17 Ni ö jiyi bëët ni mänge ki uuni kiper nyeŋŋa.
Ni ö jiyi bëët ni mänge ki uuni kiper nyeŋŋa. 'Ba ŋato jïëny gïïögø këël aŋuunne, opiem.
«Kanyøca uuno kïthge dhøk gïï mo leth, ni nääŋge uuni. Ni ö wïth juurre bëët ni mänge ki uuni kiper nyeŋŋa.
«Gwïëth en bäätu kany wø ö jiyi wø janyge uuni, ni caange uuni, ni kïthge bäätu ki teeŋ luup bëët moa reyø mo patha adïëri kiper nyeŋŋa.
'Ba këël jøøa nywøl uuni, ki nyïïmëëgu, ki tuuŋu, ki nyïïawäätu, uuno kïthge ceŋ jø møøk, ni 'näkge møøk dïïu.
'Ba bäŋ jëën wïthu mo ränynyi.
Gwïëth en jïïu kanyo ö jiyi noo mänge ki uuni ni kwierge uuni ni janyge uuni, ni jøøŋge nyeŋŋu kiper mana näk mo uuna bääk Wär Dhaanhø.
Onää uuna mo piny, piny doo mëër ki uuni kiper na nägu moe. 'Ba kiper mana nägu paa mo piny, ni jiera u wøk dï mo piny, beeye na män pinynyi ki uuni.
'Ba moøgø bëët otïïcge dëëtu kiper nyeŋŋa, kiper na kucge Ŋata jääŋ aani.
Luummï acïba jïge, ni män pinynyi ki geni kiper na ba enge ri mo piny, kaawat mara na ba ena ri mo piny.
'Ba jø piny ba doo maara männö ki uuni, 'ba beeye aani na mänge ki gø, kiper na caana moa reyø na tïïcge.
'Ba eno nyutha gïï mo thööth mo jwøre jwørø kiper nyeŋŋa.»
Kiper manøgønø, aano jïëy ki jäk ki nyeŋ Krictø, ni aano jïëy ki man wac nyeŋŋa, ni jïëa ki jwør gïï mo leth, ki caannø, ki rïm can. Kiper kany wø jääa, beeye teek mara eni.
Kiper kany pootwa ni wa kwøw en, waano wëëk thøø cooth kiper nyeŋ Jecu, kiper nee kwøw mar Jecu joot dëëtwa ni bëën thøø en.
Kiper wa ba køp dëëtwa, 'ba wa køpa gø ni Jecu Krictø beeye Kwäärö, ni waani ki dëëtwa waana laaŋe mou kiper nyeŋ Krictø.
'Ba ocïbö jïïu kiper nyeŋ Krictø, ki man jwørru gïï mo leth kipere, ni paa man jïëyu ni ŋääthu eni keere.
'Ba ni näk mo u di caannø kiper nyeŋ Krictø, uuno gwïëdhö, kiper Jwïëy ajiem na näk mar Jwøk bëëdö bäätu.
Ni ŋääa ni cwïnyï iï maa niï jøøya gïï mo leth kiper nyeŋŋa, ni kärï ööl.
