Luk 16:13 - Wëël Jwøk

¹³ Bäŋ ŋat tïïc mo doo tïny kwääri ariiø. Kiper eni løny ki man männe ka aciel ni mëëre ki maya, wala cwïnye wëëge aciel ni jøøŋ maya. Kiper ba løny jïïu ki man tïnynyu Jwøk ni tïnynyu jap piny.»

Luk 16:13 Iomraidhean Croise

Mathiew 4:10

'Ba Jecu aköö jïre, ni «Daak riï, Ceethan, kiper ogöörö, «ni ‹Ï doo wøøra Wuuö Jwøk na näk Jwøï, ni beeye eni keere na diï tïnynyö.› »

Mathiew 6:24

«Bäŋ dhaanhø mo løny jïre ki man tïny kwääri ariiø. Kiper eni løny ki man männe ka aciel ni mëëre ki maya. Wala cwïnye wëëge aciel, ni jøøŋ maya. Kiper ba løny jïïu ki man tïnynyu Jwøk ni tïnynyu jap piny.

Luk 11:23

Ŋat wø ba en kura, män ki aani, ni ŋat wø ba cuuŋö ki aani, mare keth.

Luk 14:26

ni «Ni näk da ŋat mo ööa baŋa ni ba män ki wänni, ki menni, ki cïïe, ki nyïïe, ki nyïïmenni, këël jwïëye kiree, ŋatøgø ba maar tïmö na bääŋa.

Luk 16:12

?'Ba ni näk mo u kär ŋäädhö ri jap ŋat mør, aŋa noo wëëk u japa näk mou?

Luk 16:9

'Ba aani ki dëëra, a cäänna uuni, ni määnynyu dëëtu ki nyïïawäädi ki jap kwärö mo bäät piny, kiper dïcäŋo thum jammi yie, nou jïëc kwör bëëte moa näk bäŋ cuŋge.

Luk 9:50

'Ba Jecu aköö jïre, ni «Kär mänu. Kiper ŋat wø ba män ki uuni, ena kuru.»

Jeemeth 4:4

?Nyie, u ni wø kwier luum Jwøk en, kuyu ni ŋat wø näk nyïïawäädi ki piny, mare män ki Jwøk? Kiper manøgønø, ŋat wø many piny nee tïme na nyawatge, wø tïïya ree ni ena nyimän Jwøk.

Jøcua 24:15

'Ba ni näk mo määnö jïïu ki man tïnynyu Wuuö Jwøk, dïcäŋi ennø, jëëtu ki jwøk mana dou tïnynyö; ni näk mo beeye juu moa tïny kwäyu kanya enge løø Naam Upareeti løøga, wala juu mo jø Amör ni bëëdu yi ŋöömge en, jierru; 'ba aani ki jø paara bëët, Wuuö Jwøk tïnywa tïnynyö.»