Luk 13:24 - Wëël Jwøk

²⁴ ni «Magu rou døc ki man dønyu ki dhi kiir mana diiny. 'Ba a cäänna uuni, ni jiy mo thööth omany man dønyge yie, 'ba otïmö ni ba løny jïge.

Luk 13:24 Iomraidhean Croise

Pwöc Leec Wïc 14:6

Ŋat abuua leec wïc wø di manynyø ni ba joode, 'ba joot kwänynyö jööt jï ŋat wø ŋäc tiet luup.

Pwöc Leec Wïc 21:25

Ŋat leth dëël onäk parri mare keere, kiper mana wec ceŋŋe ni ba tïïö.

Luup Dïpööy 10:15

Tïïc mar ŋat mo wïïe bäŋ acaara kännö ki öölö bääte, këël mano tïme ni ba løny jïre ki man ŋäc jöö man ci dï pääny.

Aydheea 1:15

Kiper manøgønø, kany wø thaaŋu ceŋŋu maal nou lämö, waŋa kana kanø ki uuni. U këël doo lämö ki lam mo dwøŋ døc, aani, ïtha ba ciia; Kiper uuna jiy mo uuno kuny piny ki rem jiy.

Edhikiel 33:31

Jiy ööa baŋï kaawat man wø tïïc dhaanhe jaak, ni pïge piny nyïmï kuna wïnyge luup moï kede gena jiya, 'ba ba kïthge bäät tïïc. Geni, ge cara luup mo beyø ki dhøkge, 'ba cwïnyge caara gïï mo reyø ki møt.

Mathiew 11:12

Ki mana täge ki yïth nïr Jøøn na näk dïlööy na nyuudhi këël kawaane ennø, jøøa teek bëëdö ni tïïö ki gïï mo leth dëër buya käl maal, ni ge manynya gø nee makge ki teek.

Luk 13:23

'Ba nyen mør aköö jïgø, ni «?Kwäärö, beege jiy mo nøk keerge noo piem?» Ni kööe jïge,

Luk 21:36

'Ba kuru cooth, nou lämö nee lønye jïïu ki man bøthu ri gïïo tägi bëët, nou cuŋŋu nyïm Wär Dhaanhø.»

Jøøn 13:33

Nyïïobwöre, a poot en buutu ka kany mo thiinh. Aani, aano cayu, 'ba kanyo cøøa yie, u ba doo maara ö yie, kaawat mana caana gø jï jø Juuth. Ni beeye ni caana jïïu en.

Jøøn 6:27

Kär røgu ööllu kiper cam man wø ränynyi, 'ba tïïu kiper cam mano bëëdö, ni beeye mano këët ri kwøw mana näk adïëri mo bäŋ cuŋŋe, mano cïp Wär Dhaanhe jïïu. Kiper beeye eni na ö Jwøki na näk Wuuö na jïëe ki eni ni kïth ŋïï mare dëër gø.»

Jøøn 7:34

Aano cayu, ni ba jootu aani. 'Ba kanyo ena yie, u ba doo maara ö yie.»

Jøøn 8:21

Ni cäŋ Jecu köö jïge, ni «Aano aay, ni cayu aani, 'ba uuno thøw yïth raay mou. Ni kuno cøøa yie, u ba dou maara ö yie.»

Wëëlö Mana Göör Pøølli Baŋ Jø Röm 10:3

'Ba na kucge bëënynyö man wø ööi ki baŋ Jwøk ni tïmge ni ge caya man jootge bëënynyö marge keerge, dëëtge kärge cïbö køør bëënynyö man wø cïp Jwøki.

Köløcia 1:29

Ni beeye ni ööla døc ki tïïc en, naa tïïö ka ki køør teek mare bäre, keda man tïïe cwïnya ki teege en.

Ibaru 4:11

Kiper manøgønø, beerra man maa dëëtø ki man dønynyø kar jwömöce, nee bäŋe ŋat kääŋi kiper teek wïc mo caala manøgø.

Jøcua 7:3

'Ba jøøgø aduu baŋ Jøcua ni köge jïgø, ni «Kär jiy bëët ci Gaay; jø leny moo cii manynya jiy mo jïtö ki kume ariiø wala kume adäk keerge. 'Ba kär niï ööla jiy bëët ki man cige kunece, kiper jø Gaay beege jiy mo nøk jaak.»

2 Piter 1:10

Kiper manøgønø, nyïïmera, putu cwïnynyu cïp ri cwödö mana cwøl uuni ki gø ki mana jier u, nee tïme na adïëri. Kiper ni näk gïnögø tïïyu tïïö, u ba maara pädhö.