Luk 15:22 - Wëël Jwøk

²² 'Ba ŋata näk wuuö laaŋe moe aluumme, ni ‹Laaru kännö ka abïï ma wøp døc, ni kïthu gø dëëre, ni kïthu cere ko ogut, ni kïthu tiete ki war.

Luk 15:22 Iomraidhean Croise

Wïlöölö 41:42

Køøre Peerø gwel lweedø mare akäl wøk ki lweete ni kïth gø cer Jocep, ni røø abïïe dëëre mo beyø døc, ni kïth warkey jedhe.

Acther 3:10

Ni ö nyeya ni käl gwel lweedø mare wøk man wø näk ree da ŋïï man wø gøø dëër wëëlö, ni wëëk gø Amaan wär Amëdatha, na käl ri tuuŋ Agaak, ŋata män ki jø Juuth.

Acther 8:2

Kanyøgø nyeya ogut lweedø mare man wø näk ree da ŋïï man wø gøø dëër wëëlö, na lwøre baŋ Amaan, akäl wøk ni wëëk gø Mördekay. Køøre Acther jammi moa näk mo Amaan bëët aput cïp cer Mördekay.

Obeec Dudi 7:1

Wui, ï na nyi ŋat mo kare dwøŋ! Tietï moø ni iï kïth yi war yøø mïërö marge ka akadhø døc, ni bathï pøøth ni caala jap mïërö mo wø tïïc jø wø nyeŋge reegø.

Aydheea 61:10

Aani yia amïnnö døc ki ri Wuuö Jwøk, jwïëya ajïtö ki met ec ri Jwøk mara; kiper pïëm man wø piem jiy ki gø, ki bëënynyö arøø dëëra kaamar abïï, ni tïma kaamar cø dhaagø thiinh mo wïïe ee kïthö ki jap mïërö, naa caala dhaagø thiinh mo dëëre ee jiiŋŋø ni mïërö ki nyeŋ tii mo perge leth.

Luk 15:21

'Ba wäädö aput köö jïgø, na ‹Awuuö, aana bääyö nyïm Jwøk ki nyïmï. A ba rømi ki man cwøl aani ni aana wäädï këët.›

Luk 15:23

Ni kälu rwaadha näk olør, ni 'nägu gø, nee ø cämø ni mïn yïthø.

Wëëlö Mana Göör Pøølli Baŋ Jø Röm 13:14

'Ba dëëtu wär cïpu jï Kwäärö ma Jecu Krictø, ni ba wëënnu dëël ki jöö man tïïc gïï wø manynye.

Wëëlö Mana Göör Pøølli Baŋ Jø Röm 3:22

ni beeye bëënynyö man wø cïp Jwøki man wø joot ki ri ŋäädhe ni en ri Jecu Krictø, ni beeye kiper jiy bëët mo wø jïëy ni ŋääthge. Kiper jiy röömi bëët.

Wëëlö Mana Göör Pøølli Baŋ Jø Röm 8:15

Kiper u kär wëëk jwïëy mo tïïya uuni na laaŋe nou cäŋu lwäyö. 'Ba uuna wëëk Jwïëy mo tïïya uuni na nyïï Jwøk. Kiper kany wø jwöŋø, ni «Abba, Awuuö,»

Galeecia 3:27

'Ba uuni bëët na lwøk na nyuudhi dëër Krictø, Krictø arøøu dëëtu.

Epeca 6:15

ni jap luumma nyään na met mar bëët-mëër you røø tietu.

Tiet Ciik 33:25

U na jø tuuŋ Acer, dïdëëte mo dhøk kiiri mou otïïc ki nywïënyö ma jwïël, ni bëëdu nou teek ki yïth nïr kwøw mou bëët.»

Mana Nyooth 19:8

Ni ena wëëk man kïth dëëre ka abïï mo pøøth, mo tar ni tøŋ.» 'Ba abïïnögø ni pøøth enø beeye gïïa beyø na tïïc jø Jwøki.

Mana Nyooth 2:17

«'Ba ŋat mo jïre da ïth, beerra man wïny gïn ni caan Jwïëc Jwøki en jï acook Jwøk. 'Ba ŋato böödö, owëëga cam meena mana näk okanø, ni mooa gø ki kïdi mo tar, mo nyeŋ mo nyään ogöör bääte mo bäŋ ŋat mo ŋäc gø, 'ba beeye ŋato cï jïre keere noo ŋäc gø.»

Mana Nyooth 3:18

'Ba a pwönynya ïïni ki man ŋëëmmï baŋa ki warkey mo oleenyø ki maac, kiper niï kwärï, ni ŋëëmmï baŋa ka abïïe mo tar, nee røøï dëërï, nee laac wïc manø ni cäädhï ki dëërï enø, nee ba neen, ni ŋëëmmï baŋa ki jaath nee nyeŋŋï wïïrï ki gø, niï nëënï.

Mana Nyooth 6:11

Kanyøgø ŋati man nø amooc ka abïï mo tar mo røøe, ni köömmi ni cäŋge bëëtö ki kany mo thiinh, këël mano päŋ kwään nyïïmëëkge, jø wø tïny Krictø ki geni na aciel moo 'näk kaamar marge.

Mana Nyooth 7:9

Køør gïïögø aana nëënnö, ni jooda lwaak mo päl døc, mo bäŋ ŋat mo maar lønyø jïre ki man kwaan geni, ni ööi ki yïth mïëri bëët, ki røk tuŋi bëët, ki røk jiy bëët, ki teeŋ dhøgi bëët, ni ge cuŋŋa nyïm wälu ki nyïm Nyidiel, ni geno ruyö ka abïïe mo tar, ni ceŋge da bäät twöe.