Luk 13:34 - Wëël Jwøk

³⁴ «Wui, Jerucalem, Jerucalem, ï wø nääŋ nyïïkuk Jwøk ni këërï jø wø jääŋŋi baŋï ki kïte. ?A kwöre adïï naa manynya man cooŋa nyïïï kanya ciel, kaawat man wø tïïc gwienø wø cooŋ nyïïe tiet bwöpe, nou kweeyø?

Luk 13:34 Iomraidhean Croise

Neemiya 9:26

«'Ba geni, luummï kärge wïnynyö; gena gëëmö ki Ïïni, ni løøge ciik moï ŋäthge. Geni nyïïkuk Jwøk moï anäkge, jøøa kööm geni ki man luuge rege baŋï, ni ö geni ni bëëtge ni marge beeye ajaany mo dwøŋ kiree.

Neemiya 9:30

Ba këël na bëëtge na enøgønø, ïïna bëëdö ki geni ki cwiiri mo thööth ni cwïnyï iï cïp piny, niï köömma geni ki ri Jwïëyï na en kur keere, ki ri nyïïkuk Jwøk moï. 'Ba geni ïthge kärge ciiø; køøre gena cïbï ceŋ wïth juurre.

Dut Pwøc 57:1

Aydheea 30:15

Kiper man beeye gïna caan Kwäärö Wuuö Jwøki, Jwø Icriel na en kur keere, ena köö, ni «Ki man løgu cwïnynyu ni jïtu ki jwöm, beeye jöör pïëm man piem uuni ki gø, ni ö bëëtö man bëëdu nou lïŋö nou ŋäätha aani, ni näk beeye teek maru; 'ba gïnögø käru jïëö.

Aydheea 50:2

?Aperŋø ni tïme ni kede bäŋ dhaanhø kanya ööa? ?Ni kanya cwöta, aperŋø ni tïme ni bäŋ dhaanhø mo ojïëy? ?Aŋø, you caarø ni bada ciek ki man cool kwöri mou, ni bäŋ teek jïra ki man käla uuni wøk ki yïth japa leth? Raŋŋu, aani naama dwøŋ taala taalø ki køør mano köömma gø ki dhaa; ni tïïa näm na dïtëën, ni ö reci moa en yïthge ni thøwge ki riew, ni ŋwääge no okwäk kiper bäŋ pïï.

Jeremaya 2:30

Aana tïïö ki gïï mo leth dëëtu, 'ba bäŋ pwöc mo you wïnynyö; opëëlle mou nyïïkuk Jwøk mou athöörge kaamar ŋuu mo owär.

Jeremaya 26:23

Ni øømge Uria Ijep, ni kälge eni baŋ nyeya ma Jeyöakëm, ni ö Jeyöakëmmi ni 'näk gø ko opëëllö, ni leeŋ dëër gø kany wø koony jiy møga jaak yie.

Jeremaya 35:14

'Ba luup Jönadap o Rëkap na kööm wääte ki geni, nee geni ba mäthge ki køøŋø, agwøkge; ni ge kär mädhö ki køøŋø këël dïcäŋi en, kiper gïna ö kwarge na kööm geni ki gø atïïcge na kare. 'Ba aani, aana cäänö ki uuni kwöre mo thööth, 'ba uuni, mara käru wïnynyö.

Jeremaya 35:17

«Kiper manøgønø, luumma caan Wuuö Jwøki, Jwø Icriel, eni na wïth jammi bëët, beeye en: ‹Ka adïëri møn, a känna bäät jø wø bëëdö Jerucalem bëët ki dï Juuda bäre ki gïn mo leth, ni beeye gïna näk yaa nø caan ni 'käla bäätge, kiper aana cäänö ki geni, ni kärge mara wïnynyö, ni cwøla geni, ni kärge mara løø.› »

Jeremaya 6:16

Luumma caan Wuuö Jwøki jï jiye beeye en, ena köö, ni «Cuŋŋu ya agääk jïëthe, ni raŋŋu gø døøc, ni pëënynyu uutjïëtha cääŋŋe, man näk mo jööra beer a mane, ni putu wääth ki yie; køøre uuno jïti ki jwömö ki yïth cwïnynyu. 'Ba uuna köö, ni ‹Jïwa bäyö, wa ba cäädhi ki yie.› »

Wëël Kïmmö 1:16

«Kiper gïïögø bëët, a bëëdö naa jwöŋö, ni nyeŋŋa kwödö ki pïï, kiper bäŋ ŋat mo cøma cwïnya mo kare cään, mo dwøga jwïëy 'moa kare. Obwöre 'moa ŋäädhe marge aränynyö, kiper nyïïmän gena böödö.»

Wëël Kïmmö 4:13

'Ba gïnögø tägi kaper raay moa tïïc nyïïkuk Jwøki moe, ki raay moa tïïc dïlämme moe, ki køør mana kønyge rem jiy moa beyø piny.

Odheea 11:2

'Ba kanya cwøla ge naa manynya geni døc, aputge tïïc ni beeye man wecge aani døc. Geni, ge poot cïpö ko olämme jï juu mo wø cøøri ni Baal, ni ge wääŋö ki gïï wø jïcge ŋwääi ni met jï kït gïï wø lam.

Odheea 11:7

Gena reeth ri man løøge ŋäthge wøk ki aani, 'ba ge këël doo jwöŋö dëëra, a na Jwøa Dwøŋ ni en Maal, ge ba kønya.

Jool 2:23

Wui, u na jø Dhayan, kanynyu, ni mïn yïthu ki Wuuö Jwøk, Jwøk maru, kiper eni køth mar dhi køth acïbe ki køør beenynye. Eni, køth akøny piny kiperu, ni beeye køth mar dhi køth, ki mar cwiir, kaawat mana bëëde dïkwøŋ.

Dhekaraya 1:4

Käru tïmö kaamar kwäyu. Kwäyu luup 'moa ajääŋŋa baŋge kar kaaca ki dhøk nyïïkuk Jwøk 'moa mo acääŋŋe ni kööa, ni ‹Man beeye dwøra, a na Wuuö Jwøk na en wïth jammi bëët: «Ennø, weyu uutjïëthe mou na reyø ki tïïe mou na reyø.» › 'Ba gena kweer ki man cekge ïthge wala ki man wïnyge luumma. 'Ba luummögø caana aani, a na Wuuö Jwøk.

Mathiew 22:3

ni jääŋ laaŋe moe wøk kuna cwølge jøøa näk ocwølø kar cam nywöm. 'Ba jøøgø akweer ki öö.

Mathiew 22:6

Ni ö jiyi moa dööŋ ni makge laaŋe mo nyeya, ni caange geni ki caannø mo raac døc, ni 'näkge geni.

Luk 15:28

'Ba wäädö manøgø agootø ni kweere ki ciin øtø. Ni ö wänni wøk baŋe ni kwaac gø.

Luk 19:44

ni gøcge u ki piny, ni beeye uuni ki nyïïu. Ni bäŋ kïdi aciel mo dege wii bäät kïdi mør pou, kiper mana käru lïïmmö mar Jwøk ŋiiø mana lïïmme baŋu.»

Luk 23:28

'Ba Jecu dëëre aløø baŋge ni kööe, ni «Nyïïakuk Jerucalem, käru jwöŋö kipera, 'ba jwöŋu kiper dëëtu keeru ki nyïïu.

Moa Tïïc Nyïïatwieli 7:52

?A nyikuŋ Jwøk mane na kär caar kwäyu? Geni, jøøa køp ööny ŋata mare beer kanya poode anäkge, 'ba uuni nø, ŋatøgø acïbu ceŋ nyïïmän ni 'nägu gø,

Moa Tïïc Nyïïatwieli 7:59

'Ba kanya pootge ni ge këëra Ectipen, Ectipen alämö, ni kööe, ni «Kwäärö Jecu, lwør jwïëya.»

Moa Tïïc Nyïïatwieli 8:1

'Ba Cøøl ajïëy ki thøw Ectipen. 'Ba dïcäŋöca caarø mo päl atägö dëët jø acooŋ Jwøk moa en yi Jerucalem. Ni ö jiyi ni keethge ni cige wøk bëët yïth mïëc Judia ki Cameria, 'ba beege nyïïatwieli keerge na dööŋ.

Tiet Ciik 32:29

Doo na gena jiy mo wïthge leer, tier gïnögø dege kwanyø; ni caarge gïno tägi dëëtge yi nyïme.

Tiet Ciik 5:29

'Ba doo na ge puta bëëtö ki cwïny ma enøgønø na bëëde, ni ge lwäär ki aani ni ciik 'moa gwøkge gwøø cooth, doo beer; køøre geni ko obwöre moge ge doo jïtö ki bëëtö mo beer na bäre bäre.

Mana Nyooth 11:8

ni ö rïŋ dëëtge ni bëëtge no opäänhnhö waŋjöör paana dwøŋ, na näk nyeŋŋe obaaŋ ri Cødam ki Ijep, kanya 'näk Kwääcge yie bäät jaadha no odëëdö.

Ruuth 2:12

'Ba Wuuö Jwøk ïïno cunne kiper gïna tïïyï; ni ö eni na Wuuö Jwøk na näk Jwø Icriel, Jwøa ööï baŋe na kanï riï buute, ni mooc ïïni ki gïn mo beer.»