Luk 18:14 - Wëël Jwøk

¹⁴ «A cäänna uuni, ni ŋatøgø aaa paare no ojïëö ni mare beer, ni kwier maya. Kiper jiy bëët mo wø døøc dëëtge mo døøŋŋø, odwøk piny. 'Ba ŋat wø døøc dëëre mo can, otïïc ni dwøŋ.»

Luk 18:14 Iomraidhean Croise

Jööp 22:29

Ni näk da jiy mo geno dwøk piny, ïïno köö, ni ‹Ge tïŋ maal,› køøre Jwøk jøøa no odwøk piny opieme.

Jööp 25:4

?Aŋø, bëët dhaanhø tïme ni tiir nidïï nyïm Jwøk? ?Dhaanhø man no onywøl dhaage en, bëëtö mare tïme ni waany nidïï?

Jööp 9:20

Këël na bëëda ni bëëtö mara tiir, dhøk mara a wø di jäälö. Këël na bëëda ni bäŋ gïn mo jøøŋŋi ri bëëtö mara, luup mo wø cara, raaya wø dige nyoodhø.

Bwøth Wøk 18:11

Kawaane ajooda møn ni Wuuö Jwøk dwøŋŋa eni ki juu bëët, kiper køny manøgø atïïe kiper atöör mana tïïc jø Ijepi bäät jø Icriel.»

Pwöc Leec Wïc 15:33

Ki man lwäär Wuuö Jwøk duunnö ki pwöc leec wïc, ni dhaanhø mo mwöl jïtö ki wödö.

Pwöc Leec Wïc 18:12

Kany wø poot dhaanhe ni kär ränynyö, cwïnye wø da atöör, 'ba kany wø bëët dhaanhe ni mwöl, wø jïtö ki wödö.

Pwöc Leec Wïc 25:7

kiper beerra eni ki man køøi ki ïïni, ni «Dää kany,» ni kaala man dwøk ï piny nyïm ŋata kare dwøŋ. Gïn mo iï nø joot ki waŋï,

Pwöc Leec Wïc 29:23

Atöör mar dhaanhø, dhaanhø wø dwøge piny, 'ba ŋat mo bëëdö ni dëëre ee dwøk piny wø jïtö ki wödö.

Pwöc Leec Wïc 3:34

Eni, jø abuua, marge wø dwøge wïthge, 'ba mëër mare wø nyoodhe nyoodhø jï jøøa mwöl.

Luup Dïpööy 9:7

'Ba ennø, ciï ni camï cam marï ki met ec, ni maathï køøŋø marï ni cwïnyï met; kiper Jwøk yie onø mïnnö ki tïïe moï.

Aydheea 45:25

Ki ri Wuuö Jwøk nyïïkwaac Icriel bëët di ŋunnö, ni putge eni jiem.»

Aydheea 53:11

Wuuö Jwøk aköö, ni «Køør gïïa jwøre ki cwïnye, yie omïnni kanyo joot gïno beer. Eni na dhaanhnha na mare beer, ki køør leec wïc mare, jiy mo thööth ojïëe ni marge beer ki køør mana käär raay moge.

Aydheea 57:15

Kiper Wuuö Jwøk, eni na en maal na kare dwøŋ, ni wø bëëdö na bäre bäre, ni wø nyeŋŋe en kur keere, ena köö, ni «Aani, a bëëdö maal kany mo ena kur keere, naa bëëdö thuwø ni kara cään ki jiy moa näk cwïnyge opädhö kiper raay moge, ki jiy moa näk cwïnyge opädhö ki køør japa leth na pïï bäätge, nee jiy moa näk cwïnyge opädhö nee cwïnyge cøma, ni mooa jiy moa no ocaarø ki jwöm ki yïth cwïnyge.

Aydheea 66:2

Kiper beeye cera na tïïc japøgø bëët, ni ö japøgø bëët ni putge tïmö ni nut. Luummögø caana a, a na Wuuö Jwøk. «'Ba aani, ŋato jïre raŋa beeye dhaanhø mo dëëre ee dwøk piny, mo cwïnye opädhö kiper raay moe, ni dëëre kwanynyi ki lwär ki dwøra.

Daniel 4:37

Kawaane a na Nabukedenecör, a pwøya nyeya mar maal, ni tïŋa nyeŋŋe maal, ni jiema eni, kiper tïïe moe bëët beege adïëri, ni jïëth tïïe moe tiir, ni eni løny jïre ki man dwøk jiy piny mo wø bëëdö ni cwïnyge da atöör.

Abakuk 2:4

«Ka adïëri møn, ŋat atöör bäŋ bëëtö mo tiir yi cwïnye, 'ba ŋata mare beer kwøw ki køør ŋäädhe mare.

Mathiew 23:12

Kiper ŋat wø døøc dëëre mo dwøŋ, odwøk piny. 'Ba ŋat wø dwøk dëëre piny, kare otïïc ni dwøŋ.

Mathiew 5:3

«Gwïëth en bäät jø wø ŋäc can marge nyïm Jwøk, kiper buya käl maal beeye marge.

Luk 1:52

Eni jøøa kwörge døøŋŋø wø dwøge piny ki bäät wäle moge, ni røøny jøøa can.

Luk 10:29

'Ba na tïme ni manynya man piem dëëre, ena köö jï Jecu, ni «?Ŋat mør aŋa ni daa mëër ki gø?»

Luk 14:11

Kiper jiy bëët mo wø døøc dëëtge mo døøŋŋø, odwøk piny. 'Ba ŋat wø døøc dëëre mo can, otïïc ni dwøŋ.»

Luk 16:15

'Ba Jecu aköö jïge, ni «Beeye uuni ni wø pwøc dëëtu keeru nyïm jiy nou beyø, 'ba cwïnynyu ŋäc Jwøki. Kiper gïn wø näk wøp døc ki jï jiy, beeye gïna raaca eni ki jï Jwøk.

Wëëlö Mana Göör Pøølli Baŋ Jø Röm 3:20

Kiper bäŋ dhaanhø mo jïëc ni mare beer nyïm Jwøk ki køør tïïe moa en ri ciik Jwøk. Kiper beeye ciik Jwøk ni wø ö dhaanhe wø ŋäc raay ki køøre.

Wëëlö Mana Göör Pøølli Baŋ Jø Röm 4:5

'Ba mar ŋat wø ba tïïö, 'ba ŋäätha Jwøk ni wø jïëc jø raay ni marge beer, ŋatøgø ojïëc no obëënynyö ki køør ŋäädhe mare.

Wëëlö Mana Göör Pøølli Baŋ Jø Röm 5:1

'Ba kawaane na tïme ni øøno jïëö ni marø beer ki køør ŋäädhe, yïthakiyø ki Jwøk ajïtö ki bëët-mëër ki køør Kwääyø ma Jecu Krictø.

Wëëlö Mana Göör Pøølli Baŋ Jø Röm 8:33

?Aŋa noo känni ki luubö mo raac bäät jøøa jier Jwøki? Kiper beeye Jwøk wø jïëc dhaanhø ni mare beer.

Galeecia 2:16

ŋäcwa ni dhaanhø ba jïëc Jwøki ni mare beer ki køør tïïe moa en ri ciik Jwøk, 'ba beeye ki køør ŋäädhe ni en ri Jecu Krictø. Këël waani, waana jïëy ni ŋääthwa Krictø Jecu, kiper nee wa jïëc ni marwa beer ki køør ŋäädhe ni en ri Krictø, ni paa ki køør tïïe moa en ri ciik Jwøk. Kiper bäŋ dhaanhø mo jïëc ni mare beer ki køør tïïe moa en ri ciik Jwøk.

Jeemeth 4:10

Døøyu dëëtu mo mwöl nyïm Wuuö, 'ba uuno røønye.

Jeemeth 4:6

'Ba eni wø cïpö ki met ec mo päl. Ni beeye ni wø caan, ni «Jwøk män ka jø atöör, 'ba met ec wø wëëge jøøa mwöl.»

1 Camiel 1:18

Ni kö Anna, ni «Beerra man bëët yiï ni met ki aani.» Ni ö Anna ni put aay, ni cäme ni täärnyïme leer jaak.