Luk 15:5 - Wëël Jwøk

⁵ 'Ba noo joot gø, tïŋe ŋute ni yie met.

Luk 15:5 Iomraidhean Croise

Aydheea 62:12

Køøre jøøgø, ge di cwølø ni gena jiy mo ena kur keerge, ni beege jøøa wïïl Wuuö Jwøki wøk, ni cwøl Jerucalem ni Pääny Mana Manynyi, na Pääny Mo Kär Wiiø.

Aydheea 62:5

Kaawat man wø ö dïcwøø wø nywøm nyakøø, ï na Jerucalem thuwø wäätï omëëyi ki ïïni; kaawat man wø ö dïcwøø wø mïn yie kany wø tïŋ cïïe na dhaagø thiinh, Jwøk marï thuwø yie mïnnö ki ïïni.

Aydheea 63:9

Ki yïth japa leth bëët na jwørge, Wuuö Jwøk ajwötö thuwø; ni ö nyïïatwiel maal mana en nyïme ni piem geni, ni wïïl geni wøk ki køør mëër mare ki bäth ec mare, ni tïŋ geni maal ni käär ge ki yïth nïne bëët moa pöödhö.

Edhikiel 18:23

Wuuö Jwøk aköö, na «?Aŋø, løny ki man mïn yia ki thøø mar ŋat raay? Ba doo løny; 'ba man manynya beeye ki man løk ree nee bëëde ni kwøw.

Edhikiel 33:11

Caanï jïge, ni Kwäärö Wuuö Jwøk aköö, ni ‹Kaawat man bëëda naa kwøw en, a na Kwäärö Wuuö Jwøk, cwïnya ba mïnni ki thøø mar ŋat raay, 'ba mana beer, beeye ki man løk cwïnye yïth raay moe ni kwøe. Løgu cwïnynyu! Løgu cwïnynyu ki yïth uutjïëthe mou na reyø! ?Aŋø ni manynyu thøø en, u na jø Icriel?›

Mikiya 5:4

'Ba eno ö maal ni kwaac jiye kaamar pïïth dïëk, ni kwaaye ki nyeŋ Wuuö Jwøk na dwøŋ, Jwøk mare, ki teek mo käla baŋ Wuuö Jwøk. Ni ö geni ni bëëtge ni geno nikwak, kiper ki mano täge kar kaace nø, eni bëëdö ni dwøŋŋa eni, këël cuŋ piny bäre,

Mikiya 7:18

?Ïïni, a Jwøk mane ni caal ïïni, ï ni wø wëën raay, ni wø wec gïïa bac jiyï na näk thöögï moa dööŋ? Ïïni wëër marï ba bëëdö na bäre bäre, 'ba yiï wø mïnni ka man nyoothï mëër marï ni wø ba jøøl.

Jepaniya 3:17

Wuuö Jwøk, Jwøk marï, nut buutï; ena ŋat leny mo teek man wø böödö. Eni yie omïnni ki ïïni ki met ec mo dwøŋ, ni wëëk ïïni nikïïl yi mëër mare; yie mïnnö bäätï ni kwöŋŋe ki met ec.»

Luk 15:32

'Ba beeye gïn ma wøp ki man kwäägø ni mïn yïthø, kiper coku man en athøw, 'ba acäŋ kwøwø. Ni rwäänye, ni cäŋi jootø.› »

Luk 15:4

na «?Aŋa dïïu ni jïre da dïëk ma dïpa, ni näk ma aciel orwäänyö dïge, ni ba wii pïërabïŋween ka abïŋween dï paap ni ci køør mana rwäänyö këël mano joot gø?

Luk 15:6

'Ba kanyo ö paac, nyïïawääte bëët cwøle cwølø, ki jø wø en buut paare, ni kööe jïge, ni ‹Yïthu mïnge ki aani na aciel, kiper diera mana rwäänyö, ajooda.›

Luk 19:9

Ni kö Jecu jïgø, ni «Dïcäŋi paani apiem, kiper ŋati en beeye nyikwaar Eeberam thuwø.

Luk 23:43

Ni løk gø jïgø, na «Adïëri møn, a cäänna ïïni, ni dïcäŋi en, ïïno en kany mo beer ki aani na aciel.»

Jøøn 15:11

Moi bëët a caana jïïu, kiper nee met ec mara bëëde cwïnynyu, ni ö met eci maru ni kadhe.

Epeca 2:10

Kiper øøna gïïa tïïe, ni cwääc ka ri Krictø Jecu kiper tïïe moa beyø, moa näk ojiiŋ Jwøki cøøn, nee ø bëëdø ni ø tïïya geni.

Epeca 3:7

'Ba aani, aana wëëk tïny luummögø ki køør met yi Jwøk na cïbe jïra, na wëëk a ka køør teege ni wø tïïö.

1 Thecalönika 1:5

Kiper luumwa na nyään na met kär ö baŋu na luubö keere, 'ba aöö ki teek thuwø ki ri Jwïëc Jwøk na en kur keere, na caanwa na gïn mo ŋäcwa døøc. Ni ŋäyu gø ki man näk a teeŋ bëëtö mo nyïëdi na beetwa dïïu, na kønywa uuni.

2 Timöthi 2:26

nee bøthge ki ya abïëp mar anägö, na kwøŋ ge peec kiper nee mana manynye tïïcge.

Ibaru 12:2

ni ø neeta Jecu, eni na täk ŋäädhe marø ni wø tïïc gø nee thur kare, ni beeye ŋata jïëny thøw bäät jaadha no odëëdö kiper met ec mana en nyïme, na taak laac wïc, ni pï piny buut wäl Jwøk bäät cwïïc.

1 Piter 1:5

u na näk ogwøk Jwøki ki teege ki køør ŋäädhe, nee pïëm man piem u ki gø mana näk onø jiiŋŋø noo nyooth kanyo cuŋ pinynyi yie nee jootu.