Luk 18:43 - Wëël Jwøk

⁴³ Ni put nyeŋŋe døø karge, ni läp køør Jecu, ni jiema Jwøk. 'Ba na ö jiyi bëët na neenge gïnögø, Jwøk apwøcge.

Luk 18:43 Iomraidhean Croise

Aydheea 35:5

Kanyøgø cööye nyeŋge ojap, ni ö meŋŋe ni wïnyge luup.

Aydheea 42:16

Cööye bwødha bwødhø ki waŋjöö mo kucge, ge pieya pieyø ki nyeŋ jïëthe mo kucge. Muudhö tïïa tïïö na tar nyïmge, ni ö kwöra gwalli øtjöö ni tïïa ge ni pøøth. Gïïögøøni beege noo tïïa, ni ge ba wïïa jaak ni kära tïïö.

Aydheea 43:21

Jiya moa tïïa kiper dëëra ajiem mara caange caanø.

Mathiew 11:5

ni cööye nyeŋge adøø karge, ni ö ŋööte ni cääthge, ni ö jøøa näk dëëtge da dhøøbø ni døø dëëtge karge, ni ö meŋŋe ni wïnyge luup, ni ö jøøa näk othøw ni tïŋ ge maal ki yi thøø, ni ö jøøa canni ni køp luumma nyään na met jïge.

Mathiew 21:14

Ni ö cööye ki ŋööte baŋe Øt Jwøk Mana Dwøŋ. Ni køny geni.

Mathiew 9:8

'Ba kanya ö lwaaki na neenge gïnögø, gena lwäyö, ni jiemge Jwøk, na cïp teeŋ teek ma enønø jï jiy.

Luk 13:17

'Ba kanya caan gïnögø, nyïïmänne bëët wïthge alääö. Ni ö lwaae ni mïn yïthge ki gïïa beyø na tïïe bëët.

Luk 19:37

'Ba na tïme ni kare cään ki kany wø løøc piny ki bäät Kïn Ølip, lwaa bääŋa päl enøgø, gena tägö ki man pwøcge Jwøk ki dwøl mo päl ni yïthge met kiper tïïe moa døøŋŋø bëët na jootge.

Luk 4:39

Ni gääŋe bäät gø ni jook adïrïgi, ni put adïrïgi aae dëër gø. Ni ö nyijøøgø ni put ö maal ni tïny geni.

Luk 5:26

Ni ö jiyi ni rëëm yïthge bëët, ni jiemge Jwøk, ni geno lwäyö døc, ni köge, ni «Øøna jïtö ki gïn mo rëëma ec dïcäŋi.»

Luk 9:43

'Ba jiy bëët yïthge athäŋŋö ki teek Jwøk. 'Ba kanya pootge ni yïthge othäŋŋö ki gïïa tïïe bëët, ena köö jï bääge,

Moa Tïïc Nyïïatwieli 11:18

'Ba na wïnyge luummögø, gena lïŋö ni jiemge Jwøk, ni köge, ni «Këël juurre thuwø awëëk Jwøki løk cwïny nee kwøw jootge.»

Moa Tïïc Nyïïatwieli 26:18

kiper nee nyeŋge japï, nee muudhö wecge ni løøge rege baŋ tar, ni wecge teek Ceethan ni løøge rege baŋ Jwøk, kiper nee raay moge wec Jwøki, ni jïtge ki karge dï jøøa näk ocïp kur keerge na mo Jwøk, ki køør ŋäädhe man wø ŋääthge aani.›

Moa Tïïc Nyïïatwieli 4:21

'Ba na nø ŋwönyge ge døøc, gena wëëkge wääth, ni bäŋ jöö mo ege joodø ki man pwötge ge, kiper gïno caan jiyi. Kiper jiy bëët Jwøk apwøcge kiper gïna tägö.

Galeecia 1:24

Ni pwøcge Jwøk kipera.

1 Piter 2:9

'Ba uuni, uuna jiy mo ojierø, ni nägu dïlämme mo tuuŋ kwär, na jiy mo ena kur keerge, na jic Jwøk kiree, kiper nee moa beyø na tïïc ŋata cwöl uuni wøk ki yi muudhö ni kïth uuni yi taye na beer døc, nee køpu.