Luk 2:10 - Wëël Jwøk

¹⁰ Ni kö nyïïatwiel maalli jïge, ni «Käru lwäyö, kiper a käla luubö mo nyään mo met jïïu, mano mïn yïth jiy bëët ki gø.

Luk 2:10 Iomraidhean Croise

Wïlöölö 12:3

Ni jøw wäro gwïëth ïïni, gwïëdha gwïëdhö; ni ŋat wäro cien ïïni, ciena cienø thuwø. 'Ba wïth tuŋi bëët mo bäät piny ogwïëth ki køørï.»

Aydheea 40:9

Wui, ï na Dhayan na öö ki luubö mo nyään mo met, eth maal bäät kïdi mo bäär ni køpï gø! Wui, ï na Jerucalem na öö ki luubö mo nyään mo met, tïŋ dwørï maal døc ni køpï gø; tïŋ dwørï maal ni ba lwäyï; caanï jï päänye mo Juuda, «Ka adïëri møn, Jwøk maru en!»

Aydheea 41:27

Bee a na kwøŋ Dhayan na näk Jerucalem cäännö dïkwøŋ, ni kööa, ni ‹Neenï, gïïo tägi beege ii,› ni jääga baŋe ki dhaanhø mo køp luubö mo nyään mo met.

Aydheea 49:6

Ena köö, ni «Bee gïn mo thiinh jaak kipera ki man tïïa ïïni na dhaanhnha, nee wïth tuŋi mo Jeekap tïŋï maal, ni duuï jø Icriel moa no odööŋ ni kwøw. Aani thuwø ï tïïa tïïö ni ïïna tar mar wïth juurre, nee pïëm mara man wø piema jiy ki gø nee pïïe teegi mo piny bäre.»

Aydheea 52:10

Wuuö Jwøk teek bade na en kur keere di nyoodhø, ni nëënö jï wïth juurre bëët, ni ö jø wø en teegi bëët bäät piny ni raŋge pïëm mare man piem jiy ki gø, eni na Jwøk marø.

Aydheea 52:7

A teeŋ met ec mo nyïëdi ki man joot dhaanhø mo ööi ka bäät kïte ni käla luubö mo nyään mo met, ŋat mo køpa luum bëët-mëër, mo käla luubö mo nyään mo met mo beer, ŋat mo gøøa luum pïëm piny man piem jiy ki gø, ni kööe jï jø Dhayan, ni «Jwøk maru beeye ni wø käär piny na nyeya!»

Aydheea 61:1

Jwïëc Kwäärö Wuuö Jwøk ena bääta, kiper Wuuö Jwøk aana jiere nee luubö mo nyään mo met caana jï jøøa can. Ni jääŋ aani nee jiy moa näk cwïnyge opädhö nee cwïnyge cøma, nee luum pät mar jøøa no omaa ki tøŋ ki jøøa no otwöö nee køba jïge,

Daniel 10:19

Ni kööe, ni «Wui dhaanhø, ï na näk owøørø døc, kärï lwäyö. Bëëdï ni dëërï jööt. Bëëdï niï teek, ni cwïnyï da cer.» 'Ba kanya nø cään aani ennø, aana put jïtö ki teek, ni kööa, ni «Kwääya, beerra man caanï gïna diï caanø, kiper ïïni, dëëra amooyï ki teek.»

Dhekaraya 9:9

«Wui, Dhayan, iï mïnne døc! Ni kwöŋŋï ki met ec, ni bee ï na Jerucalem! Raŋï, nyeya marï ööa baŋï, ŋat mo mare beeye adïëri, mo käära pïëm man piem jiy ki gø; eni mwöl, ni ena bäät arëën, ni beeye bäät nya arëën mana thiinh.

Mathiew 14:27

'Ba kanyøgø Jecu aput luupö ki geni ni kööe, ni «Magu cwïnynyu. Man a aani. Käru lwäyö.»

Mathiew 28:18

Ni ö Jecu baŋge ni kööe jïge, ni «Teek mar maal bäre ki mar piny bäre anø wëëk aani.

Mathiew 28:5

'Ba määrögø aluum nyïïatwiel maalli ni kööe, ni «Käru lwäyö. Kiper ŋääa nou caya Jecu na gur bäät jaadha no odëëdö.

Maak 1:15

Ni kööe, ni «Kanya wäŋŋi athur kare, ni buc Jwøk kare acäännö. Løgu cwïnynyu ni jïëyu luumma nyään na met, ni ŋääthu gøøni.»

Maak 16:15

Ni kööe jïge, ni «Cou ni caathu dï piny bäre, ni køpu luumma nyään na met jï jiy bëët.

Luk 1:13

'Ba nyïïatwiel maal manøgø aköö jïgø, ni «Kärï lwäyö, Dhekaraya, kiper lam marï awïnynyi. 'Ba cïïï ma Ilidhabeth ojïti ki nyilaal ma cïïŋŋö. 'Ba nyeŋŋe ocwølï ni Jøøn.

Luk 1:19

'Ba aløk nyïïatwiel maalli jïre, ni «Aana Geebriel, ni wø cuŋŋi nyïm Jwøk; naa jääŋŋi kaper niï cäänna, naa køpa luummi ni met en jïrï.

Luk 1:30

'Ba nyïïatwiel maal aköö jïgø, ni «Kärï lwäyö, Meeri, kiper ïïna jïtö ki mëër baŋ Jwøk.

Luk 2:11

Kiper dïcäŋi Pïëmi anywøl jïïu yi po Deebit, ni beeye Krictø na näk Kwäärö.

Luk 24:47

ni ö løk cwïny ki wec raac jiy ni købi ki nyeŋŋe yïth mïëri bëët, ni tägi ka yi Jerucalem.›

Luk 8:1

'Ba na tïme na køør nïne mo nøk, Jecu aay ni caatha dï mïëri moa døøŋŋø ki moa therø, ni pöö, ni køpa luumma nyään na met kiper buc Jwøk. 'Ba bääge na näk apaar kurriiø nut ki eni,

Moa Tïïc Nyïïatwieli 13:32

Ni beeye ni kälwa luumma nyään na met baŋu, ni beeye luumma kwøŋ Jwøki buuk jï kwäyø.

Wëëlö Mana Göör Pøølli Baŋ Jø Röm 10:15

?A jiy a dege pöö nidïï ni näk mo ge kär jääŋŋö? Kaawat mana gööri, na «A teeŋ öönynya ŋø ni beer en jï jø wø køp luumma nyään na met!»

Epeca 3:8

'Ba aani, këël na thiinh kara døc dï jø Jwøk bëët, met ec manøgø awëëk aani, nee gïr kwär mar Krictø na näk bäŋ teeŋe køba jï juurre,

Köløcia 1:23

ni näk mou puta bëëtö ri ŋäädhe man nou ba dääŋi, ni putu bëëtö nou teek, ni ba weyu gïna ŋääthu ri luumma nyään na met na wïnynyu. Ni luummögø beeye mana køp jï moa näk ocwääö bëët dï piny bäre, ni put aani tïïc ni aana ŋat tïï gø, a na Pøøl en.