Luk 18:7 - Wëël Jwøk

⁷ ?A Jwøk nø, jiye na jiere ba ŋunne, jø wø jwöŋi ïthe ki wärre ki cääŋŋe? ?Dëëre gaale gaalø ki gïrge?

Luk 18:7 Iomraidhean Croise

Dut Pwøc 88:1

Bwøth Wøk 22:23

'Ba ni näk mo ge you caannø, ni jwöŋge baŋa, a na Wuuö Jwøk, ka adïëri møn, kwac marge leŋa leŋø;

Aydheea 40:27

Wui, u na nyïïkwaac Jeekap, ni bee u na jø Icriel, ?aŋø ni ŋuru ni kööu, ni «Waŋjöö marwa arwäänyö ki baŋ Wuuö Jwøk, ni ö luup gïïa leth na en bäätwa ni pöödhe ki bäät Jwøk marwa ni käre ŋølø»?

Abakuk 2:3

Kiper gïno nyooth poot koora kanya wäŋŋi kipere. 'Ba eni laara cwöp øde ni ba kääŋi. Këël doo nëënö no oruu, koor eni, kiper ka adïëri møn, eni öö, ni eni ba ruu.

Mathiew 24:22

'Ba doo na nïrögø kär tïïö ni nøk, doo bäŋ dhaanhø mo doo piemø. 'Ba kiper jøøa no ojierø, nïrögø otïïc ni nøk kiperge.

Mathiew 24:24

Kiper Kricte mo patha adïëri ki nyïïkuk Jwøk mo patha adïëri, rege othïïŋge ni tïïge ki ŋïïce mo døøŋŋø ki gïï mo rëëma ec, nee wïth jiy maaŋge; këël wïth jøøa näk ojierø maaŋge maaŋŋø thuwø ni näk mo løny jïge.

Mathiew 7:11

?'Ba ni näk u na näk jø raay muuö ŋäyu ki man cïpu ki muuce mo beyø jï nyïïu, a Wääu ni en maal, okääŋe nidïï ki man cïp gïï mo beyø jï jø wø pëëny eni?

Luk 11:13

?'Ba ni näk u na näk jø raay muuö ŋäyu ki man cïpu ki muuce mo beyø jï nyïïu, a Wääu ni en maal nø, okääŋe nidïï ki man cïp Jwïëc Jwøk na en kur keere jï jø wø pëëny eni?»

Luk 2:37

Ni bëëde na cï thøø këël mana thöödhe ki cwiiri ma pïërabära kurŋween. Ni eni kär dak yi kal mar Øt Jwøk Mana Dwøŋ. 'Ba bëëdö ni lämö ni wödö, ni wøøra Jwøk ki wärre ki cääŋŋe.

Luk 21:28

'Ba kanyo täk gïïögø, tïŋŋu wïthu ni neennu maal, kiper pïëm mano piem uuni ki gø, kare onø cäännö.»

Wëëlö Mana Göör Pøølli Baŋ Jø Röm 8:33

?Aŋa noo känni ki luubö mo raac bäät jøøa jier Jwøki? Kiper beeye Jwøk wø jïëc dhaanhø ni mare beer.

Köløcia 3:12

Kiper manøgønø, kaawat mana ö Jwøki na jier uuni, nou ena kur keeru na mo Jwøk ni uuno omëëye, bëëdu ni cwïnynyu jööt, ni yïthu bäth, nou mwöl, ni bäŋ atöör, ni cwïnynyu you cïp piny.

1 Thecalönika 3:10

Ni wa lämö ki cwïnywa bäre ki yïth cääŋŋe ki wärre bëët, kiper nee wa cäŋwa røømmø ki uuni, nou kønywa ki gïno many ŋäädhe maru.

2 Thecalönika 1:6

Kiper ocaan Jwøki møn, ni beer jïre ki man cool kwöri dëët jø wø tïïc gïï mo leth dëëtu,

1 Timöthi 5:5

'Ba dhaaŋ wø näk cï thøø møn, ni dööŋŋa eni keere, wø ŋäätha Jwøk møn, ni put bëëtö ni kwaaya Jwøk cooth, ni lämö ki wärre ki cääŋŋe.

2 Timöthi 1:3

Jwøk apwøa, eni na tïnynya ni cwïnya leer bäre, kaawat mana tïïc kwäya, kany wø caara gïrï cooth yïth laam 'moa.

2 Timöthi 2:10

Kiper manøgønø, cwïnya yaa maa ki yïth jammi bëët kiper jø Jwøk, nee pïëm man piem geni ki gø na en ri Krictø Jecu jootge thuwø, ni beeye pïëm man wø cäädhi ka ajiema näk adïëri na näk bäŋ cuŋŋe.

Tayta 1:1

Aana Pøøl na laŋ Jwøk ni näga nyïïatwiel mar Jecu Krictø, kiper nee ŋäädhe mar jøøa jier Jwøki nee cääth nyïm, ki moa dege ŋääö ra adïëri ni wø kïth jiy jöör Jwøk,

1 Piter 1:1

Aana Piter na näk nyïïatwiel mar Jecu Krictø, a määtha u na jø Jwøk na näk okeethø, ni wø bëëdö na wëëlle yi Pønta, ki Galeecia, ki Kapadöcia, ki Eecia, ki Bithinia,

2 Piter 3:9

Kiper Wuuö ba dwiil ki mana buue, keda man wø caan jø møøki ni dwiil, 'ba eni poot koora uuni ni cwïnye ee cïp piny, ni bäŋ ŋat manynye nee ränynye, 'ba eni manynya jiy bëët nee thumge ri løk cwïny.

Mana Nyooth 18:20

'Ba ï na maal, yiï mïnne nø ki gïre, ki u na jø Jwøk, ki nyïïatwieli, ki nyïïkuk Jwøk, kiper kwöri mou acool Jwøki dëër paanøgø.

Mana Nyooth 6:10

Ni köökge ki dwøl mo päl, ni «?Wui Kwäärö Jwøk na en teeki jïre, na en kur keere na näk adïëri, awäne noo ŋølï luubö noo coolï kwör remwa dëët jøø ni bëëdö bäät piny en?»

Mana Nyooth 7:15

«Ni beeye tiere ni cuŋge nyïm wäl Jwøk en, ni ge tïnynya eni ki cääŋŋe ki wärre yi Øt Lam mare na dwøŋ. 'Ba eni ni en bäät wälu kiper na nude, geno gëëŋe.