Luk 18:1 - Wëël Jwøk

¹ 'Ba kanyøgø, Jecu bääge acäänne ki luubö mo keda leer ni nyootha gø jïge ni ge doo lämö cooth, ni cwïnyge ba jøøm.

Luk 18:1 Iomraidhean Croise

Aydheea 40:31

'Ba jiy mo wø bëëdö ni ge ŋäätha Wuuö Jwøk ge jïtö ki teek mo nyään; ni määtge ki bwöm kaamar odhuuth, ni rïïŋge ni ge ba ööl, ni cääthge ni tietge ba øc piny.

Aydheea 62:7

ni ba wëëgu eni jwöm thuwø këël kanyo këël tier Jerucalem piny ni teek, ni mooc gø ka ajiem bäät piny.

Jeremaya 29:12

'Ba nyeŋŋa ocøøru, ni ööu ni kwayu aani ki lam, ni ööa ni wïnynya maru.

Joona 2:7

«Kanya bëëda ni bääta opädhö, wïïa aputa caar ki ï na Wuuö Jwøk, ni ö lammi mara ni pïïe baŋï yi øt lam marï na en kur keere.

Luk 11:10

Kiper jiy bëët mo wø pëëö, wø di cïbö jïge, ni ŋat wø määnyö, wø joode joodø. Ni ŋat wø dööŋö, wø di jabø jïre.

Luk 21:36

'Ba kuru cooth, nou lämö nee lønye jïïu ki man bøthu ri gïïo tägi bëët, nou cuŋŋu nyïm Wär Dhaanhø.»

Wëëlö Mana Göör Pøølli Baŋ Jø Röm 12:12

'Ba yïthu mïnge ki ri ŋäädhe maru, ni cïbu cwïnynyu piny ki gïïo leth ni wø pïï dëëtu, ni lämu cooth.

2 Körin 4:1

Kiper manøgønø, na tïme ni tïïc man ni tïïcwa en, jootwa ka køør met yi Jwøk, cwïnywa ba wëëkwa pädhö.

Galeecia 6:9

Beerra man ba jøømø ki tïï gïïa beyø. Kiper øøno kää kanyo näk ma kare, ni näk mo bäätø ba wëëgø pädhö.

Epeca 6:18

Lämu cooth ki ri Jwïëc Jwøk, ki teeŋ laam bëët ki kwac. Kiper manøgønø, bëëdu ni nyeŋŋu you jabø ni dëëtu you gwøø, nou kwaaya Jwøk kiper jø Jwøk bëët,

Pilipay 4:6

Kär dee gïn lääŋŋu ki cwïnynyu, 'ba ki yïth jammi bëët, gïn wäro manynyu wäru pëënynyu ki Jwøk nou lämö, nou kwaya eni, nou dwøga met ec baŋe.

Köløcia 4:12

'Ba uuna määth Epapara ŋata öö ki baŋu, na näk laŋ Krictø Jecu. Eni lääŋŋa uuni cooth ki cwïnye bäre yïth laam moe, nou cuŋŋu ni uuno thur karu, ni moa many Jwøki bëët you kwanyø na adïëri.

Köløcia 4:2

'Ba putu bëëtö nou lämö cooth ki cwïnynyu bäre, nou dwøga met ec.

1 Thecalönika 5:17

Ni lämu cooth.

1 Camiel 1:12

'Ba kanya bëëde ni Anna lämö jï Wuuö Jwøk, Ëli bëëdö ni neeta dhi gø.