Luk 2:9 - Wëël Jwøk

⁹ 'Ba kanyøgø nyïïatwiel maal mar Wuuö dëëre anyoodhe jïge, ni ö ajiem Wuuö ni rienye bäätge, ni lwäcge døc.

Luk 2:9 Iomraidhean Croise

1 Nyeye 8:11

Køøre atïmö ni ba løny jï dïlämme ki man tïïcge tïïc marge, kiper pöölö mana en yie, kiper ajiem mar Wuuö Jwøk Øt Wuuö Jwøk apääŋe.

Bwøth Wøk 16:10

'Ba kanya bëëde na Aran cäänö ki lwaa Icriel bäre, gïn mør atägö. Geni gena lwïthö kuna näk da paap; køøre ajiem Wuuö Jwøk anëënö ki yi pöölö.

Bwøth Wøk 16:7

noo tïme na amöölla thuwø, ajiem mar Wuuö Jwøk neennu neenø; kiper ŋurö maru mana ŋuru dëëre ki gøøni awïnynye. ?Aŋø, ni ŋuru dëëtwa en, waana ŋaani cøøn?»

Aydheea 35:2

Geno løth ni tïmge ni pulli, ni tïm yïthge ni met døc, ni kwöŋge ki met ec. 'Ba teeŋ ajiem mar lur Libaanø di cïbö jïge, ni ö teeŋ wödö mar thuur Karmël ki pwöl Carön ni mëëgi geni. Geni ajiem ki wödö mar Wuuö Jwøk, Jwøk marwa, oneenge.

Aydheea 40:5

Køøre nø, ajiem mar Wuuö Jwøk onyooth, ni ö jiyi bëët ni putge gø raŋ ge bëët. Luummögø caana Wuuö Jwøki ki dhee kiree.»

Aydheea 60:1

Wui Jerucalem, päny maal ni rienyï, kiper tar marï aöö; ajiem mar Wuuö Jwøk apïï dëërï.

Edhikiel 3:23

Kanyøgø aana put ö maal ni cøøa yi ŋöömma näk ree ee päärö. 'Ba ka adïëri møn, kanya pïïa, ajiem mar Wuuö Jwøk oløny ni cuŋŋö yie kaace, ni beeye teeŋ ajiem mana jooda bäät naam Kebar. Kanyøgø aana put pädhö ki bäp yia.

Mathiew 1:20

'Ba kanya bëëde ni lääŋŋa gïnögø, nyïïatwiel maal mar Wuuö aö bääte ki yïth lääk, ni kööe, ni «Jocep nyikwaar Deebit, kärï lwäyö ki man lwørï cïïï ma Meeri, kiper gïnö ni en yie enøgø, cïpa Jwïëc Jwøki na en kur keere.

Luk 1:28

Ni ö Geebriel ni ö baŋ Meeri ni kööe, «Ïïna määth, ï na mëër Jwøki ki gø. Wuuö ena buutï.»

Luk 2:8

'Ba ŋää paanøgø da dïkwääc dïëk mo bëëdö wøk yi bäp ni ge wø køya dïëkge ki wäär.

Luk 24:4

'Ba kanya cuŋge ni yïthge othäŋŋö kiper gïnögø, jiy ariiø acuŋŋö buutge, mo dëëtge da abïïe mo ŋwaŋŋi.

Jøøn 12:41

Luummögø acaan Aydheea kiper na joot ajiem Jecu, ni cääne kiper gø.

Moa Tïïc Nyïïatwieli 12:7

'Ba kanyøgø nyïïatwiel maal mør mar Wuuö aput öö, ni ö tarri ni meeny yi øda bëëde yie. Ni gween Piter ki tier-buut gø ni jiec gø, ni kööe, ni «Laar ö maal!» Ni ö oguudi ni päthge piny ceŋŋe.

Moa Tïïc Nyïïatwieli 27:23

Kiper yawïtïn kiree, nyïïatwiel maal mør mar Jwøk, ni näga dhaanhnhe en ni wø wøøra, acuŋŋö buuta.

Moa Tïïc Nyïïatwieli 5:19

'Ba na tïme na wäär, nyïïatwiel maal mør mar Wuuö odhuuth øt twöc ajabe ni käl geni wøgø, ni kööe,

2 Körin 3:18

Ni øøni bëët, ø neeta ajiem Wuuö ni bäŋ abïï mo orïëp wïthø, ni øøno røø ni ø caala kïte ni øøno wëëk koor ajiem man nø ni cøøø baŋ man nø. Ni gïnögø wø ööi ka baŋ Wuuö na näk Jwïëc Jwøk.

2 Körin 4:6

Kiper beeye Jwøk na köö, ni «Tar rienye yi muudhö,» na wëëk tar rieny yïth cwïnynyø, nee tay ajiem Jwøk ni en täärnyïm Krictø wëëk ŋäc.

1 Timöthi 3:16

Ajïëø møn, ni gïna näk tiere okwøŋ kan mar lam marø, dwøŋ møn. Kiper øøna jïëy, ni ena nyooth kanya tïme na dhaanhø, ni ŋunni ya Jwïëc Jwøki, ni ena neen nyïïatwiet maalli, ni nyeŋŋe okøbø dï mïëri, ni jïëc nyeŋŋe dï piny, ni kïthi maal ka ajiem.

Ibaru 12:21

Ni näk adïëri møn, kiper na tïm gïna joot ni kännö ki lwär mo raac døc, Modhe aköö, ni «Dëëra atïmö ni kwanynyi ki lwär.»

Mana Nyooth 18:1

Køør gïïögø nyïïatwiel maal mør aneena ni ööa piny ki maal, ni jïre da cuum mo dwøŋ døc. Ni ö pinynyi ni tïme ni tar døc ka ajieme.

Mana Nyooth 20:11

Kanyøgø wälu mo tar mo dwøŋ døc ajooda ki ŋata en bääte. Ni ö maalli ki piny ni reŋge ki eni, ni bäŋe kany mo ojoodø kiperge.