Luk 17:3 - Wëël Jwøk

³ Gwøgu rou. Ni näk coku obääyö, joogï; 'ba ni näk mo wïïe caare caarø, wär wëënnï.

Luk 17:3 Iomraidhean Croise

Bwøth Wøk 34:12

Gwøk riï ki man ba tudï ki luubö ki jiy mo wø bëëdö yi ŋöömmo ciï yie, kiper nee ba tïme na gïn mo caala abïëp dïïu.

Pwöc Leec Wïc 17:10

Juuk wø dønynya yi cwïny ŋat mo cädö, ni kaala kwör pöödö ma dïpa mo opïï dëër ŋat mo wïïe känni.

Pwöc Leec Wïc 27:5

Juuk mo onyoodhø beerra eni ni kaala mëër mo juuk mare kär nyoodhø.

Pwöc Leec Wïc 9:8

Kär ŋat abuua joogï, nee ba männe ki ïïni; jook dhaanhø mo wïïe leer, eni mëëyö ki ïïni.

Ciik Kiper Dïlämme 19:17

« ‹Kär dee män mo magï maaø ki yi cwïnyï ki ŋat pou. Wadu wär joogï; 'ba ni näk mo ba joogï, bääyö tïmö ni marï thuwø.

Mathiew 18:21

Kanyøgø Piter aö baŋ Jecu, ni kööe jïgø, ni «?Kwäärö, a kwöre adïï noo bääc coka dëëra, ni wëënna wëënnö? ?Beeye këël kwöre abïriiø kiree?»

Luk 21:34

«Gwøgu dëëtu. Kanymør cwïnynyu tïmö ni ena køør caammi, ki meeye, ki lääŋ jap kwøwi en, ni ö cäŋöce ni laar ö bäätu ni caala abïëp.

Epeca 5:15

Kiper manøgønø, gwøgu dëëtu døøc ki wääthu, ni wïthu leer nou patha jiy mo wïthge ba leer.

Tiet Ciik 4:15

«'Ba dïcäŋa cään Wuuö Jwøki ki uuni bäät Kïn Körëp ni eni ena dï maac, kar kaaca bäŋ gïn mo you joodø mo caala dëël. Kiper manøgø nø, beerra man gwøgu rou døc,

Tiet Ciik 4:23

'Ba ennø, gwøgu rou kiper nee wïthu ba wïlge ki gïna tuut Wuuö Jwøki na näk Jwøu ki uuni, ni ba tëëŋŋu dëëtu ki kït gïrpiny mo kïte caala kït gïn mør jaak, mo uuno kööm Wuuö Jwøki na näk Jwøu kiperge, ni kär tïïyu.

Tiet Ciik 4:9

«'Ba ennø, gwøgu rou døc, ni bëëdu ni rou you koorø, kiper nee wïthu ba wïlge ki gïïa neennu ki nyeŋŋu, nee gïïge ba rwäänyge cwïnynyu ki yïth nïr kwøw mou bëët. 'Ba gïno tïïyu beeye ki man pwönynyu obwöre mou ki nyïïkwaayu ki geni nee ŋäcge.

Ibaru 12:15

Gwøgu røgu nee bäŋe ŋat mo kääŋi ki met yi Jwøk, nee bäŋe gïn mo keec mo tuy ni ööl uuni, ni raany jiy mo thööth.

Jeemeth 5:19

'Ba nyïïmera, ni näk da dhaanhø dïïu mo gaa wøk ri jöör adïëri, ni duui ya ŋat mørri kare,

2 Jøøn 1:8

Gwøgu dëëtu, kiper nee gïna tïïu kipere nee ba rwäänye jïïu, 'ba nee mana doo ci jïïu nee wëëk uuni na kare.