Luk 2:41 - Wëël Jwøk

⁴¹ 'Ba wää Jecu ki menni wø cøøa Jerucalem ki yïth cwiiri bëët kiper ajwöm-cam Cäŋa Pööth Thøøe Yie.

Luk 2:41 Iomraidhean Croise

Bwøth Wøk 12:11

Jöö mano cämu ki gø beeye en; wäru cämu na abïïk wääth you røø, ni war ena tietu, na athøre mou ena ceŋŋu; nou cämö nou läädö. Ni manøgø beeye cam mar Cäŋo Pööth Thøøe Yie mara, a na Wuuö Jwøk.

Bwøth Wøk 12:14

« ‹Dïcäŋögø otïmö na cäŋ par wïc jïïu, ni wøørru gø na ajwöma jï Wuuö Jwøk; cäŋ manøgø wär wøørru cooth ki yïth beenhnhe mou bëët.

Bwøth Wøk 34:23

Kwöre adäk ki yi cwiir cooth cwøw mou bëët doo ööa nyïma, a na Wuuö Jwøk na näk Jwø Icriel.

Ciik Kiper Dïlämme 23:5

« ‹Kany wø tïm nïr dwääy mana dïkwøŋ na apaar kurŋween, kanyo päth cäŋŋi, beeye cäŋ Cäŋa Pööth Thøøe Yie man wøør aani, a na Wuuö Jwøk.

Kwään Jiy 28:16

«'Ba kany wø tïm nïr dwääy mana dïkwøŋ na apaar kurŋween, dïcäŋöce beeye ajwöm Cäŋa Pööth Thøøe Yie, ni beeye cäŋ man wø wøørru jïra, a na Wuuö Jwøk.

Luk 2:42

'Ba na tïm Jecu ni cwiiye apaar kurriiø, gena ci kunöce, kaawat man wø tïïc cooth, kiper ajwöm-cam manøgø.

Jøøn 11:55

'Ba kanyøgøøni ajwöm-cam Cäŋa Pööth Thøøe Yie mar jø Juuth kare ocäännö. Ni ö jiyi mo thööth ki dï paac ni cige yi Jerucalem, kanya poot cäŋ Cäŋa Pööth Thøøe Yie ni poodi, kuna jiiŋge dëëtge.

Jøøn 13:1

'Ba kanya cään kar ajwöm-cam Cäŋa Pööth Thøøe Yie, aŋäc Jecu ni kanyo aae pinyi en noo ci baŋ Wuuö kare acäännö. Ni eni mëër ki jiye na en piny, ni bëëdö ni mëër ki geni këël aŋuun kwøw mare.

Jøøn 2:13

'Ba ajwöm-cam Cäŋa Pööth Thøøe Yie mar jø Juuth kare ocäännö, ni ö Jecu ni ci yi Jerucalem.

Jøøn 6:4

'Ba kanyøgø ajwöm-cam mar cäŋ Cäŋa Pööth Thøøe Yie mar jø Juuth kare ocäännö.

Tiet Ciik 12:11

'Ba kaace, kanyo jier Wuuö Jwøki na näk Jwøu noo caa ri nyeŋŋe, gïï köömma uuni ki ge bëët wär kïthu yie, ni beege olämme mou mo wø waaŋ bäre, ko olämme møøk, ki paac wïth jammi mou, ki muuce mou ma teeŋi, ko olämme moa no ojierø ni beyø ge mo wø cïpu jï Wuuö Jwøk ki køør kööŋ.

Tiet Ciik 12:18

'Ba gïïögø ocammu nyïm Wuuö Jwøk na näk Jwøu kanyo jiere, nou cämu ko obwöre mou moa näk cwøw ki moa näk mään, ki jø tïïc mou moa näk cwøw ki moa näk mään, ki ŋat tuuŋ Libay man nø mo bëëdö ka uuni; ni mïn yïthu nyïm Wuuö Jwøk na näk Jwøu ki køør tïïe mou bëët.

Tiet Ciik 16:16

«'Ba kwöre adäk ki yi cwiir, cwøw bëët doo ööa nyïm Wuuö Jwøk na näk Jwøu kanyo näk ee jierø, ni beeye kany wø tïme na kar Ajwöm Møga Näk Ree Bäŋ Thømmø, ki kany wø tïme na kar Ajwöm Caammi Moo Kwøŋ Ciek, ki kany wø tïme na kar Ajwöma Man Wø Wøør Ni Jø Bëëdö Yïth Abïle. 'Ba ge ba doo ööa nyïm Wuuö Jwøk ki ceŋge jaak.

1 Camiel 1:21

Køøre nyenøgø ni Elkana enø aay ki jø paare bëët nee cïpe ko olämme mo wø cïp ki yi cwiir cooth jï Wuuö Jwøk, ni cïpa gïna kööŋe kipere.

1 Camiel 1:3

'Ba ki yi cwiir cooth, Elkana wø tïŋŋö ki yi pääny mana bëëde yie ni ci kuna wøør Wuuö Jwøk, eni na wïth jammi bëët, ni cïpe ko olämme jïgø kanya cwøl ni Cëëlö. 'Ba wäät Ëli karge riet, ni beege Apni ki Piniac, ge bëëdö na dïlämme jï Wuuö Jwøk kaace.