Luk 12:21 - Wëël Jwøk

²¹ 'Ba beeye enønø jï ŋat wø känö ki jammi kiper dëëre keere, ni patha okwär nyïm Jwøk.»

Luk 12:21 Iomraidhean Croise

Pwöc Leec Wïc 13:7

Dhaanhø mør ree wø di cøøgø ni eno kwär, 'ba bäŋ gïrpiny jïre; ni dhaanhø mør ree wø di cøøgø ni eni can, 'ba eno kwär.

Odheea 10:1

Jø Icriel atïmö kaamar jaath omøk mo oløth, ni jïte ki nyïëdi mo thööth. 'Ba kany wø tïm jammi moge ni thööth beeye kany wø tïïge ki gïï wø cïp olämme bäätge mo thööth; ni kany wø bëëny ŋöömö marge beeye kany wø cööthge piny ki kïte mo thööth mo wø lam.

Abakuk 2:9

«Otïmö ni raac jï ŋat wø gwän øde ki jammi ki jöö mo raac, ŋat wø bëëdö ni øde ee geer maal kaamar øt wenyø, nee bäŋe gïn mo raany gø.

Luk 12:33

Dwøgu japu pwödhö ni cïpu jammi moøgø jï jøøa can. Ni mooyu dëëtu ko opïri mo ba jøøl, ni beege jammi mo okanø maal, ni wø nut karge cooth, kany wø bäŋ kuu mo ci baŋge, ni bäŋe alweela mo räänyö.

Luk 16:11

?'Ba ni näk mo u kär ŋäädhö ri jap kwärö mo bäät piny, aŋa noo wëëk u jap kwärö moa näk adïëri?

Luk 6:24

«'Ba otïmö ni raac jïïu, u no okwär ennø, kiper gïï wø mïn yïthu ki ge anø wëëk u.

Wëëlö Mana Göör Pøølli Baŋ Jø Röm 2:5

'Ba kiper cwïnyï na teek na ba maarï løk, ï känna riï ki wëër mo päl, yi cäŋo ö wëërri yie, kanyo ö ŋøl luup mar Jwøk na näk adïëri noo nyoodhi.

2 Körin 6:10

Ni kïmwa, 'ba yïthwa wø poot mïnnö cooth. Wa wø cännö, 'ba jiy mo thööth poot wëëkwa kwärö. Ceŋwa wø dar, ni poot jammi bëët na mowa.

1 Timöthi 6:9

'Ba jø wø many man tïmge no okwär, wø pätha jöör päänynyö ya abïëp, ni tïmge ni ge manynya gïï mo oballe jaak mo raanynya geni, ni beege gïï wø käl rääö ki ränynyö dëëtge.

Jeemeth 2:5

'Ba wïnynyu nø, nyïïmera, u na mëëra ki uuni. ?Aŋø, Jwøk ba jier jø pinyi moa can na bëëde, nee kwärge ri ŋäädhe, ni ge tïmge na lwiidhi mo bura mana näk ee buuö jï jø wø mëër ki eni?

Mana Nyooth 2:9

«Aani, gïïö ni leth ni jwørï yøø ŋääa, ki cannï, 'ba ïïno kwär. Ni ŋääa gïïö ni reyø ni wø cari dëërï, ni beege jø wø köö ni gena jø Juuth, ni ge path. 'Ba gena øt acooŋa mar Ceethan.