Luk 16:9 - Wëël Jwøk

⁹ 'Ba aani ki dëëra, a cäänna uuni, ni määnynyu dëëtu ki nyïïawäädi ki jap kwärö mo bäät piny, kiper dïcäŋo thum jammi yie, nou jïëc kwör bëëte moa näk bäŋ cuŋge.

Luk 16:9 Iomraidhean Croise

Pwöc Leec Wïc 14:24

Jap kwärö mo jøøa wïthge leer beeye aduda jïge, 'ba bëët bøølø mar jøøa wïthge känni beeye bøøl møn.

Pwöc Leec Wïc 19:17

Ŋat wø nyooth mëër ni wø cïpi jï jøøa can mooya Wuuö Jwøk; eni cun Wuuö Jwøki cunnö kiper gïna beer na tïïe.

Pwöc Leec Wïc 23:5

Kany wø näk mo waŋï këëta bääte, puta aay; kiper kwärö wø laara jïtö ki bwöm, ni tïme kaamar odhuuth ni wø määt maal.

Luup Dïpööy 11:1

Bëëdï ni iï bäth ki man cïpï, kiper dïcäŋ aciel ï di duunnö.

Aydheea 57:16

Kiper a ba bëëdö naa jälla geni cooth, naa ba gooti ki geni cooth; kiper noo nøøya ge, jwïëcge ränynyö nyïma, ni beege jwïëy moa cïba jïge, ge na cwääa.

Daniel 4:27

Kiper manøgønø, ï na nyeya en, beerra man tïm gïno caana en ni yiï met ki gø. Ïïni wec gïïa bayï, ni bëëdï niï tïïya gïn mo beer, ni weyï raay moï, ni bëëdï niï nyootha køny jï jøøa no ocaarø. Kanymør ni kwärö marï løny ki man ruue.»

Mathiew 19:21

Ni kö Jecu jïgø, ni «Ni näk miï manynya man tïm bëëtö marï no othur kare ni beer bäre, ciï ni dwøgï gïïa en jïrï bëët pwödhö, ni mëëgï gwetge jøøa can, ni ööï ni cäädhï køøra. Køøre nø, ïïno jïti ki jap kwär maal.»

Mathiew 6:19

«Kär dëëtu kännu ki jammi bäät pinyi en, ni da alweela ki nyal mo raanynya ge, ki kuuwe mo turö ki uudi mo kwädö.

Mathiew 6:24

«Bäŋ dhaanhø mo løny jïre ki man tïny kwääri ariiø. Kiper eni løny ki man männe ka aciel ni mëëre ki maya. Wala cwïnye wëëge aciel, ni jøøŋ maya. Kiper ba løny jïïu ki man tïnynyu Jwøk ni tïnynyu jap piny.

Luk 11:41

'Ba beerra man cïpu jï jøøa can røk gïï wø en ya athaa. Kanyøgø nø, jammi bëët tïmö ni waany jïïu.

Luk 12:33

Dwøgu japu pwödhö ni cïpu jammi moøgø jï jøøa can. Ni mooyu dëëtu ko opïri mo ba jøøl, ni beege jammi mo okanø maal, ni wø nut karge cooth, kany wø bäŋ kuu mo ci baŋge, ni bäŋe alweela mo räänyö.

Luk 14:14

'Ba ïïno gwïëth, kiper ï ba maarge cunnö. 'Ba ïïno cunni cäŋo duu jøøa beyø wøk ki yi thøø.»

Luk 16:11

?'Ba ni näk mo u kär ŋäädhö ri jap kwärö mo bäät piny, aŋa noo wëëk u jap kwärö moa näk adïëri?

Luk 16:13

Bäŋ ŋat tïïc mo doo tïny kwääri ariiø. Kiper eni løny ki man männe ka aciel ni mëëre ki maya, wala cwïnye wëëge aciel ni jøøŋ maya. Kiper ba løny jïïu ki man tïnynyu Jwøk ni tïnynyu jap piny.»

Luk 16:4

'Ba mano tïïa ajooda, kiper naa wëëk jiyi ciin mïëcge kanyo käl a wøk yi tïï kwär.›

Moa Tïïc Nyïïatwieli 10:31

ni kööe, ‹Körnilia, lam marï awïnyö ni ö muuce moï ni ŋäyi ya Jwøki.

Moa Tïïc Nyïïatwieli 10:4

Ni raŋ jïgø ni cwïnye obwøk. Ni kööe, na «?Agïnaŋø, Kwäärö?» Ni kö nyïïatwielli jïre, ni «Lam marï ki muuce moï apïï maal na ŋïï nyïm Jwøk.

2 Körin 4:17

Kiper gïn ni thiinh ni leth noo laar pöödhö en, jiiŋŋa waani kiper ajiem mana näk adïëri na näk bäŋ cuŋŋe na bäŋ gïn pääri ki gø.

Juut 1:21

Ni bëënnu mëëc Jwøk, nou koora køny mar Kwääyø ma Jecu Krictø mano cööp ri kwøw mana näk adïëri mo bäŋ cuŋŋe.