Luk 13:32 - Wëël Jwøk

³² Ni kööe jïge, ni «Cou ni caannu gø jï anyaayøce, ni ‹Neenï, a rëëmma wøk ka anäge, naa kunyö ki ŋwiili dïcäŋi ki diøø, 'ba noo tïme na dää nïne, tïïc mara othööra.›

Luk 13:32 Iomraidhean Croise

Obeec Dudi 2:15

Magu othööe jïwa, ni beege nyïï othööe moa therø ni wø raany jer omøki, ni beege jer omøki mowa na näk oŋøøk.

Edhikiel 13:4

Wui, Icriel, jiyï moa tïïc rege na nyïïkuk Jwøk ge bëëdö kaamar othööe mo bëëdö wï paac mo oränynyö.

Jepaniya 3:3

Dïbwöthe moe ge bëëdö kaamar ŋuuwe mo märö, ni ö dïŋut luupi moe ni bëëtge kaamar kwäänynye mo owär, mo ge cämö ka wäär ni bäŋ gïn wecge kiper amöölla.

Maak 6:14

'Ba gïnögø awïny nyeya ma Eerat, kiper nyeŋ Jecu atïmö ni ŋäc. 'Ba jø møøk aköö, ni «Jøøn na näk dïlööy na nyuudhi atïŋ maal ki yi thøø. Ni beeye tiere gø ni tïme ni da teek bääte ki man tïïe ki gïï mo rëëma ec enø.»

Jøøn 10:32

Ni løgi ya Jecu jïge, «Aani tïïe mo thööth mo beyø mo käla baŋ Wära, anyoodha jïïu. ?A manaŋø nø dëëtge noo këëru aani kipere?»

Jøøn 19:30

'Ba na ö Jecu na bel køøŋ nyïïomøki manøgø na wac enø, ena köö, «Aløny nø.» Ni put wïïe kuul piny ni cïp jwïëye.

Ibaru 2:10

Kiper orømø jï Jwøk, eni na en jammi bëët jïre, ni ööi ki baŋe, ki man tïïc ŋata bwøth jiy jöör pïëm man piem geni ki gø no othur kare ki køør gïïa leth na jwøre, kanya ö eni na käl nyïïe mo thööth kar ajiem.

Ibaru 5:9

'Ba ki køør mana tïïi no othur kare, ena tïmö na tier pïëm man piem jiy ki gø mana näk adïëri na bäŋ cuŋŋe jï jø wø leŋ dwøre bëët,

Ibaru 7:28

'Ba adïëri møn, ciik Modhe wø jiera jiy mo wø jägö na kwääc laam moa døøŋŋø. 'Ba luumma kööŋe ki gø na öö køør ciigøgø, jiera ŋata näk Wäädö, ŋata tïïc no othur kare këël na bäre bäre.