Luk 2:4 - Wëël Jwøk

⁴ 'Ba Jocep thuwø, ena tïŋŋö yi Galili yi paac mo cwøl ni Nadhareth, ni cøøa Bethelem po Deebit, na en yi Judia, kiper eni käla dhi øt Deebit,

Luk 2:4 Iomraidhean Croise

Wïlöölö 35:19

Kanyøgø Reecal aput thøø ni koonyi jöö mana ci Eeparata na näk Bethelem.

Wïlöölö 48:7

Kiper kanya ööa ki yi Padan, kanya poode ni piny poot bäär mëëth naa poot kär pïï Eeparata, meru ma Reecal athøø buuta øtjöö yi ŋööm Keenan, ni koonya gø kaace øtjöör Eeparata, paana cwøl ni Bethelem.»

Mikiya 5:2

'Ba Wuuö Jwøk aköö, ni «Ï na Bethelem na en Eeparata, këël na bëëdï ni thiinhnha ïïni dï mïëc tuuŋ Juuda, ŋato käär jø Icriel othïïŋa kiper tïïc mara, ni eni ööi ki riï; ni öö mare käla ya acääŋŋe cøøn yïth nïra dïkwøŋ.»

Mathiew 1:20

'Ba kanya bëëde ni lääŋŋa gïnögø, nyïïatwiel maal mar Wuuö aö bääte ki yïth lääk, ni kööe, ni «Jocep nyikwaar Deebit, kärï lwäyö ki man lwørï cïïï ma Meeri, kiper gïnö ni en yie enøgø, cïpa Jwïëc Jwøki na en kur keere.

Mathiew 2:23

Ni cøøe ni bëëde yi päänya cwøl ni Nadhareth, nee mana caan nyïïkuk Jwøki thur kare, na køp, ni «Eno cwøl ni nyï Nadhareth.»

Luk 2:3

Ni ö jiyi bëët ni cige nee nyeŋge göör, ni ŋati man nø nyeŋŋe gööra wï poge.

Luk 2:5

nee nyeŋŋe göör, ge ki Meeri na näk ee miiø, na yie jïtö ki dhaanhø.

Luk 4:16

Ni ö Jecu ni døø yi Nadhareth, kanya piidhi yie, ni ci øt acooŋ lam ki cäŋ jwömö keda man wø bëëde. Ni ö maal nee kwääne.

Jøøn 1:46

'Ba Nathaniel aköö, ni «?Da gïn mo beer mo doo ööa wøk ki yi Nadhareth?» Ni kö Pilipi jïre, «Ööï nee neenï.»

Jøøn 7:42

?Kär caan wëël Jwøki na bëëde, ni Krictø doo käla ri nyïïkwaac Deebit, ni doo öö ki yi Bethelem, paana kwøŋ Deebiti bëëdö yie?»

Ruuth 1:19

Køøre gena aay karge riet këël mana pïïcge Bethelem. 'Ba kanya pïïcge Bethelem, paac bäre anitïŋŋa kiper pïï marge. Ni kö määnni, ni «?Man a Naømi møn?»

Ruuth 2:4

Kar kanyøgønø, Böeeth aöö ki Bethelem, ni määth jø kac ni kööe, ni «Met ec mar Wuuö Jwøk bëëde ki uuni.» Ni løkge gø, ni «Gwïëth mar Wuuö Jwøk bëëde ki ïïni.»

Ruuth 4:11

Køøre jøøa en dhi kiir kar acooŋa bëët ki jø døøŋŋø aköö, ni «Wa tïmö ni waana jiy mo ŋäc luummögø møn. Beerra man ö Wuuö Jwøki ni tïïc dhaagø mano ö paarï enø ni caala Reecal ki Liia, mään moa na ariiø na nyaac dhi øt Icrielli ki rege. Ïïno tïmö na dhaanhø mo okwär, ni wïny nyeŋŋï yi Eeparata na näk Bethelem.

Ruuth 4:17

Ni ö määnni moa en ya atut ni köge, ni «Naømi ajïtö ki nyikwaare ma dïcwøø.» Ni cakge nyeŋ gø no Obet. 'Ba Obet beeye wää Jeci, ni ö Jeci ni näk wää nyeya ma Deebit.

1 Camiel 16:1

'Ba Wuuö Jwøk aköö jï Camiel, «?A këël yi wäne nø, noo bëëdï niï kïmmö kiper gïna tïïc Cøølli, ni këël aani ki dëëra kiree Cøøl yaa nø kwier ki man bëëde na nyeya bäät jø Icriel? Ennø, ï jääŋŋa jääŋŋö baŋ Jeci nyï Bethelem, kiper aano nø jëëtö ki nyeya røk wääte. Tuuŋ man wø käär maar rööny ki gø, pääŋ yie ki maaw, ni ciï baŋe.»

1 Camiel 16:4

'Ba Camiel, gïna caan Wuuö Jwøki jïre atïïe, ni ci Bethelem. Ni ö jø døøk pääny manøgø ni öge baŋe nee ge røømge ki eni, ni ge ööi ni dëëtge rïïŋö ki lwär, ni köge, ni «?Marï beeye öö jaak?»

1 Camiel 17:12

'Ba Deebit beeye o Jeci nyï Eeparata, na käl Bethelem na en yi ŋööm Juuda. 'Ba Jeci jïre da wääte abära. 'Ba kanya bëët Cøølli na nyeya, Jeci oløny na jaal, mo cwiiye thöötha geni røk jø poge.

1 Camiel 17:58

Kanyøgønø, Cøøl aköö jï Deebit, ni «Nyie nyilaal, ïïna o ŋa?» 'Ba aløk Deebiti, ni «Aana o dhaanhnhï ma Jeci nyï Bethelem.»

1 Camiel 20:6

'Ba kanyo ö wäru noo pëëny aani, wär caanï jïre ni kööï, ni ‹Deebit aana kwaaye døc ki man reŋ Bethelem na näk pääny marge, kiper man beeye kar kany wø cïp tuuŋge ko olämi jï Wuuö Jwøk ki yi cwiir cooth nee cämge na aciel.›