Luk 21:1 - Wëël Jwøk

¹ 'Ba kanyøgø Jecu alwïthö ni neen jøøa no okwär ni ge kïtha muuce moge yi gïn wø cïp muuce yie.

Luk 21:1 Iomraidhean Croise

1 Nyeye 14:26

Ni twier jammi moa no okanø yi øt kän jammi mo Øt Wuuö Jwøk ki moa no okanø yi øt kän jammi mo øt nyec, ni käl jammi bëët. Këël kööt leny moa no otïïö ki warkey na tïïc Cølömanni akäle bëët thuwø.

2 Nyeye 12:9

'Ba Jööda na näk Kwääy Lam Mana Dwøŋ alwötö ka acanduk ni køl dhi gø, ni cïp gø buut gïn wø cïp olämme bääte, bäät cwïïc jï løø wø døny dhaanhe yi Øt Wuuö Jwøk ki yie; 'ba dïlämme mo wø koor dhi Øt Jwøk, gwel bëët mo wø cïp yi Øt Wuuö Jwøk putge ka kïth ya acanduk.

2 Nyeye 24:13

Ni ö nyeny Babilønni ni käl jammi moa perge leth bëët kaace moa no okanø yi Øt Wuuö Jwøk, ki moa no okanø yi øt nyeya, ni ŋør jap paac bëët moa näk tïïc ka warkey na tïïc Cølömanni nyeny Icriel yi Øt Wuuö Jwøk. 'Ba gïïögø atägö kaawat mana caan Wuuö Jwøki.

2 Luup Nyeye 36:18

Ni ö jammi bëët mo Øt Wuuö Jwøk, ni beege jammi moa døøŋŋø ki moa therø, ki jammi moa perge leth mo Øt Wuuö Jwøk, ki jammi moa perge leth mo nyeya ki jø kööre moe, ni käli ya nyenynyøgø bëët ni kïth ge Babiløn.

Neemiya 13:13

Køøre aani, dïlämi ma Celemiya, ki Dhadök dïpööy mar ciik Jwøk, ki ŋat tuuŋ Libay mo nyeŋŋe Pedaya, gena kwanya nee bëëtge ni uut kän ena ceŋge; ni meeda Anan bäätge na ŋat køny geni, ni beeye Anan o Dhakur nyikwaar Mataniya. Kiper jøøgø geno caarø ni geno ŋääth jiyi ki man bëët tïï pääŋ jammi ni ena ceŋge ki man pääŋge jammi jï jø wø tïïge ki geni ciel.

Mathiew 27:6

'Ba kwääc laam gwetøgø alwørge, ni köge, ni «Ba beer ki man kïth gweti kar kän mar Øt Jwøk, kiper gena gwet remø.»

Luk 20:47

jø wø dar uut määr thuunhnhi, ni wø lämö ki lam mo yie bäär ni ge nyootha rege. 'Ba geno jïti ka ajäla mo dwøŋŋa eni.»

Jøøn 8:20

Luupögøøni caane buut kar gïn wø cïp muuce yie, kanya pööe yi kal mar Øt Jwøk Mana Dwøŋ. 'Ba bäŋ dhaanhø aciel mo omak gø, kiper na poot caa mare ni poot kär öö.

Jøcua 6:19

'Ba warkey bäre ki gwel-bïrö, ki gïïa no otïïö ki nywïënyö ma jwïël, ki moa no otïïö ki nywïëny møga jaak, beege gïï mo ena kur keerge jï Wuuö Jwøk. Gïïögø doo kïtha kanya no ojiiŋŋø na näk kar kän jï Wuuö Jwøk.»

Jøcua 6:24

'Ba jø Icriel pääny manøgø ki gïïa en yie bëët awaaŋge ki maac. 'Ba warkey ki gwel-bïrö, ki gïïa no otïïö ki nywïënyö ma jwïël ki nywïëny møga keerge, akïthge kanya no ojiiŋŋø na kar kän na en yi oduŋkaany Wuuö Jwøk.