Luk 2:14 - Wëël Jwøk

¹⁴ na «Ajiem en jï Jwøk maalø, ni ö bëët-mëër ni en piny bäät jiy na met yie ki ge.»

Luk 2:14 Iomraidhean Croise

Aydheea 44:23

Wui maal, kwöŋŋï ki met ec, kiper gïnögø tïïya Wuuö Jwøki! Wui, u na kwöra en piny kuya, beerra man kanynyu; wui, u na kïte, ki ï na lul ki jenni moa en yiï bëët, beerra man jøllu gø ni kwöŋŋu ki met ec; kiper Wuuö Jwøk, Jeekap anø wïïl wøk, ni nyooth ajiem mare dï Icriel.

Aydheea 49:13

Wui, maalø, kwöŋŋï ki met ec! Wui, ï na piny, yiï mïnne! Wui, u na kïte, jøllu kwöŋŋö mar met ec manøgø! Kiper Wuuö Jwøk cwïny jiye ocøme, ni päth cwïnye ki gïr jiye moa no ocaarø.

Aydheea 57:19

ni tïïa ge naa pwøcge ki dhøkge, a na Jwøk. 'Ba bëët-mëër en jï jø wø kwörge bäyö ki jï jø wø kwörge cärö! Aani ge kønya kønyø.» Luummögø caana Wuuö Jwøki.

Mikiya 5:5

ni bee eni noo käl bëët-mëër. 'Ba kanyo ö jø Aciria noo öge yi ŋöömö marø, noo nyøønge paan dwøŋ ki tietge, øøni, ø puta jääk baŋge ki dïbwöthe moa teek mo leny.

Mathiew 21:9

Ni ö jiyi moa bwödhö nyïme ki moa cäädhö cään, ni rëëtge, ni «Odhaana! Pwøc en jï Nyikwaar Deebit. Gwïëth en ri ŋat ööi en ki nyeŋ Wuuö Jwøk! Pwøc en jï Jwøk!»

Luk 1:79

nee tar cïbe jï jø wø bëëdö yi muudhö, ni bëëdö dhi thøø, ni bwøth øøni ki waŋjöör bëët-mëër.»

Luk 19:38

Ni köge, ni «Gwïëth en ri nyenynyi ni ööi en ki nyeŋ Wuuö Jwøk! Bëët-mëër en maal, ni ö ajiemmi ni en maalø bäre!»

Luk 2:13

Kanyøgø nyïïatwiet maal ma lwaak mo päl aput öö ni dwätge ki maya. Ni ge pwøya Jwøk, ni köge,

Luk 2:15

'Ba kanyøgø na døø nyïïatwiet maal moøgø maal, dïkwääye acäänö keerge, ni «Beerra man cøø Bethelem, kuna neenø gïna tägö na nyooth Wuue jïïø.»

Luk 3:22

ni ö Jwïëc Jwøki na en kur keere ni ö bääte ki maal ki dëël mo caala dëër akuuru, ni put dwølli ö ki maal, mo köö, ni «Ïïna Wääda na mëëra ki gø, na met yia ki marï.»

Jøøn 14:27

Bëët-mëër wø wëëga uuni, ni bëët-mëër mara wø cïba cïbö jïïu. Ni man wø cïba jïïu en, ba caal mana doo cïp pinynyi jïïu. Kär cwïnynyu wëëgu ränynyö, ni ba lwäyu.

Jøøn 17:4

Ïïna jiema piny ni thööra tïïc mana cïpï jïra nee tïïa.

Jøøn 3:16

«Kiper Jwøk mëër ki jø piny døc, ni beeye na cïp Wääde ma aciel, kiper nee ŋato wäro jïëy ki eni ni ŋääth gø nee kwøe ki kwøw mana näk adïëri mo bäŋ cuŋŋe, nee ba ränynye.

Moa Tïïc Nyïïatwieli 10:36

'Ba luumma jääŋ Jwøki baŋ jø Icriel ŋäyu, ni køpa luumma nyään na met mar bëët-mëër ki køør Jecu Krictø, ŋata näk Kwääc jiy bëët,

Wëëlö Mana Göör Pøølli Baŋ Jø Röm 5:1

'Ba kawaane na tïme ni øøno jïëö ni marø beer ki køør ŋäädhe, yïthakiyø ki Jwøk ajïtö ki bëët-mëër ki køør Kwääyø ma Jecu Krictø.

Epeca 1:6

nee met yie na bäŋ teeŋe na cïbe jïïø ki bäth ec dëër Omëëye, nee pwøø.

Epeca 1:9

'Ba mana manynye na näk ee kwøŋ kan anyuth øøni, kaawat mana kwøŋ gø cooŋ ki cwïnye ni tïïe ka ri Krictø.

Epeca 2:4

'Ba Jwøk ni wø kunyö døc, këël na bëëdø ni øøno thøw ki køør gïïa dhalø, øøna døøc mo kwøw ki Krictø na aciel ki køør mëër mare na päl na mëëre ki øøni. Kiper beeye met yi Jwøk na piem uuni.

Epeca 2:7

kiper nee met yie na päl na bäŋ teeŋe nee nyoodhe jïïø ki bäth ec ki ri Krictø Jecu yi piny mano ööi.

Pilipay 2:11

Ni ö lëëpi bëët ni caange gø, ni Jecu Krictø beeye Kwäärö, ni jiemma Jwøk na näk Wuuö.

Pilipay 2:13

Kiper beeye Jwøk ni wø tïïö cwïnynyu, ni mooya uuni ki teek ki man tïïyu moe na met yie ki ge.

Köløcia 1:20

Ni duu jammi bëët baŋe ki køøre, moa en maal ki moa en piny, ni dwøga bëët-mëër kare, ki køør remme na cwïër piny bäät jaadha no odëëdö.

2 Thecalönika 2:16

'Ba kawaane, Kwääyø ma Jecu Krictø ki dëëre, ki Jwøk na näk Wääø, ŋata mëër ki øøni, na mooc øøni ki cøm cwïny mo bäŋ cuŋŋe, ki ŋäädhe ma wøp mar nyïm ki køør met yie,

Mana Nyooth 5:13

Ni wïnynya dööt gïïa näk ocwääö bëët, moa en maal ki moa en bäät piny, ki moa en tiet ŋøøm, ki moa en yïth näpa døøŋŋø, ki gïïa en yïthge bëët, ni ge köö, ni «Pwøc, ki wödö, ka ajiem, ki teek, en jïre, eni na en bäät wälu ki Nyidiel, këël na bäre bäre.»