Luk 12:19 - Wëël Jwøk

¹⁹ Ni köömma raa, ni «Ïïni, jïrï da jammi mo thööth, mo okanø kiper cwiiri mo thööth. Jwöm riï nø, ni cämï ni mädhï, ni iï met.» ›

Luk 12:19 Iomraidhean Croise

Jööp 14:1

«Dhaanhø man no onywøl dhaage bäät piny en nïre nøk ni ena yi bëëtö mo leth døc.

Pwöc Leec Wïc 10:2

Jammi mo joot ki køør tïïe mo reyø bäŋ gïn duuge, 'ba bëët bëënynyö beeye ni wø käl dhaanhø wøk cer thøø.

Pwöc Leec Wïc 14:24

Jap kwärö mo jøøa wïthge leer beeye aduda jïge, 'ba bëët bøølø mar jøøa wïthge känni beeye bøøl møn.

Pwöc Leec Wïc 18:11

Jap kwärö mo dhaanhø caala pääny mo ogeerø ni teek ki jïre, ni ee caarø ni beeye kiir mo bäär mo gwøga eni.

Pwöc Leec Wïc 23:5

Kany wø näk mo waŋï këëta bääte, puta aay; kiper kwärö wø laara jïtö ki bwöm, ni tïme kaamar odhuuth ni wø määt maal.

Pwöc Leec Wïc 27:1

Kärï ŋwöö kiper gïno tïïyï diøø, kiper gïno tägi yi cäŋ mar diøø kuyï.

Luup Dïpööy 11:9

Ï na thiinh, iï mïnne kany poodï niï thiinh en; beerra man mïn cwïnyï yïth nïr thïnhö moï, ni caathï køør jap wø many cwïnyï ki mo wø neetï ki waŋï. 'Ba wär ŋäyï ni Jwøk ï pëënynye pëënynyö kiper japøge bëët.

Luup Dïpööy 2:24

Bäŋ gïn mo beerra eni jï dhaanhø ni näk mo paa cam ki maath ki man raŋ tïïc mare na gïn mo beer. Manøgø thuwø ajooda ni beeye gïn mo cer Jwøk ena ree.

Aydheea 22:13

'Ba neennu, gïna tïïyu, maru atïmö na kanynyø ni yïthu met, nou cööbö ki dhäk ni ŋädu ki dïëk, ni cämu ki rïŋ ni mädhu ki kwøk nyïïomøki, ni kööu, ni «Cämø ni mädhø nø, kiper kanymør ø thøw diøø.»

Aydheea 5:11

Otïmö ni leth jï jø wø päny maal ka amöölla døc, ni wø läät bäät kwøŋ moa keec, jø wø këët dïwäär ni ge mädhö ni wø meeyi døc.

Aydheea 5:8

'Ba otïmö ni leth jïïu, u ni wø meet uudi mou ki uudi møøk, ni wø mëën bäät pwöth mou ki pwöth møøk, ni tïme ni bäŋ kany mo dööŋ jï jiy møga, ni dööŋŋa u keeru yi ŋöömö manøgø.

Aydheea 56:12

Geni, røkge cøørge cøørø keerge ni ge köö, ni «Ööu, ö aa baŋ maath ki køøŋø, cøø mäthö døc ki køøŋø mo keec; diøø thuwø cäŋø ka tïïyö na ennønø, ni kaala mar dïcäŋi.»

Odheea 12:8

Jø tuuŋ Ipariem ge töödö ni ge köö, ni «Waana jiy mo okwär; waana jïtö ki jammi kiper dëëtwa. 'Ba jammi bëët moa jootwa ki køør öölö marwa, bäŋ gïn mo nyoothge bäätwa ni waana jø raay.»

Amøc 6:13

Uuna tïmö nou töödö kiper mana magu pääny Lödebaar, nou cäänö thuwø, ni «Kaarnam amakwa ki teek marwa.»

Abakuk 1:16

Kiper manøgø nø, ge wø cïpö ko olämme jï ajääpi moge, ni wääŋge ki gïn wø jïye ŋwääi ni met jï ajääpi moge, kiper beeye ki køør gïïögø na jïtge ki kwärö, ni tïm cam marge ni päl.

Luk 12:18

Ni kööe, ni ‹Gïno tïïa beeye en, odïïga orieda, ni cäŋa cwääc ki møøk mo døøŋŋø. Kanyøgønø, beega ki japa bëët okïtha yïthge.

Luk 16:19

«'Ba da nyen mør mo okwär, mo wø käära abïïe ma wøpe, mo cam päl jïre cooth.

Luk 21:34

«Gwøgu dëëtu. Kanymør cwïnynyu tïmö ni ena køør caammi, ki meeye, ki lääŋ jap kwøwi en, ni ö cäŋöce ni laar ö bäätu ni caala abïëp.

1 Körin 15:32

?Ni näk mo aano këëdö ki lääy yi Epeca kaawat man wø tïïc dhaanhø jaak, a bunna ŋø nø noo jooda? Ni näk jøøa no othøw ba tïŋ maal, «Beerra man cämø ni mädhø jaak, kiper diøø ø thøw.»

Pilipay 3:19

'Ba cuŋ marge beeye ränynyö, ni jwøge beeye ec, ni lään wïc marge ege tïïö na ajiem, ni cwïnyge ege cïp køør jap piny.

1 Timöthi 5:6

'Ba cï thøø man wø ba kïïn gïr cwøre, eno thøw këël na bëëde ni kwøw.

1 Timöthi 6:17

'Ba jøøgø no okwär yi piny man en, kööm geni nee ba töötge, ni ba ŋääthge jap kwärö moge. 'Ba beerra man ŋääthge Jwøk, eni ni wø cïp jammi bëët jïïø nee yïthø mïnge.

2 Timöthi 3:4

na jø abuua, ni gena köönynye, ni cwïnyge päŋ ka atöör, ni ge mëër ka jap dëëtge ni ge ba mëër ki Jwøk.

Jeemeth 5:5

'Ba uuna bëëdö yi kwär bäät piny ni yïthu met, ni mïn cwïnynyu ni jäŋŋu keda cäŋ twëër.

1 Piter 4:3

Wär yïthu thumge nø ki nïra pöödhö na wara tïïyu gïï wø met yïth juurre ki ge ni wø tïïcge, keda man bëëtge ni geno nieŋ dëët gïï mo patha karge, ni cwïnyge ena køør raay, ki maath, ki wïïrö kwör kwøŋ, ki meeye, ki wøør juu møøk na reyø døc.

Mana Nyooth 18:7

Ni caannï eni ni wëëgï gø kïmmö, ni röömi ka ajieme na jiem dëëre keere ni eno røm piny. Kiper eni wø köö ki cwïnye, na ‹A bëëdö ni aana gwanynyø, naa patha cï thøø, ni kïmmö ba jooda bäre bäre.›

1 Camiel 30:16

'Ba kanya ö nyenøgø na kïth Deebit baŋ jø leny moøgø, ka adïëri møn, gena put nwänö ni geno ninyaŋŋa ni ŋöömö manøgø bäre ege gääbö, ni ge cämö, ni ge mädhö, ni ge miel ni yïthge met kiper gïïa twierge bëët na kälge ki yi ŋööm jø Pilitin ki yi ŋööm jø tuuŋ Juuda.