Luk 16:15 - Wëël Jwøk

¹⁵ 'Ba Jecu aköö jïge, ni «Beeye uuni ni wø pwøc dëëtu keeru nyïm jiy nou beyø, 'ba cwïnynyu ŋäc Jwøki. Kiper gïn wø näk wøp døc ki jï jiy, beeye gïna raaca eni ki jï Jwøk.

Luk 16:15 Iomraidhean Croise

1 Luup Nyeye 29:17

Wui ï na Jwøk mara, ï ŋääa ni cwïny jiy nëënö jïrï, ni mëëyï wø nyoothï nyoodhø jï jøøa cwïnyge thïïŋ. 'Ba aani ki køør leec cwïny mara, gïïögø bëët acïba ki met ec mara. 'Ba ennø, jiyï moi ni kany ii ajooda ni ge cïpö jïrï ki muuce ki met ec.

2 Luup Nyeye 6:30

beerra man wïnynyï gø kany wø bëëdï yie maalø, ni wëënnï ŋati man nø ni cunnï gø ki køør moa tïïe bëët, ni beege jøøa cwïnyge ŋäyï, kiper bee ï keerï ni ŋäc cwïny jiy bëët,

Pwöc Leec Wïc 16:5

Wuuö Jwøk yie raac ki jiy bëët moa näk cwïnyge da atöör; ka adïëri møn, geni, ge ba bøth ka ajäla.

Pwöc Leec Wïc 20:6

Jiy mo thööth wø köö ni ge mëër ki jiy ki mëër mo ba jøøl, ?'ba aŋa no jïti ki ŋat mo oŋäädhö?

Pwöc Leec Wïc 21:2

Ŋati man nø øtjöör tïïc mare wø nëënö ni thïïŋ ki jïre, 'ba Wuuö Jwøk wø neeta cwïny jiy.

Jeremaya 17:10

«Beeye aani na Wuuö Jwøk ni wø neen cwïny dhaanhø, ni wø raŋ acaac dhaanhø thuwø, ni ŋati man nø cunna cunnö ki køør uutjïëth bëëtö moe, ki køør tïïe moe ni wø tïïe.»

Milkiya 3:15

'Ba ennø, ki baŋwa jø atöör beege ni yïthge met. Jø wø tïïc gïï mo reyø tïmö ni kwärra geni, ni ö geni ni päänyge Jwøk ni bäŋ gïn mo tägi dëëtge.› »

Mathiew 23:5

Ni tïïe moge bëët wø tïïcge kaper nee neen jiyi. Kiper opïri moge mo wø twöö dëël na näk tiet weet Jwøk okwøø yïthge wø tïïcge tïïö ni døøŋŋø, ni tïïcge okuri mo waare mo wø twöö ceŋ aleeŋŋe moge ni thøøthge bäyö døc,

Mathiew 6:16

«'Ba kanyo wäro lämu ki lam-wödö, kär nyeŋŋu døøyu mo can kaawat man wø tïïc jø atade. Kiper geni dëëtge wø wecge wiiø no ocweer nee wödö marge joot jiyi. Adïëri møn, a caana gø jïïu, ni mana doo ci jïge, anø jootge.

Mathiew 6:2

«Kiper manøgønø, kanyo wäro cïpï ki jammi jï jøøa can, kär kunhnhï ki tuuŋ, kaawat man wø tïïc jø atade yïth uut acook lam ki uutjïëthe, kiper nee ge pwøc jiyi. Adïëri møn, a caana gø jïïu, ni mana doo ci jïge, anø jootge.

Mathiew 6:5

«Ni kanyo wäro lämu, käru tïmö nou caala jø atade. Kiper yïthge met ki lam ni ge cuŋŋö uut acook lam ka agääk jïëthe, kiper nee ge neen jiyi. Adïëri møn a caana gø jïïu, ni gïna doo ci jïge, anø jootge.

Luk 10:29

'Ba na tïme ni manynya man piem dëëre, ena köö jï Jecu, ni «?Ŋat mør aŋa ni daa mëër ki gø?»

Luk 11:39

'Ba Kwäärö aköö jïgø, ni «U na jø Paricith, u wø peny ŋää awal ki ŋää athaa, 'ba yïthu päŋ ki møt ki raay.

Luk 18:11

Kanyøgø ŋat Paricith acuŋŋö ni läm dëëre keere na enøgø, ni kööe, ni ‹Jwøk, ïïna pwøa kiper na ba caala jø møga bëët, na näk dïmute, ki jøøa reyø, ki jø lugi, naa ba caal ŋat ajwäk manøgø.

Luk 18:14

«A cäänna uuni, ni ŋatøgø aaa paare no ojïëö ni mare beer, ni kwier maya. Kiper jiy bëët mo wø døøc dëëtge mo døøŋŋø, odwøk piny. 'Ba ŋat wø døøc dëëre mo can, otïïc ni dwøŋ.»

Luk 18:21

Ni kööe, ni «Gïïögø bëët yaa gwøø, këël ki mana käla thïnhö.»

Luk 18:9

Ni ö Jecu ni cäŋ luummi caannø thuwø ni keda leer jï jø møøk, jøøa näk dëëtge ege jiemø keerge ni beyø geni, ni jøøŋge jø møga.

Luk 20:20

Kanyøgø nø, ena neetge døc, ni jääkge ki jiy ni cøøkge rege ni keda gena jiy mo marge adïëri, nee jïtge ki luubö mo makge gø ki gø ri gïïo care, nee kïthge nyïm kwääc paac, ŋat wø ŋøl luup, na en teeki cere.

Luk 20:47

jø wø dar uut määr thuunhnhi, ni wø lämö ki lam mo yie bäär ni ge nyootha rege. 'Ba geno jïti ka ajäla mo dwøŋŋa eni.»

Jøøn 2:25

ni eni ba cac dhaanhø mør mo køp gïr ŋat mør jïre. Kiper eni ki dëëre gïn wø en cwïny dhaanhø ŋääe.

Jøøn 21:17

Ni cäŋ köö ri dääge, «?Cayman o Jøøn, ï mëër ki aani?» Kanyøgø Piter cwïnye apädhö kiper na pëënynyi ya Jecu kwöre adäk, ni «?Ï mëër ki aani?» ni kööe jïgø, ni «Kwäärö, kawaane jammi bëët ŋäyï. Ni ŋäyï ki man näk maa mëër ki ïïni.» Ni kö Jecu jïre, «Piith dïëga.

Moa Tïïc Nyïïatwieli 1:18

'Ba Juudac aŋëëö ki pwödhö ki japa joode dëër gïna raac na tïïe. Ni ö eni ni päth bäät ŋute, ni cööt yie, ni ö cïïre ni øcge wøk.

Moa Tïïc Nyïïatwieli 1:24

Ni lämge, ni köge, ni «Wui Wuuö, ï ni wø ŋäc cwïny jøw bëët, nyooth ŋata jierï jïwa dëët jøøi na ariiø ii,

Moa Tïïc Nyïïatwieli 15:8

'Ba Jwøk ni wø ŋäc cwïny, mare anyoodhe na adïëri kanya wëëk Jwïëc Jwøk na en kur keere geni, kaawat mana tïïe jïïø.

Wëëlö Mana Göör Pøølli Baŋ Jø Röm 3:20

Kiper bäŋ dhaanhø mo jïëc ni mare beer nyïm Jwøk ki køør tïïe moa en ri ciik Jwøk. Kiper beeye ciik Jwøk ni wø ö dhaanhe wø ŋäc raay ki køøre.

Wëëlö Mana Göör Pøølli Baŋ Jø Röm 8:27

'Ba ŋat wø dar cwïny jiy, gïna en cwïny Jwïëc Jwøk ŋääe, kiper beeye Jwïëc Jwøk ni wø kwääö kiper jø Jwøk keda mana many Jwøki.

1 Körin 4:5

Kiper manøgønø, käru ŋut piny ni kanya wäŋŋi poodi, ni Kwäärö poot kär öö, ŋato wëëk jammi nëënne, moø no okanø yi muudhö yøø, ni nyooth tiet luup moa en cwïny jiy. 'Ba kanyøgø jiy bëët ojïti ki pwøc mano wëëk Jwøki geni.

1 Piter 3:4

'Ba wøp maru wär tïme na mööl ki lïŋŋe ni en cwïnynyu ni wø ba ränynyi, ni beege ni mïërö ki waŋ Jwøk.

1 Piter 5:5

'Ba u ni therø thuwø, leŋŋu luup jaak acooŋ Jwøk. Bëëdu nou mwöl ki røgu keeru karubëët, kiper Jwøk män ka jø atöör, 'ba met ec wø wëëge jøøa mwöl.

Mana Nyooth 2:23

'Ba nyïïe onääa ni thøwge ki thøø mo leth. Ni ö acook Jwøki bëët ni ŋäcge gø ni beeye aani ni wø neen gïï wø en yi cwïny ki wïc. 'Ba ŋati man nø dïïu omooa ki mano rømi ki tïïe moe.

1 Camiel 16:7

'Ba Wuuö Jwøk aköö jï Camiel, ni «Kärï raŋ dëër dhaanhø jaak wala bäye, kiper eni yaa kwierø. A na Wuuö Jwøk, raŋ mara ba caal raŋ mar dhaanhø; kiper dhaanhø, raŋŋa dëër dhaanhø wøk jaak, 'ba a na Wuuö Jwøk, a raŋŋa cwïny dhaanhø.»