Luk 13:19 - Wëël Jwøk

¹⁹ Eni caala waŋ kunhnhö mo thiinh døc, na käl dhaanhe ni piith gø yi pwöthe, ni døøŋŋe ni tïme na jaath, ni gëët wenynyi bääte ki uudi.»

Luk 13:19 Iomraidhean Croise

Obeec Dudi 4:12

Wui coka, ni bee ï dhaagø-thiinh mara, ï caala ajïniina mo dhee odëëdö, ni beeye ajïniina mo kal mare othørø ki kïte, niï caala iith mo dhee odëëdö.

Obeec Dudi 4:16

Wui, ï na jam wø ööi ki jï løø wï-piny, ö maal! Wui, ï na jam wø ööi ki jï løø tier-piny, ööï! Ööu ni kwötu dëër ajïniina mara, nee ŋwäänynye na näk met nee kwöt kany mo bäär. Beerra man ö omëërri mara ni døny ya ajïniina mare, ni cam nyïïjenni na beyø na en yie.

Obeec Dudi 6:2

Omëëya aci ya ajïniina mare, dï jenni moa näk ŋwääi ni met. Ena ci kuna kwaac pïïth dïëk moe yïth jenni, na apiite moa no oŋøøk cooŋe.

Obeec Dudi 8:13

Wui, ï ni en yïth ajïniine, nyïïawääta yïthge ege ciiø ki dwørï; beerra man wïnynya dwørï.

Aydheea 53:1

?Aŋø, aŋa na ŋääth luumma køpwa? ?Na a jï ŋa na nyuth bat Wuuö Jwøk eni?

Aydheea 53:10

'Ba beeye mana many Wuuö Jwøki ki man wëëk gø caarø ni jwør gïï mo leth, ni cïp jwïëc gø no olämi man wëën bääyö mar jiy ki gø. 'Ba cwiiye otïmö ni thööth, ni neen beenhnhø mano en yi nyïm. Gïïa met yi Jwøki ki ge otïïe ni wëëk ge thur karge.

Aydheea 58:11

A na Wuuö Jwøk, u bwødha bwødhø cooth, ni mooa uuni ki cam yi cäŋa kwaar døc dïtëën kaawat man wø manynyu, ni wëëga cuu mou tëënnö. Bëëtö maru tïïa tïïö kaamar ajïniina mo di jøøyø ki pïï, ni tïme kaamar jøøro mo pïïe ba tal.

Aydheea 61:11

Kaa teeŋ man wø ö pinynyi wø wëëk jammi tuuö, ni ö ajïniina ni wëëk köödhi moa piith yie tuuö, Wuuö Jwøk bëënynyö ki pwøc wëëge tuuö nyïm wïth juurre.

Aydheea 9:7

'Ba bura mare ki bëët-mëër mare cäätha maal ni ba cuŋ, ni pï piny bäät wäl Deebit ki buc nyec mar gø, ni mak gø ni ee jølø ni teek ki ŋøl ma adïëri ki bëët bëënynyö, ki mano täge ennø këël bäre bäre. 'Ba Wuuö Jwøk, eni na wïth jammi bëët, gïnögø tïïe tïïö nee thur kare ki këëyö mare.

Jeremaya 31:12

Ni öge ni kwöŋge ki met ec bäät Kïn Dhayan, ni mïn yïthge ki gïïo beyø noo cïp Wuuö Jwøki jïge, ni beege beel, ki køøŋ nyïïomøki, ki maaw, ki nyïïdïëk ki nyïïrøøe. Ni ö bëëtö marge ni lødhe ni caala ajïniina mo di jøøyø ki pïï, ni bëëtge ni bäŋ öölö bäätge këët na bäre bäre.

Edhikiel 31:6

Ni ö wenynyi bëët mo maal ni gëëtge bäät gø ki uudi, ni tïm tiere na kar nyööt jï lääy bëët mo paap. Ni wïth juurre bëët moa teek ge bëëdö tier tïpö mare.

Daniel 4:12

Bøøge moe mïërö døc, ni nyïëdi moe thööth jaak, ni bëëdö na cam kiper gïïa nut bëët. Lääc paap ajïtö ki kar bëëtö tiere, ni ö wec maalli ni jïtge ki kar bëëtö bääte, ni tïme ni gïïa kwøw bëët cam marge jootge ri gø.

Daniel 4:21

na näk bøøge moe mïërö ni nyïïe thööth jaak, na bëëdö na cam kiper gïïa nut bëët, na jït lääc paapi ki kar bëëtö tiere, ni ö wec maalli ni jïtge ki kar bëëtö bääte,

Dhekaraya 2:11

'Ba noo tïme na dïcäŋeca, wïth juurre mo thööth geno ö baŋ Wuuö Jwøk, ni tïmge na jiy 'moa thuwø. Ni bëëda dïïu ni putu gø ŋäc ni bee Wuuö Jwøk, eni na wïth jammi bëët, na jääŋ aani baŋu.

Mathiew 17:20

Ni kööe jïge, ni «Kiper ŋäädhe maru thiinh. Adïëri møn, a caana gø jïïu, doo na jïïu da ŋäädhe mo caala nyi waŋ kunhnhö mo thiinh døc, u doo köö jï kïnni, ni ‹Daa riï kaace,› ni dee ree daaø. Ni doo na bäŋ gïn mo dhäthi jïïu en.»

Maak 4:30

Ni kööe, ni «?Buc Jwøk a døø gø päärö ki ŋø, wala a leer mane na døø lwørø kipere?

Luk 17:6

'Ba Kwäärö aköö, no «Doo na jïïu da ŋäädhe mo caala nyi waŋ kunhnhö mo thiinh døc, doo maar lønyø jïïu ki man köömmu jaadhi en, ni ‹Puth riï wøk kany, ni piidhï riï yi naama dwøŋ,› ni dee luummu leŋø.

Moa Tïïc Nyïïatwieli 2:41

'Ba kanyøgø nø jøøa jïëy ki luumme, gena lwøk na nyuudhi. 'Ba dïcäŋöca jøøa dwätö ki bääk Jecu, ge jïtö ki kar kume adäk.

Moa Tïïc Nyïïatwieli 21:20

'Ba na wïnyge gø, Jwøk apwøcge. Ni köge ki eni, «Neenï nø, cöökwa, da jiy mo ojïëy dëët jø Juuth mo jïtö ki kume mo thööth, mo ge bëëdö ni cwïnyge caya ciik Jwøk døc.

Moa Tïïc Nyïïatwieli 4:4

'Ba jiy mo thööth moa wïny luum Jwøk gena jïëy ni ŋääthge. 'Ba jøøka jïtö ki kume abïïc.

Wëëlö Mana Göör Pøølli Baŋ Jø Röm 15:19

ki teek mar ŋïïce ki gïï mo rëëma ec, ki køør teek Jwïëc Jwøk na en kur keere. Ni køba luumma nyään na met mar Krictø dï paac bäre, ni tägi ka yi Jerucalem këël mana këët Ilirikam.

Mana Nyooth 11:15

Ni ö bïriet nyïïatwiet maalli ni kooth tuuŋ mare. Ni jït maalli ki dööti mo døøŋŋø, mo cäänö, ni «Buc piny atïmö na buc Kwääyø ma Jwøk, eni ki Krictø na røønye. 'Ba eno bëënni këël na bäre bäre.»