Luk 13:14 - Wëël Jwøk

¹⁴ 'Ba ŋata näk kwääy øt acooŋ lam manøgø, ena gootø kiper mana ö Jecu na køny dhaanhø ki cäŋ jwömö, ni kööm jiy, ni «Da nïne abïciel mo tïïe doo tïïö yïthge, mou doo öö nou køny, ni patha cäŋ jwömö.»

Luk 13:14 Iomraidhean Croise

Bwøth Wøk 20:9

Tïïï ki nïne abïciel, ni tïïyï tïïe moa diï tïïö bëët ki yïth nïne moøgø.

Bwøth Wøk 23:12

«Tïïe mou dou tïïö ki yïth nïne moa näk abïciel. 'Ba noo tïme na bïriet nïne, tïïc dou wiiø, kiper nee dhäk mou ka arëëni mou dëëtge jwömge, ni ö wäät laaŋe moa nywøl mïëyu bëët ki wëëlle moa path mo wø tïny uuni ni jïtge ki jwöm dëël.

Edhikiel 20:12

Ni pwönynya geni thuwø ki man gwøkge cääŋŋe 'moa mo jwöm, nee bëëtge ni caala ŋïï yïthakicwa ki geni, nee ŋäcge ni bee aani na Wuuö Jwøk na tïïc geni na jiy mo ena kur keerge.

Edhikiel 34:21

Kiper mana bëëdu nou caala dïëk mo dëëtge cööcge cööyö ki göökge, ni dëëtge gïïnge gïïnnö, ni cööpge moa no oööl ki tuŋi, këël man wø putge keethø,

Ciik Kiper Dïlämme 23:3

« ‹Ki yïth nïne abïciel tïïe løny ki man tïï; 'ba noo tïme na bïriet nïne beeye cäŋ jwömö man wø jwöm dëël yie, ni beeye cäŋ acooŋa mo ena kur keere. Kär dee tïïe mo tïïyu tïïö, kiper beeye cäŋ jwömö jï Wuuö Jwøk ki yïth kwöro bëëdu yïthge bëët.

Mathiew 12:2

'Ba gïnögø na jooti ya jø Paricithi, gena köö jïgø, ni «Neenï, bäägï ge tïïya gïn mo ba doo tïïö ki cäŋ jwömö.»

Maak 5:22

'Ba kanyøgø dhaanhø aciel dï kwääc øt acooŋ lam mo nyeŋŋe cwøl ni Jaayra aöö. 'Ba na joot Jecu, dëëre aleeŋ piny tiet gø.

Luk 6:11

'Ba gena gootø døc, ni cäänge yïthakicge keerge kiper gïno rømi ki man tïïcge gø dëër Jecu.

Luk 6:7

Ni ö dïpööye mo ciik Jwøk ki jø Paricith ni neetge gø døc, nee jootge ki man näk mo eni kunyö ki cäŋ jwömö, kiper nee jïtge ki luubö mo kïthge bääte.

Luk 8:41

'Ba kanyøgø nyen ma kwääy øt acooŋ lam aöö, mo nyeŋŋe cwøl ni Jaayra, ni päth tiet Jecu, ni kwac gøøni nee ö paare,

Moa Tïïc Nyïïatwieli 13:15

'Ba køøre na kwaan ciik Jwøk ki mo nyïïkuk Jwøk, kwääri mo øt acooŋ lam ajääk baŋge, ni köge, «Nyïïmera, ni näk jïïu da luubö mo dou købø jï jiy, caannu.»

Moa Tïïc Nyïïatwieli 18:17

Ni cige bëët ni makge Cøtheni na näk kwääy øt acooŋ lam, ni pwötge gø nyïm kar løøk. 'Ba Galliø bäŋ gïn mo ee caanø kiper gïnögø.

Moa Tïïc Nyïïatwieli 18:8

'Ba Karicpa na näk kwääy øt acooŋ lam ajïëy ki Wuuö ni ŋääth gø ki jø paare bëët. Ni ö jø Körinni mo thööth ni wïnyge luum Pøøl, ni jïëcge ni lwøk geni na nyuudhi.

Wëëlö Mana Göör Pøølli Baŋ Jø Röm 10:2

'Ba marge ŋääa ni ge caya Jwøk døøc, 'ba mar Jwøk kärge ŋiiø.

Tiet Ciik 5:13

Tïïï ki nïne abïciel, ni tïïyï tïïe moa diï tïïö bëët ki yïth nïne moøgø.