Luk 16:2 - Wëël Jwøk

² Ni put gø cwøl baŋe, ni kööe jïgø, na ‹?Agïnaŋø ni wïnynya kiperï en? Mëëk a wëëlla en cerï nee jammi cääbø, kiper ï ba maar bëëdö ni ïïna kwääy tïïc këët.›

Luk 16:2 Iomraidhean Croise

Luup Dïpööy 12:14

Kiper Jwøk jammi bëët kïthe kar ŋøl mare, ni beege jammi bëët moa näk tietge okanø, nee raac wala beer.

Mathiew 12:36

'Ba a cäänna uuni, ni dïcäŋo ŋøl luup yie, luup bëët mo wø caan jiyi ni bäŋ tietge jaak, ocäŋ døø wïthge.

Mathiew 20:8

«'Ba kanya tïme na abøøya, wää pwödhö ŋat wø raŋ jø tïïc mare aluumme ni kööe, ni ‹Cwøl jø tïïc ni mëëgï japge geni, niï tägï ka jøøa öö ŋää cään, këël mano këëtï baŋ jøøa öö dïkwøŋ.›

Luk 12:20

'Ba Jwøk aköö jïgø, ‹Ï ni bäŋ wïc en. Wääni en, jwïëyï olwør. ?A kanyøgønø, japa jiiŋŋï yøø otïmge na mo ŋa?›

Luk 12:42

Ni kö Kwäärö, na «?A laŋŋø mane nø, ni wïïe leer mo maar ka ŋääth, ŋat mo doo cuum kwääye bäät laaŋe bëët paare, nee caapge wø pääŋŋe jïge kany wø näk ma kare?

Luk 16:1

Kanyøgø thuwø, Jecu aköö jï bääŋi, ni «Da nyen mør mo okwär mo jïre da kwääy tïïc mo jape ee wii cer gø, ni wïny luup møøk kiper gø, ni eni räänyö ki jape.

Luk 16:3

Ni ö kwääy tïïögø ni pëëny dëëre keere, na ‹?Agïnaŋø noo tïïa nø, ni ö kwääya ni käl tïï kwär wøk cera? Kiper a jääk ki puur, ni wïïa laay ki kwac.

Wëëlö Mana Göör Pøølli Baŋ Jø Röm 14:12

Kiper ŋati man nø dïïø opëëny Jwøki kiper mare.

1 Körin 1:11

Kiper awïnynya baŋ jø tuuŋ Kalööe ni da pïëm dïïu, nyïïmera.

1 Körin 4:2

'Ba jø wø wëëk tïïc, manynya jiy mo oŋäädhö.

1 Körin 4:5

Kiper manøgønø, käru ŋut piny ni kanya wäŋŋi poodi, ni Kwäärö poot kär öö, ŋato wëëk jammi nëënne, moø no okanø yi muudhö yøø, ni nyooth tiet luup moa en cwïny jiy. 'Ba kanyøgø jiy bëët ojïti ki pwøc mano wëëk Jwøki geni.

2 Körin 5:10

Kiper øøni bëët ø cuŋŋö nyïm thunh løøk mar Krictø, nee ŋati man nø jïte ki gïno joode na näk orømø ki gïïa tïïe na en ri dëël, nee gïï mo beyø, wala gïï mo reyø.

1 Timöthi 4:14

Kär niï taaga muuy manø ni en jïrï enø, na wëëk ïïni ki køør mana caan nyikuŋ Jwøki, kanya ö jaak acooŋ Jwøki na cïpge ceŋge bäätï.

1 Timöthi 5:24

Raay mo jø møøk nëënö jaak, ni ŋäc ni ge cøøa kar ajäla, 'ba raay mo jø møga dëëtge onyoothge cään.

1 Piter 4:10

Kaawat man bëëde ni ŋati man nø ojïtö ki muuy en, røgu wär køønynyu ki ge, ni uuna jø tïïc mo beyø, mo teeŋ gïï met ec mo thööth mo Jwøk owëëk uuni.

1 Piter 4:5

'Ba marge opëëny ŋata näk ree ee jiiø ki man ŋøl luup jøøa kwøw ki moa no othøw.

Mana Nyooth 20:12

Ni jooda jøøa näk othøw, moa døøŋŋø ki moa therø, ni ge cuŋŋö nyïm wällögø. Ni ö weeli ni jabi. Ni ö wëële mør thuwø ni jabi, wëëlla näk Wëël Kwøw. Ni ö luup jøøa näk othøw ni ŋøli ki køør gïïa näk ogöörö yïth weeli, ki køør tïïe moge.