Luk 19:47 - Wëël Jwøk

⁴⁷ Kanyøgø nø, ena tïmö ni pöö cooth Øt Jwøk Mana Dwøŋ. 'Ba kwääc laam, ki dïpööye mo ciik Jwøk, ki jøøa døøŋŋø wïth jiy, gena määnyö ki jöö man 'näkge eni ki gø.

Luk 19:47 Iomraidhean Croise

Mathiew 21:23

'Ba Jecu adøny yi kal mar Øt Jwøk Mana Dwøŋ. 'Ba kanya bëëde ni eni pöö kaace, kwääc laam ki jaae gena ö baŋe ni pëënyge eni, na «?A teega ŋø ni wø tïïyï gïïögøøni ki gø? ?Na aŋa na wëëk teegøgø ïïni?»

Mathiew 26:55

'Ba kar kaagø Jecu aköö jï lwaak, na «?Aŋø, u ööa baŋa kaawat man wø ci baŋ kuu, nou käära opëëlle ka athøre kiper naa magu? Aani, a wø bëëdö yi kal mar Øt Jwøk Mana Dwøŋ naa pöö cooth, 'ba a käru maa.

Maak 11:18

'Ba gïnögø awïny kwääc laammi ki dïpööye mo ciik Jwøk ni määnyge ki jöö man 'näkge eni ki gø, kiper na lwäärge ki eni, kiper mana tïm lwaaki bäre ni yïthge orëëm ki pwöc moe.

Maak 12:12

Ni tïm dïbwöthe mo jø Juuth ni ge manynya man makge Jecu, 'ba ge lwäär ki lwaak. Kiper ajootge ni tier leeya caane geela geni. Køøre ena wecge ni aacge kaace.

Maak 14:1

'Ba kanyøgø oløny ni dööŋŋa nïne ariiø kiper cäŋ Cäŋa Pööth Thøøe Yie, ka ajwöm-cam mar Møga Näk Ree Bäŋ Thømmø. 'Ba kwääc laam ki dïpööye mo ciik Jwøk ge caya jöö man makge Jecu ki gø mëëth ki piny, nee 'näkge.

Maak 14:49

Aani, cooth a wø bëëdö ka uuni naa pöö yi kal mar Øt Jwøk Mana Dwøŋ, ni käru a maa. 'Ba gïïögø tägi kaper nee weet Jwøk thurge karge.»

Luk 19:48

'Ba bäŋ gïn mo ege joodø mo maarge tïïc, kiper na tïm jiyi bëët ni leŋa luupe.

Luk 20:19

'Ba yi caannøca kiree, dïpööye mo ciik Jwøk ki kwääc laam, ge manynya man makge Jecu, kiper aŋäcge ki cwïnyge ni luumma caane ni keda leer, geela geni. 'Ba gena lwäyö ki jiy.

Jøøn 10:39

Ni cäŋge tïmö ni ge manynya man makge gø, 'ba kär päth ceŋge.

Jøøn 18:20

Ni løgi ya Jecu jïre, ni «A wø cäänö ni wïnyö jaak jï jø piny, naa wø pöö cooth yïth uut acook lam ki yi kal mar Øt Jwøk Mana Dwøŋ, kany wø cuŋ jø Juuthi yie bëët, ni bäŋ gïn mo yaa caanø ni yaa mooŋø.

Jøøn 7:19

?Aŋø, ciik Jwøk kär cïp Modhe jïïu? 'Ba bäŋ dhaanhø aciel dïïu mo ciik Jwøk ee gwøø. ?Aŋø ni cayu man 'nägu aani en?»

Jøøn 7:44

Ni møøk dïge caya man makge gø, 'ba bäŋ dhaanhø mo cere ee rwaak baŋ gø.