Luk 15:4 - Wëël Jwøk

⁴ na «?Aŋa dïïu ni jïre da dïëk ma dïpa, ni näk ma aciel orwäänyö dïge, ni ba wii pïërabïŋween ka abïŋween dï paap ni ci køør mana rwäänyö këël mano joot gø?

Luk 15:4 Iomraidhean Croise

Aydheea 53:6

Øøni bëët, øøna tïmö kaamar rööm mo orwäänyö, ŋati man nø dëëtø ena gak ki waŋjööre keere. 'Ba Wuuö Jwøk raay 'moø bëët akïth bäät gø.

Jeremaya 33:13

ni beege yïth mïëri moa en bäät thuuri, ki yïth mïëri moa en yi ŋöömma näk ree ee päärö, ki yïth mïëri mo Nëgëp, ki yi ŋööm Benjamen, ki yïth mïëri moa en deŋ Jerucalem, ki yïth mïëri mo Juuda, noo cäŋ tïmö ni da pïïth dïëk mo kwaan dïkwääye kwaanø.› Luummögø caana Wuuö Jwøki.

Jeremaya 50:6

«Jiya atïmö kaamar dïëk moo rwäänyö. Gena bwøth dïkwääye moge ki jöö moo gaa wøk, ni tïïcge geni nee wïïrge bäät kïte; ni thääcge bäät kïte ki bäät thuuri, ni wïl wïthge ki kar jwöm marge.

Edhikiel 34:16

Aani, dïëk moa no orwäänyö manynya manynyø, ni duua moa no okeethø, ni bääa ŋwiili moa en dëëtge, ni tïïa dëët moa jägö ni teek; 'ba moa no olør ki moa dëëtge teek raanynya raanynyø. 'Ba aani, dïëk 'moa käära käärö ki jöö ma kare.

Edhikiel 34:31

'Ba u na dïëk 'moa, ni bee u dïëk 'moa mo wø caama, uuna jiy 'moa, ni aana Jwøk maru.› Luummögø caana Kwäärö Wuuö Jwøki.»

Edhikiel 34:4

Uuni, moa näk oööl käru wëëk tëënnö, ni käru moa tuu kønyø, ni käru ŋwiili moa en dëëtge bääö, ni käru moa no okeethø cooŋø, ni käru moa no orwäänyö manynyø, 'ba ge kääru ka teek ni ge you caannø.

Edhikiel 34:8

Kwäärö Wuuö Jwøk aköö, ni ‹Kaawat man bëëda naa kwøw en, ka adïëri møn, kiper mana tïm pïïth dïëki 'moa ni bäŋ dïkwääy jïge, gena put tïmö ni ge di tweeyø, ni putge tïmö na cam jï lääc paap bëët, kiper mana bëët dïkwääye ni pïïth dïëk 'moa kärge manynyø, ni tïmge ni ge gwøga dëëtge keerge ni pïïth dïëk 'moa kärge gwøø.›

Mathiew 12:11

'Ba ena köö jïge, na «?Aŋa dïïu, ni näk mo jïre da diel aciel, ni ö dierøgø ni päth yi buur ki cäŋ jwömö, ni ba käl gø wøk?

Luk 13:15

'Ba adwøk Kwäärö jïgø, ni «?U na jø atade, aŋø, da dhaanhø dïïu mo dhere wala arëëne bäŋ wø gøønye ki cäŋ jwömö ni køøl gø baŋ maath pïï?

Luk 15:3

Kanyøgø luummi na keda leer acaane jïge, ni kööe,

Luk 19:10

Kiper Wär Dhaanhø öönynya kuna many jøøa näk orwäänyö nee pieme.»

Wëëlö Mana Göör Pøølli Baŋ Jø Röm 2:1

Kiper manøgønø, ï na dhaanhø, këël mo ïïna ŋa cøøn, kany wø ŋølï luum dhaanhø mør piny, riï ba diï maara piem. Kiper kany wø ŋølï luum dhaanhø mør piny, ï jääla riï. Kiper ïïni ni wø ŋut piny, ï poot bëëdö niï tïïya gïïögø ki dëëtge.

1 Piter 2:25

Kiper uuna kwøŋ bëëdö kaamar rööm mo orwäänyö, 'ba kawaane uuna duu baŋ Dïkwääy na näk Dïkuri mar jwïëyu.