Luk 15:10 - Wëël Jwøk

¹⁰ 'Ba a cäänna uuni, ni da met ec ma enønø nyïm nyïïatwiet maal mo Jwøk kiper ŋat raay aciel mo cwïnye ee løø.»

Luk 15:10 Iomraidhean Croise

Edhikiel 18:23

Wuuö Jwøk aköö, na «?Aŋø, løny ki man mïn yia ki thøø mar ŋat raay? Ba doo løny; 'ba man manynya beeye ki man løk ree nee bëëde ni kwøw.

Edhikiel 18:32

Kiper aani yia ba met ki man dee dhaanhø mo thøw dëëtu. Kiper manøgønø, løgu cwïnynyu nou kwøwu.» Luummögø caana Kwäärö Wuuö Jwøki.

Edhikiel 33:11

Caanï jïge, ni Kwäärö Wuuö Jwøk aköö, ni ‹Kaawat man bëëda naa kwøw en, a na Kwäärö Wuuö Jwøk, cwïnya ba mïnni ki thøø mar ŋat raay, 'ba mana beer, beeye ki man løk cwïnye yïth raay moe ni kwøe. Løgu cwïnynyu! Løgu cwïnynyu ki yïth uutjïëthe mou na reyø! ?Aŋø ni manynyu thøø en, u na jø Icriel?›

Mathiew 10:32

'Ba jiy bëët mo wø jïëc aani nyïm jiy, ojïëa thuwø nyïm Wära ni en maal.

Mathiew 18:10

«Gwøgu rou døc, nee bäŋe nyilaal aciel røk moi ni therø ii mo taagu. Kiper a cäänna uuni, ni nyïïatwiet maal moge wø bëëdö ni neeta waŋ Wära cooth ni en maal.

Mathiew 18:14

Kaawat manøgøøni thuwø, Wära ni en maal ba cac man rwääny acielli dëët obwöre moi ni therø ii.

Luk 12:8

«'Ba a cäänna uuni, ni jøw bëët mo wø jïëc aani nyïm jiy, ojïëa thuwø, a na Wär Dhaanhø, nyïm nyïïatwiet maal mo Jwøk.

Luk 12:9

'Ba ŋato wäro mooŋ aani nyïm jiy, omooŋ thuwø nyïm nyïïatwiet maal mo Jwøk.

Luk 13:5

Jïre bäär. 'Ba a cäänna uuni, ni näk mo cwïnynyu ba løgu, u ränynyö bëët na enøgønø.»

Luk 15:11

Ni kö Jecu, ni «Da ŋat mør mo jïre da wääte ariiø.

Luk 15:7

'Ba a cäänna uuni, ni da met ec mo päl maal ma enønø kiper ŋat raay aciel mo cwïnye ee løø, ni kaala met ec mana di eci mïnnö kiper jiy ma pïërabïŋween ka abïŋween mo beyø mo bäŋ løk cwïny mo manyge.

Luk 15:9

'Ba kanyo joot gø, nyïïawääte cwøle cwølø bëët ki jø wø en buut paare, ni kööe, ni ‹Yïthu mïnge ki aani na aciel, kiper gwella rwäänyö dëëra, ajooda.›

Luk 7:47

Kiper manøgønø, a caana gø jïrï, ni raaye ni thööth yøø awec, kiper mëër mare okadhø. 'Ba ŋat wø wëënni ki gïn mo thiinh, mëëye thiinh.»

Moa Tïïc Nyïïatwieli 11:18

'Ba na wïnyge luummögø, gena lïŋö ni jiemge Jwøk, ni köge, ni «Këël juurre thuwø awëëk Jwøki løk cwïny nee kwøw jootge.»

Moa Tïïc Nyïïatwieli 5:19

'Ba na tïme na wäär, nyïïatwiel maal mør mar Wuuö odhuuth øt twöc ajabe ni käl geni wøgø, ni kööe,

2 Körin 7:10

Kiper teeŋ kïmmö man wø many Jwøki wø käla løk cwïny man wø bwöth baŋ pïëm man piem jiy ki gø, ni bäŋ jääl røk. 'Ba kïmmö mar pinyi en wø duua thøø.

Piliman 1:15

Kanymør gïna tøøre buutï en dïciel, beeye kiper nee duu baŋï nee put bëëte buutï na bäre bäre,

Ibaru 1:14

?Aŋø, ge paa jwïëy bëët ni wø tïny Jwøk, ni wø jääŋŋi kiper nee jø wø jïti ki pïëm man piem ge ki gø, nee bëënyge?