Luk 14:12 - Wëël Jwøk

¹² Kanyøgø ŋata cwøl eni kar cam acäänne thuwø, ni kööe, ni «Kany wø tïmï ki cam jï jiy, nee mar wäär wala waŋcäŋ, kär niï cwøla jøøa näk nyïïawäätï, wala nyïïmeru, wala tuuŋu, wala jø atut moï mo okwär. Kanymør ï läwge ka cwøl thuwø ni ge cunna ïïni.

Luk 14:12 Iomraidhean Croise

Pwöc Leec Wïc 14:20

Dhaanhø mo can këël watge männö ki gø, 'ba dhaanhø mo okwär, jiy mo thööth wø mëër ki eni.

Pwöc Leec Wïc 22:16

Ŋat wø møt dhaanhø mo can nee jap kwärö moe meede, ki ŋat wø cïpi jï jøøa näk okwär, wø pätha yi can.

Mathiew 5:46

?'Ba ni näk mou mëër ka jø wø mëër ki uuni keerge, agïnaŋø noo duue jïïu? ?Aŋø, këëlla jø ajwäk, ge ba bëëdö ka bëëtö ma enøgønø thuwø?

Luk 1:53

Ni ö eni ni cïp gïï mo beyø jï jøøa näk obup, ni cöör jøøa näk okwär wøk ki ceŋge jaak.

Luk 1:58

Ni ö jøøa en buute ya atut ki tuuŋge ni wïnyge gø ni ena nyuunh Wuue ki køny mo dwøŋ døc, ni mïn yïthge ki eni na aciel.

Luk 14:11

Kiper jiy bëët mo wø døøc dëëtge mo døøŋŋø, odwøk piny. 'Ba ŋat wø døøc dëëre mo can, otïïc ni dwøŋ.»

Luk 14:13

'Ba ni näk mo ï tïmö ki cam jï jiy, cwøl jøøa can, ki jøøa näk dëëtge oränynyö, ki ŋööte, ki cööye.

2 Körin 6:13

'Ba man, a cäänna uuni kaawat man wø cään obwöre, japu cwïnynyu jïwa thuwø.