Luk 16:25 - Wëël Jwøk

²⁵ 'Ba Eeberam aköö, ni ‹Wääda, caar wïïï ki kanya bëëdï piny niï kwøw. Ïïno jäŋ ki jammi mo beyø. 'Ba Ladhara bëëdö ka bëët can yïth jammi mo reyø. 'Ba kawaane cwïnye ee cïp piny kany, ni ïïni, ï ena yi rääm.

Luk 16:25 Iomraidhean Croise

Jööp 22:18

'Ba bee eni na pääŋ mïëri moge ki gïï mo beyø; kiper manøgønø, aani a cuŋŋö ni kara bäär ki jøø ni reyø yøø.

Wëël Kïmmö 1:7

Jerucalem yïth nïr beede na nïr caarø ii ki nïr thääyö wïïe di parø ki bëëtö mare na beer na beede yïth nïra dïkwøŋ. Kanya päth jiye cer nyimän, bäŋ ŋat mo køny eni. Ena raŋ nyïïmänni moe, ni ŋeethge ki gïr ränynyö mare.

Daniel 5:30

'Ba kanya tïme na dïwäänögø kiree, Belthacör aput 'näk, eni na nyeny jø Babiløn,

Mathiew 27:63

ni köge, ni «Kwäärö, wïthwa aparwa ki luum dïcuuy manøgø, kanya poode ni kwøw ena köö, ni ‹Køør nïne adäk, a cäŋa ö maal ki yi thøø.›

Maak 9:45

'Ba nee tierï beeye wø wëëk ïïni bääyö, ŋul wøk. Kiper beerra eni jïrï ki man ciï yi kwøw na ŋwøl, ki mana di ï leeŋ yi maac kar ajäla ki tietï riet.

Luk 16:20

'Ba dhi kiire da nyen mør mo can mo ree ee nyaaŋ piny mo cwøl ni Ladhara, mo dëëre ogääbö ki ŋwiili.

Luk 16:23

'Ba ena kïth kar pöödö yi rääm mo leth døc. Ni tïŋ wïïe maal ni neen Eeberam kany mo bäär ni Ladhara ena kööre.

Luk 16:26

'Ba maya thuwø, yïthakiyø da aŋaak mo dwøŋ døc mo otïïö, kiper nee jøøa doo many man känhge baŋu ki kany, nee ba maar lønyø jïge. Ni bäŋe dhaanhø thuwø mo doo känhnhö ki kunögø ni ö baŋwa.›

Luk 6:24

«'Ba otïmö ni raac jïïu, u no okwär ennø, kiper gïï wø mïn yïthu ki ge anø wëëk u.

Jøøn 16:33

Man en a caana jïïu, nee bëët-mëër nee jootu baŋa. Uuni, gïï mo leth ojwørru yi pinyi en. 'Ba magu cwïnynyu, kiper piny yaa nø böötö.»

Moa Tïïc Nyïïatwieli 14:22

ni ge cøømma cwïny bääŋi, ni köömge geni døøc ki man putge bëëtö ri ŋäädhe. Ni ge cara gø, ni «Ki yïth gïï mo leth mo thööth moo jwørø beeye noo dønynyø buc Jwøk.»

Wëëlö Mana Göör Pøølli Baŋ Jø Röm 8:7

Kiper cwïny man wø näk ocïp køør dëël, män ki Jwøk, ni dwør ciik Jwøk ba leŋe, ni ba maar lønyø jïre ki man leŋ gø.

Tiet Ciik 28:17

«Arööt mou ki dääk thaal mou mo wø tïïu ki geni ocien.

Pilipay 3:19

'Ba cuŋ marge beeye ränynyö, ni jwøge beeye ec, ni lään wïc marge ege tïïö na ajiem, ni cwïnyge ege cïp køør jap piny.

1 Thecalönika 3:3

nee bäŋe ya ŋat mo cwïnye dak kiper gïïö ni leth yøø. Kiper ŋäyu ki dëëtu ni manøgø beeye bëëtö marø.

Ibaru 11:25

Ni tïme ni jiera bëët caarø ki jø Jwøk na aciel, ki mana di yie mïnnö ki jap raay ni wø laar jøølø.

1 Jøøn 2:15

Käru mëër ki piny wala japi ni en yi pinyi en. Ni näk da ŋat mo mëër ki piny, mëër man wø mëërö ki Wuuö ba en cwïnye.

Mana Nyooth 7:14

Ni dwøga gø jïre, ni «Ŋäyï, kwäärö.» Ni duu gø jïra, ni «Jøøgø beege jøøa ö wøk ki yi gïna leth døc na wäŋŋi. Abïïkge apenyge ni tïïcge ge ni tar ki rem Nyidiel.