Luk 19:17 - Wëël Jwøk

¹⁷ «Ni kööe jïgø, ni ‹Wøp døc, ï na laŋŋø mo beer. Kiper mana tïmï niï maar ka ŋääth ri gïna thiinh, mïëri apaar owëëk ïïni ni tïmge ni ena cerï.›

Luk 19:17 Iomraidhean Croise

Wïlöölö 39:4

Ni ö Jocepi ni jïte ki met ec baŋ kwääye, ni tïny gøøni; ni ö eni ni tïïc Jocep na kwäärö man wø raŋ jap paare bëët, ni cïp teek jïre bäät jap paare bëët.

Pwöc Leec Wïc 27:18

Ŋat wø gwøk olaam, nyïï gø came camø, ni ŋat wø gwøk kwäärö mare jïtö ki wödö.

Mathiew 25:21

«Ni kö kwääye jïgø, na ‹Atïïyï na wøp, ïïna laŋŋø mo beer mo di ŋäädhö. Ïïna tïmö niï di ŋäädhö ki jammi mo nøk. 'Ba ennø, jammi mo thööth ocïba cerï. Ööï nee met yi kwääyï bëëde bäätï.›

Luk 16:10

«'Ba ŋat wø ŋääth ri jammi mo nøk, maar ka ŋääth thuwø ki jammi mo thööth. 'Ba ŋat wø ba ŋääth ri jammi mo nøk, ba maar ŋääth thuwø ki jammi mo thööth.

Luk 19:16

«Ni ö mana dïkwøŋŋi nyïme, ni kööe, ni ‹Kwäärö, gwellï na näk aciel, aduunnö ki gwel apaar møøk.›

Luk 19:18

«Ni ö rietge ni kööe, ni ‹Kwäärö, gwellï na näk aciel, aduunnö ka abïïc.›

Luk 22:30

kiper nou cämu ni mädhu kar cam mara yi buya, ni pïïu piny bäät wäle, nou ŋøla luum tuk Icriel karge paari kurriiø.»

Wëëlö Mana Göör Pøølli Baŋ Jø Röm 2:29

'Ba dhaanhø wø tïmö ni ena ŋat Juuth ma adïëri kiper man wø en cwïnye. Ni daŋ ma adïëri beeye gïn mo ena cwïny, na gïr jwïëy ni patha gïn mo tïïc ka cenø. Ni pwøc mare ba käl baŋ jiy, 'ba käla baŋ Jwøk.

1 Körin 4:5

Kiper manøgønø, käru ŋut piny ni kanya wäŋŋi poodi, ni Kwäärö poot kär öö, ŋato wëëk jammi nëënne, moø no okanø yi muudhö yøø, ni nyooth tiet luup moa en cwïny jiy. 'Ba kanyøgø jiy bëët ojïti ki pwøc mano wëëk Jwøki geni.

2 Timöthi 2:10

Kiper manøgønø, cwïnya yaa maa ki yïth jammi bëët kiper jø Jwøk, nee pïëm man piem geni ki gø na en ri Krictø Jecu jootge thuwø, ni beeye pïëm man wø cäädhi ka ajiema näk adïëri na näk bäŋ cuŋŋe.

1 Piter 1:7

kiper manøgønø, nee ŋäädhe maru na näk adïëri na pere letha eni ki warkey ni wø päänynyi ki maac këël na ŋääi ni ränynyö, nee känne ki pwøc, ka ajiem, ki wödö yi cäŋo nyooth Jecu Krictø yie.

1 Piter 5:4

'Ba kanyo nyooth Kwääy dïkwääye, uuno jïti ka adun ajiem man wø ba jøøl.

1 Camiel 2:30

«Kiper manøgønø, Wuuö Jwøk Jwø Icriel mare acaane ni kööe, ni ‹Ka adïëri møn, aana köö ni dhi øtø marï ki dhi øt kwaru doo bëëdö ni tïïö geni na dïlämme nyïma cooth;› 'ba ennø, Wuuö Jwøk mare acaane ni kööe, ni ‹Gïnögø ba tïïa këët, kiper jø wø wøør aani, ge wøøra wøørø; 'ba jø wø taak aani, ge tïmö ni geno taaø thuwø.