur keere ni kööe jï mana cäänö, na «?A këël yi wäne no ö gïna nyooth noo thur kare, gïna cäänö kiper olämme mo wø cïp cooth, ki bääyö man wø käl ränynyö, ki cïp kar lam na en kur keere, ki lwaa gïïa en maal ki man nyøri ki tiel?»

Daniel 9:27

'Ba kwäärö manøgø tudö ki luubö mo teek ma kar cwiiri abïriiø, ni tuude ka jiy mo thööth; 'ba noo tïme na thääŋ cwiiri abïriiø moøgø, eni, jiy di mänö ki man cïpö ko olämme ki muuce mo beel. 'Ba eni na käl ränynyö, gïna näk ec raac ki gø døc ocwöth piny wï Øt Jwøk, këël kanyo tïme na aŋuudi mano kïth ränynyö bääte mana näk oŋølø kipere.»

Milkiya 1:11

'Ba nyeŋŋa otïmö ni dwøŋ dï juurre, ni tägi ka jï løø kur tuul-cäŋ këël jï løø kur pänh-cäŋ; ni ö gïn wø jïye ŋwääi ni met ki muuce mo beel moa näk liil ni cïbi jïra ki yi piny bäre, kiper nyeŋŋa otïmö ni dwøŋ dï juurre.» Gïnögø caana Wuuö Jwøki, eni na wïth jammi bëët.

Luk 21:25

«'Ba dëër cäŋ ki dwääy ki ceer ojïti ki ŋïïce; 'ba yi pinyi en, mïëri ojïti ki bëëtö mo leth, ni thäŋ yïthge ki lwör mar naama dwøŋ ka athage.

Wëëlö Mana Göör Pøølli Baŋ Jø Röm 11:25

'Ba nyïïmera, a manynya uuni man ŋäyu gïn en na näk tiere okwøŋ kan, kiper nou ba töödu ni reegø nyeŋŋu. Kiper thäk jø Icriel møøk cwïnyge adøøc mo teek këël mano ci kwään juurre moa wäŋŋi yie.

Ibaru 11:34

na jwöc mäc mo døøŋŋø, na bøth dhøk opëëlle, na tïïc ni ge teek ki ri jäk, ni tïmge na atïëte mo tøŋ, ni riemge lwaa lenye mo juurre.

Mana Nyooth 11:2

'Ba kär niï røma yi kal mar Øt Jwøk Mana Dwøŋ. Wec kanyøce nee dööŋ wøk. Kiper owëëk juurre. 'Ba geni paana en kur keere na näk mar Jwøk oraanyge ki dwäde ma pïëraŋween kurriiø.