Gïïögø bëët awïnynya, ni tïm dëëra ni miel, ni tïm dhaa ni kwanynyi ki lwär, ni ö dëëra ni øc piny, ni tïm tieta ni nhønhnhi. 'Ba a puta bëëtö ni cwïnya yaa cïp piny naa koora cäŋ gïï mo leth mano tägi dëët jiy moo tuk waani.
'Ba moa piith yi ŋöömma beer, beege jø wø wïny luum Jwøk ni putge gø mak na bäre bäre ki cwïny mo leer ma adïëri, ni känge ki nyeŋ ni cwïnyge ege cïp piny.
Ni eno cïpi ki kwøw mana näk adïëri mo bäŋ cuŋŋe jï jøw wø tïïc gïïa beyø ni cwïnyge ege cïp piny, ni ge caya ajiem, ki wödö, ki kwøw mana näk bäŋ thøø ree.
Ni wa lääŋŋa tïïc maru nyïm Jwøø na näk Wääø, ni wø tïïyu ki køør ŋäädhe, ni uuno ööl ki køør mëër, nou bëëdö ni dëëtu you maaø ri ŋäädhe mana ŋääthu Kwääyø ma Jecu Krictø.
Ni wa manynya man ö ŋati man nø dïïu, ni put cwïnye cïp køør ŋäädhe mare mar yi nyïm ki teeŋ jöörögø, ni put gø ŋäc na adïëri ki kare bäre, këël cuŋŋe,
ni kuurru bëëtö ma wøp ki ŋäc luup, ni kuurru ŋäc luup ki bëëtö kar ni teek, ni kuurru bëëtö kar ni teek ki män røk ki raay, ni kuurru män røk ki raay ki bëët jöör Jwøk,
Aana cöögu ma Jøøn na dwätö ki uuni ki nyeŋ Jecu ki ri jwør gïï mo leth, ki ri bura, ki ri mak cwïny ni teek. Aani, aana kïth ya acuulla cwøl ni Patma kiper mana køba luum Jwøk ki gïr luum adïëri mana caan Jecu.
Ni näk da ŋat mo dëëre da weny peec ri leny, eni put ka peec. 'Ba ni näk da ŋat mo dëëre da weny thøw opëëllö, eni di nääö ko opëëllö. Man nø, manynya jïëny gïï mo leth ki ŋäädhe mar jø Jwøk.
