Luk 20:13 - Wëël Jwøk

¹³ «Kanyøgø nø, wää pwödhe aköö, na ‹?Agïnaŋø noo tïïa? Wääda na mëëra ki gø jääŋŋa jääŋŋö. Kanymør owøørge.›

Luk 20:13 Iomraidhean Croise

Aydheea 5:4

?Agïnaŋø mør këët nø, noo tïïa mo odööŋ ni kära tïïö kiper pwöth jer omøki mara? ?Kanya bëëda naa koora nyïëdi mo beyø ki man nywøl gø, aperŋø ni tïme ni nywøla nyïëdi mo reyø?

Jeremaya 36:3

Kiper kanymør ni jø Juuda gïna leth na caara kiperge ni 'käla bäätge wïnyge wïnynyö, ni ö ŋati man nø dïge ni luu ree ni wec jöör bëëtö mare na raac; køøre nø, gïïa bacge ki raay moge wëënna wëënnö.»

Jeremaya 36:7

Kanymør ni Wuuö Jwøk kwacge kwaaø, ni ö ŋati man nø dïge ni luu ree ni wec jöör bëëtö mare na raac; kiper wëër mar Wuuö Jwøk, ka ajäla mana caane dëët jøøi ii dwøŋ døc.»

Edhikiel 12:3

«Kiper manøgønø, ï na wär dhaanhø, twöc jammi moï kede man wø täk bööki paac; ni putï tïŋŋö ki dïcäŋ ni nëënö jïge ni kede täga böök. Beerra man tïŋŋï paac marï ni ciï paac mør niï nëënö jïge. Kanymør tier gïnögø kwanyge kwanyø, këël na bëëtge ni gena jø ageem.

Odheea 11:8

«?Wui jø tuuŋ Ipariem, olønye nidïï ki man cïba uuni ceŋ jø møøk? ?Wui u na jø Icriel, olønye nidïï ki man wiia uuni nou aayu? ?Aŋø, løny ki man raanynya uuni kaamar jø Adama ki jø Dheböym? Cwïnya akweer ki man tïïa gïnögø, ni ö bäth eci mara ni jääny wøk ki mëër.

Odheea 6:4

Wuuö Jwøk aköö, «?Wui, jø tuuŋ Ipariem, agïnaŋø noo tïïa ki uuni nø? Wui, jø tuuŋ Juuda, agïnaŋø noo tïïa ki uuni nø? Kiper mëër maru caala pøøl mo amöölla, ni caala thööy ni wø laar rwäänyö.

Mathiew 17:5

'Ba kanya poode ni cäänö, pöölö mo tar anijïïm bäätge. Ni ö dwølli ki yi pööllögø, ni caana gø, ni «Man beeye Wääda na mëëra ki gø, na met yia ki mare. Wïnynyu luumme.»

Mathiew 3:17

Ni put dwølli öö ki maal ni kööe, ni «Man beeye Wääda na mëëra ki gø, na met yia ki mare.»

Luk 18:2

Ni kööe, ni «Da pääny mør mo yie da kwääy løøk, ŋat mo ba lwäär ki Jwøk, mo bäŋ luum dhaanhø mør mo ŋääe.

Luk 18:4

«'Ba ena kwøŋ kweeyø. Na näk køøre cään, dëëre acäänne keere, ni kööe, ni ‹Këël na ba lwäära ki Jwøk, ni bäŋ luum dhaanhø mør mo ŋääa,

Luk 20:12

Ni cäŋ dääge jääŋŋö. 'Ba manøgø dëër gø amoocge ki ŋwiili, ni leeŋge gø wøk ŋää pwödhö.

Luk 20:14

«'Ba na jooti ya jø puurri moøgø, gena cäänö yïthakicge keerge, ni ‹Man beeye lwiidhø. Beerra man nääø gø, nee olaawi tïmge na moø.›

Luk 9:35

Ni ö dwølli ki yi pööllögø, ni kööe, ni «Man beeye Wääda na näk yaa jierø. Wïnynyu luumme.»

Jøøn 1:34

'Ba aani, ajooda ki waŋa ni køba gø, ni ‹Man beeye na O Jwøk.› »

Wëëlö Mana Göör Pøølli Baŋ Jø Röm 8:3

Kiper gïna ba maar lønyø jï ciik Jwøk ki man tïïc gø kiper mana døøyi ya dëëlli mo jääk, atïïc Jwøki kanya jääŋ Wääde kiree, ki dëël mo caala dëër dhaanhø ni da raay en, ni tïme no olämi kiper raay, ni jääl raay ri dëël.

Galeecia 4:4

'Ba na ö kanya wäŋŋi na thur kare, Jwøk Wääde ajääŋŋe, ni nywøli ya dhaage ni ciik Jwøk ena bääte,