Luk 12:42 - Wëël Jwøk

⁴² Ni kö Kwäärö, na «?A laŋŋø mane nø, ni wïïe leer mo maar ka ŋääth, ŋat mo doo cuum kwääye bäät laaŋe bëët paare, nee caapge wø pääŋŋe jïge kany wø näk ma kare?

Luk 12:42 Iomraidhean Croise

Bwøth Wøk 36:4

Kanyøgø jiy bëët moa näk nyeŋge reegø ki tïïc, na näk tïï kanya en kur keere ege nø täk, gena öö, ni ŋati man nø käla baŋ tïïc mana tïïe;

Pwöc Leec Wïc 12:8

Dhaanhø di pwøø ki køør leec wïc mare, 'ba mar jø adøønne wø di taaø.

Pwöc Leec Wïc 15:23

Løk pïëc ma kare yi dhaanhø wø døøye mo met, ni caan luubö kanya näk ma kare, a teeŋ beer mo nyïëdi!

Pwöc Leec Wïc 27:18

Ŋat wø gwøk olaam, nyïï gø came camø, ni ŋat wø gwøk kwäärö mare jïtö ki wödö.

Pwöc Leec Wïc 31:15

Eni wø laara päny maal ni piny poot cøl, ni jiiŋ cam kiper jic paare, ni cïp kur mään mo wø tïïö jïre.

Aydheea 50:4

Kwäärö Wuuö Jwøk aana mooe ki leep mo tiir ma mar pwöc, nee tïme ni løny jïra ki man wëëga dhaanhø mo oööl tëënnö ki køør luup mo wø caana. Eni, a jiee jieø cooth ka amöölla, ni jap ïtha nee ïtha ciia kaamar dhaanhø mo opwönynyö.

Jeremaya 23:4

Ni mooa geni ki dïkwääye mo käär geni, ni ge ba lwäyi këët, ni ge ba bööi, ni bäŋ aciel mo rwäänyi rege.» Luummögø caana Wuuö Jwøki.

Edhikiel 34:3

Uuni, u cämö ki rïŋ mo olør, ni runynyu dëëtu ka abïïe moa no otïïö ki jïëc rööm, ni 'nägu moa no olør. 'Ba pïïth dïëk ba gwøgu.

Mathiew 13:52

Ni kööe jïge, «Kiper manøgønø, dïpööye mo ciik Jwøk bëët moa no opwönynyö kiper buya käl maal caala wää paaci mo wø käla gïï mo nyärö ki gïï mo oruuö wøk ki yi kar kän mare ni nyooth ge jï jiy.»

Mathiew 20:8

«'Ba kanya tïme na abøøya, wää pwödhö ŋat wø raŋ jø tïïc mare aluumme ni kööe, ni ‹Cwøl jø tïïc ni mëëgï japge geni, niï tägï ka jøøa öö ŋää cään, këël mano këëtï baŋ jøøa öö dïkwøŋ.›

Luk 12:43

'Ba laŋŋø mano nwän kwääye ni tïïö na enøgønø kanyo ööe, gwïëth oen jïre.

Luk 7:13

'Ba na ö Kwäärö na joot nyijøøgø, cwïnye apädhö ki gïr gø, ni kööe jïgø, «Kärï jwöŋö.»

Luk 7:19

Ni ö Jøønni ni cwøl bääge ariiø baŋe, ni jääŋ geni baŋ Kwäärö ki man pëënyge gø, ni «?Bee ïïni, ŋata wäŋŋi ni öö, wala cäŋwa dhaanhø mør neetø?»

Moa Tïïc Nyïïatwieli 20:28

'Ba kawaane gwøgu rou, ni gwøgu pïïth bäre, pïïdha cïp Jwïëc Jwøki na en kur keere ceŋŋu ni uuna dïkuye, na acooŋ Jwøk na joode ki køør remme caammu.

1 Timöthi 3:15

kiper noo näk maa ruu, nee bëët dhaanhø mana dee bëëdö ki gø ya acooŋ Jwøk nee ŋäyï, na näk beeye acooŋ Jwøa kwøw, na näk werø, na cuŋ adïëri ree.

1 Timöthi 5:17

'Ba jaak acooŋ Jwøk moø ni tïïö døc yøø, wär tïmge na jiy mo di wøørø døøc, ni letha per jøø no oööl røk yøø ki køp luum Jwøk ki pwöc.

2 Timöthi 4:2

ki man køpï luum Jwøk cooth ki cwïnyï bäre, kany wø näk ma kare, ki kany wø näk mo patha kare, niï cøga jiy, ni joogï geni, ni köömmï ge, ni pwöc marï ba weyï, niï ba jøøm.

Tayta 1:7

'Ba ŋat wø raŋ acooŋ Jwøk, kiper mana tïme na ŋat wø tïny Jwøk, doo bäŋ ajäla ri bëëtö mare, ni paa ŋat mo koorrø, wala ŋat mo cwïnye laara ränynyö ni wëëre, wala ŋat meeye, wala wïnni, wala ŋat mo cwïnye päl kiper gïn joode.

Ibaru 13:17

Leŋŋu dööt jø wø bwøth uuni, ni jïëyu geni. Kiper ge koora jwïëyu, ni ŋäcge ni beege noo pëënynyi ki gïïa tïïcge. Beerra man wëëgu geni tïïc gïnögø ni yïthge met, ni cwïnyge ba peek. Kiper ni näk ma enøgønø tïmö ni bäŋ gïn mo beer mo kwanynyu.

Ibaru 13:7

Lääŋŋu jøøa bwøth uuni, jøøa caan luum Jwøk jïïu. Caarru bëëtö marge këël aŋuunne, ni ŋwaallu ŋäädhe marge.

Ibaru 3:5

'Ba Modhe tïï Øt Jwøk bäre agwøe ni ena ŋat tïïc mo oŋäädhö, ni køp jammi moa doo caan Jwøki yi nyïm.

1 Piter 4:10

Kaawat man bëëde ni ŋati man nø ojïtö ki muuy en, røgu wär køønynyu ki ge, ni uuna jø tïïc mo beyø, mo teeŋ gïï met ec mo thööth mo Jwøk owëëk uuni.