Luk 14:11 - Wëël Jwøk

¹¹ Kiper jiy bëët mo wø døøc dëëtge mo døøŋŋø, odwøk piny. 'Ba ŋat wø døøc dëëre mo can, otïïc ni dwøŋ.»

Luk 14:11 Iomraidhean Croise

2 Camiel 22:28

Jøøa no ocaarø wø kønyï kønyø; 'ba jø wø töödö, waŋï wø këëta rege ki man dwøgï wïthge piny.

Acther 6:10

Kanyøgø nyeya aput köö jï Amaan, ni «Laar abïï øømmø ko okweeny lääy kaawat mana caanï, ni tïïyï gø jï Mördekay ŋat Juuth, no opï piny dhi kal mar nyeya ice; ni bäŋe gïn mo gwäyï mo thiinh ki røk jammi moa caanï yøø bëët.»

Jööp 22:29

Ni näk da jiy mo geno dwøk piny, ïïno köö, ni ‹Ge tïŋ maal,› køøre Jwøk jøøa no odwøk piny opieme.

Pwöc Leec Wïc 15:33

Ki man lwäär Wuuö Jwøk duunnö ki pwöc leec wïc, ni dhaanhø mo mwöl jïtö ki wödö.

Pwöc Leec Wïc 18:12

Kany wø poot dhaanhe ni kär ränynyö, cwïnye wø da atöör, 'ba kany wø bëët dhaanhe ni mwöl, wø jïtö ki wödö.

Pwöc Leec Wïc 25:27

Patha gïn mo beer ki man cam maar kïc ni päl, ni patha gïn mo beer ki man many wödö kiper dëël.

Pwöc Leec Wïc 29:23

Atöör mar dhaanhø, dhaanhø wø dwøge piny, 'ba ŋat mo bëëdö ni dëëre ee dwøk piny wø jïtö ki wödö.

Aydheea 2:11

'Ba nyøth røk ka atöör mar jiy odwøk piny, ni ö bëëtö mar jø wø tïŋ dëëtge maal ni dwøgi piny. 'Ba Wuuö Jwøk keere beeye noo bëëdö ni di jiemø dïcäŋöce.

Aydheea 2:17

'Ba atöör mar jiy odwøk piny, ni ö bëëtö mar jø wø tïŋ dëëtge maal ni dwøgi piny. 'Ba Wuuö Jwøk keere beeye noo bëëdö ni di jiemø dïcäŋöce.

Aydheea 57:15

Kiper Wuuö Jwøk, eni na en maal na kare dwøŋ, ni wø bëëdö na bäre bäre, ni wø nyeŋŋe en kur keere, ena köö, ni «Aani, a bëëdö maal kany mo ena kur keere, naa bëëdö thuwø ni kara cään ki jiy moa näk cwïnyge opädhö kiper raay moge, ki jiy moa näk cwïnyge opädhö ki køør japa leth na pïï bäätge, nee jiy moa näk cwïnyge opädhö nee cwïnyge cøma, ni mooa jiy moa no ocaarø ki jwöm ki yïth cwïnyge.

Mathiew 23:12

Kiper ŋat wø døøc dëëre mo dwøŋ, odwøk piny. 'Ba ŋat wø dwøk dëëre piny, kare otïïc ni dwøŋ.

Luk 1:51

Eni bade bäär ni teege ee nyoodhø, ni keeth jø wø töödö ki yïth cwïnyge.

Luk 1:52

Eni jøøa kwörge døøŋŋø wø dwøge piny ki bäät wäle moge, ni røøny jøøa can.

Luk 14:12

Kanyøgø ŋata cwøl eni kar cam acäänne thuwø, ni kööe, ni «Kany wø tïmï ki cam jï jiy, nee mar wäär wala waŋcäŋ, kär niï cwøla jøøa näk nyïïawäätï, wala nyïïmeru, wala tuuŋu, wala jø atut moï mo okwär. Kanymør ï läwge ka cwøl thuwø ni ge cunna ïïni.

Luk 18:14

«A cäänna uuni, ni ŋatøgø aaa paare no ojïëö ni mare beer, ni kwier maya. Kiper jiy bëët mo wø døøc dëëtge mo døøŋŋø, odwøk piny. 'Ba ŋat wø døøc dëëre mo can, otïïc ni dwøŋ.»

Jeemeth 1:9

'Ba cöögö mo can beerra man mïn yie ni näk mo di røønyø,

Jeemeth 4:10

Døøyu dëëtu mo mwöl nyïm Wuuö, 'ba uuno røønye.

Jeemeth 4:6

'Ba eni wø cïpö ki met ec mo päl. Ni beeye ni wø caan, ni «Jwøk män ka jø atöör, 'ba met ec wø wëëge jøøa mwöl.»

1 Piter 5:5

'Ba u ni therø thuwø, leŋŋu luup jaak acooŋ Jwøk. Bëëdu nou mwöl ki røgu keeru karubëët, kiper Jwøk män ka jø atöör, 'ba met ec wø wëëge jøøa mwöl.

1 Piter 5:6

Kiper manøgønø, døøyu dëëtu mo mwöl nou ena cer Jwøk na teek, kiper nee u røønye kanya näk kare.

1 Camiel 15:17

'Ba Camiel aköö, na «?Aŋø, këël na bëëdï ni karï thiinh ki jïrï, ï kär tïmö na bwödhi mar wïth tuŋi mo jø Icriel bëët? Wuuö Jwøk ïïna tïïe nee wïïï thïïmmi ki maaw ni røønya ïïni na nyeya bäät jø Icriel;