Luk 18:12 - Wëël Jwøk

¹² Kiper a wø wödö ki kwöre ariiø ki yi jwøk, naa cïpö ki paac wïth jammi na jëëthe røk gïï wø jooda bëët.›

Luk 18:12 Iomraidhean Croise

2 Nyeye 10:16

Ni kö Jiyu, ni «Øøni ø aay na aciel nee gïno tïïa ki cwïnya bäre kiper Wuuö Jwøk nee neenï.» Køøre ena put aay ki eni na aciel ki yi jääy mare man wø tut okweenynyi.

Aydheea 1:15

Kiper manøgønø, kany wø thaaŋu ceŋŋu maal nou lämö, waŋa kana kanø ki uuni. U këël doo lämö ki lam mo dwøŋ døc, aani, ïtha ba ciia; Kiper uuna jiy mo uuno kuny piny ki rem jiy.

Milkiya 3:8

«?Aŋø, løny jï dhaanhø ki man møt Jwøk? 'Ba uuni aana møtu. «'Ba uuna köö, ni ‹?Ï ewa mødø nidïï?› «Møt mana mudu ki gø beeye mana käru cïpö ki paac wïth jammi ki muuce.

Kwään Jiy 18:24

kiper paac wïth jammi mo jø Icriel mo wø cïpge na muuce jïra, a na Wuuö Jwøk, yaa mëëk jø tuuŋ Libay na moge. Ni beeye na caana gø ni bäŋ ŋøøm mo cïp jïge yïthakic jø Icriel mo maara dööŋŋe jï nyïïkwaacge.»

Kwään Jiy 23:4

Ni ö Jwøki ni røømme ki Beelam, ni kö Beelammi jïre, ni «Aana tïïö ki gïï wø cïp olämme bäätge ma abïriiø, ni cïpa bäät man nø ki rwaath aciel ki nywø røømmø aciel.»

Mathiew 5:20

Kiper a cäänna uuni, ni näk bëënynyö maru, bëënynyö mar dïpööye mo ciik Jwøk ki mar jø Paricith ba kaale, u ba doo døny yi buya käl maal na bäre bäre.

Mathiew 6:1

«Gwøgu rou nee tïïc mo beer ba tïïyu nyïm jiy kiper nee neenge. Kiper ni näk ma enøgønø, bäŋ gïn mo jootu baŋ Wääu ni en maal.

Mathiew 6:16

«'Ba kanyo wäro lämu ki lam-wödö, kär nyeŋŋu døøyu mo can kaawat man wø tïïc jø atade. Kiper geni dëëtge wø wecge wiiø no ocweer nee wödö marge joot jiyi. Adïëri møn, a caana gø jïïu, ni mana doo ci jïge, anø jootge.

Mathiew 6:5

«Ni kanyo wäro lämu, käru tïmö nou caala jø atade. Kiper yïthge met ki lam ni ge cuŋŋö uut acook lam ka agääk jïëthe, kiper nee ge neen jiyi. Adïëri møn a caana gø jïïu, ni gïna doo ci jïge, anø jootge.

Mathiew 9:14

Kanyøgø bääk Jøøn aö baŋ Jecu, ni köge, na «?Aŋø ni wø tïïwa ki lam-wödö ki jø Paricith en, ni bäägï ba wödö?»

Luk 11:42

«'Ba otïmö ni raac jïïu, u jø Paricith. Kiper u wø cïpa paac wïth jammi na jëëthe røk gïï wø thenh thenh wø piith bëët, ni weyu mëëc Jwøk ki ŋøl luup ma kare na caane. Gïïögø beege gïïa dou tïïö, ni ba weyu moøgø thuwø.

Luk 17:10

'Ba uuni thuwø, kany wø nø tïïyu gïï wø caan jïïu bëët, wäro wø kööu, ni ‹Waana laaŋe mo bäŋ gïrwa, 'ba wa tïïya tïïa näk owii ceŋwa cøøn.› »

Wëëlö Mana Göör Pøølli Baŋ Jø Röm 3:27

?Ni näk ma enøgønø, gïna døø töödö kipere, age eni? Bäŋgø. ?A køør ŋø? ?Køør tïïe? Patha eni. 'Ba beeye ki køør ŋäädhe.

1 Körin 1:29

Kiper manøgønø nee bäŋe ŋat mo töödö nyïm Jwøk.

Galeecia 1:14

Ni aano kadhø ri lam jø Juuth, ni tïëŋwa mo thööth yaa kaalø dï jø powa, kiper cwïnya yaa cïbö døc køør kööŋŋe mo kwäya.

Epeca 2:9

ni paa kiper tïïe, kiper nee bäŋe ya ŋat mo töödö.

1 Timöthi 4:8

Ŋääø ni pwöny røk beeye gïn mo beer, 'ba bëët jöör Jwøk beeye gïna beerra eni døc ki kare bäre, kiper beeye eni ni cïp kwøw ennø, ki kwøw mano en yi nyïm thuwø.

1 Camiel 15:13

'Ba kanya pïïc Camielli baŋ Cøøl, Cøøl Camiel amäädhe ni kööe jïgø, ni «Ïïno gwïëth Wuuö Jwøki. Aani, ciik Wuuö Jwøk akïtha bäät tïïc.»