Luk 14:13 - Wëël Jwøk

¹³ 'Ba ni näk mo ï tïmö ki cam jï jiy, cwøl jøøa can, ki jøøa näk dëëtge oränynyö, ki ŋööte, ki cööye.

Luk 14:13 Iomraidhean Croise

2 Camiel 6:19

Køøre, eni dääpe ki nyïïomøki mo omiinynyø na dhøgi apääŋŋe jï jø Icriel moa thööth kaagø, ni beege cwøw ki mään, ni pääŋŋe jï ŋati man nø ki ŋati man nø. Køøre jiy bëët adøø mïëcge ni ŋati man nø døøa paare.

2 Luup Nyeye 30:24

Kiper Edhekaya nyeny Juuda akän wøk jï jø acooŋa ki dhäk ma kuma aciel ki dïëk ma kume abïriiø; 'ba kwääri gena kän wøk thuwø jï jø acooŋa ki dhäk ma kuma aciel ki dïëk ma kume apaar; ni ö dïlämme mo thööth ni cïpge dëëtge kur keerge na mo Jwøk.

Neemiya 8:10

Ni kö Neemiya jïge, ni «Uuni, cou ni cammu cam mana met døc, ni maathu køøŋø mana met døc, ni cïpu thäkge møøk jï jøøa näk bäŋgø jïge mo ege jiiŋŋø; kiper dïcäŋ man en atïmö ni ena kur keere na mar Wuuö Jwøk ma Kwäärö marø. Uuni, käru kïmmö, kiper met ec mar Wuuö Jwøk beeye teek maru.»

Neemiya 8:12

Kanyøgø jiy bëët gena put aa baŋ cam, ki baŋ maath, ni pääŋge caammi jï jiy, ni wøørge dïcäŋ manøgø ki met ec mo dwøŋ, kiper geni tiet luup moa caan jïge yi wëël ciik Jwøk aci cwïnyge.

Jööp 29:13

Ŋata en um thøø aana gwïëthe, ni wëëga cwïny määr thuunhnhi mïnnö ni wärge ki dudi.

Pwöc Leec Wïc 14:31

Ŋat wø tïïc gïn mo raac dëër dhaanhø mo can, janynya Jwøk na cwääc ŋatøgø, 'ba ŋat wø nyooth mëër jï ŋata can wøøra Jwøk na cwääc ŋatøgø.

Pwöc Leec Wïc 22:9

Ŋat wø nyooth mëër jï jiy wø di gwïëdhö, kiper man wø cïpe ri cam mare jï ŋat mo can.

Aydheea 58:10

ni näk mo dëëtu you cïbö jï jøøa no onäk käci ki man mooyu geni ki cam, ni wëëgu jøøa näk ocaannø jääŋö kaawat man wø manyge, tar maru orieny yi muudhö, ni ö wäärri ni tïme kaamar dïcäŋ jïïu.

Aydheea 58:7

Beeye ki man pääŋŋu caammi mou ki jiy moa no onäk käci, ni ö jøøa canni moa näk thääyö jaak ni määnynyu ge ki kwör bëëte, ni ö jøøa näk cäädhi ka dëëtge ni runynyu dëëtge ka abïïe, ni ba løøu nyïmmu wøk ki tuŋi mou na näk rem dëëtu.

Mathiew 15:30

Kanyøgøøni jiy mo thööth aö baŋe ni ge käla ŋööte, ki jiy moa näk obäp, ki cööye, ki jøøa näk ba luubö, ki jiy møøk mo thööth mo dëëtge da täwe ma teeŋi, ni cïpge ge piny nyïme. Ni ö Jecu ni køny geni.

Mathiew 22:10

«Ni ö laaŋe moøgø ni aage wøk uutjïëthe ni kälge jøøa jootge bëët, ni beege jiy moa reyø ki moa beyø bëët. Ni ö kar nywömmi ni pääŋe ki wëëlle.

Luk 11:41

'Ba beerra man cïpu jï jøøa can røk gïï wø en ya athaa. Kanyøgø nø, jammi bëët tïmö ni waany jïïu.

Luk 14:12

Kanyøgø ŋata cwøl eni kar cam acäänne thuwø, ni kööe, ni «Kany wø tïmï ki cam jï jiy, nee mar wäär wala waŋcäŋ, kär niï cwøla jøøa näk nyïïawäätï, wala nyïïmeru, wala tuuŋu, wala jø atut moï mo okwär. Kanymør ï läwge ka cwøl thuwø ni ge cunna ïïni.

Luk 14:14

'Ba ïïno gwïëth, kiper ï ba maarge cunnö. 'Ba ïïno cunni cäŋo duu jøøa beyø wøk ki yi thøø.»

Luk 14:21

Køøre laŋŋøgøøni aöö ni køp gïïögø jï kwääye. Kanyøgønø, kwääyögø na wää paaci enø, laŋŋe acäänne no ogootø, ni kööe, ni ‹Laar ci wøk ni caathï uutjïëthe moa døøŋŋø ki moa therø dï pääny, ni kälï jøøa can ki moa näk oränynyö, ki cööye ki ŋööte.›

Moa Tïïc Nyïïatwieli 9:39

Kanyøgø Piter aö maal ni cøøe ki ge. 'Ba na pïïe, ena kälge ni kïthge gø yi øt pööki mana en maal. Ni ö määr thuunhnhi bëët ni cuŋge buute ni ge jwöŋö, ni ge nyøtha koothe ka abïïe moa tïïc Dørka kanya poode dïge.

Tiet Ciik 14:29

Køøre jø tuuŋ Libay, kiper mana näk bäŋ ŋöömö mo odööŋ jïge na kurge yïthakiyu, ki juurre moa bëëdö dïïu, ki kïïe ki määr thuunhnhi moa en yïth päänye mou, geno ööi ni cämge ni jäŋge, kiper nee Wuuö Jwøk na näk Jwøu nou gwïëdhe ki tïïe bëët moo tïïyu ki ceŋŋu.

Tiet Ciik 16:11

Ni mïn yïthu nyïm Wuuö Jwøk na näk Jwøu, yi kanyo jier Wuuö Jwøki na näk Jwøu noo caa ri nyeŋŋe, ni beeye uuni ki wäätu ki nyïïu, ki jø tïïc mou moa näk cwøw ki moa näk mään, ki jø tuuŋ Libay, ki wëëlle moa path, ki kïïe, ki määr thuunhnhi mo bëëdö ka uuni.

Tiet Ciik 16:14

Ni mïn yïthu ka ajwömmögø, ni beege uuni ki wäätu, ki nyïïu, ki jø tïïc mou moa näk cwøw ki moa näk mään, ki jø tuuŋ Libay, ki wëëlle moa path, ki kïïe, ki määr thuunhnhi mo wø bëëdö ka uuni.

1 Timöthi 3:2

'Ba ŋat wø raŋ acooŋ Jwøk doo tïmö na dhaanhø mo bäŋ gïn mo jøøŋŋi ri bëëtö mare, mo cïïe aciel, ni ree ee mänö ki raay, ni wïïe leer, ni eno rømø ki wøør, na ŋat mo pänhnha wëëlle, ni ŋäc pwöc,

1 Timöthi 5:10

'Ba eni wär tïme na dhaagø mo wøp mare ee nyoodhø kiper tïïe moa beyø ni wø tïïe, na ŋat mo piitha obwöre, mo pänhnha jiy, mo lwøga tiet jø Jwøk, mo kønya jøøa näk dëëtge da gïï mo leth, mo puta tïmö ni tïïya gïï wø beyø ki yïth jammi bëët.

Tayta 1:8

'Ba eni doo tïmö na ŋat mo pänhnha wëëlle, ni mëër ka gïïa beyø, ni wïïe leer, ni bëëte tiir, ni cwïnye ena køør Jwøk, ni ree ee mänö ki raay.

Piliman 1:7

Kiper aana jïtö ki met ec mo dwøŋ ki cøm cwïny ki køør mëër marï, coka. Kiper cwïny jø Jwøk amïnnö ki køørï.

Ibaru 13:2

Kär nou weya man pänhnhu jøw mo path, kiper jø møøk nyïïatwiet maal apänhge na enøgønø ni kucge.