Luk 12:15 - Wëël Jwøk

¹⁵ Ni kööe jïge, «Caarru wïthu ni gwøgu rou ki bëët päl cwïny bäre. Kiper dhaanhø bäŋ wø kwøw kiper jammi na thööth jïre.»

Luk 12:15 Iomraidhean Croise

1 Nyeye 2:40

Kanyøgønø, Cimiy aput ö maal ni jiiŋ arëën mare, ni ci Gëth baŋ Akïc kuna many laaŋe moe, ni käl geni.

Jööp 2:4

'Ba aløk Ceethanni ni kööe, ni «Ŋati man nø jwøra gïno pïï dëëre. 'Ba dhaanhø løny jïre ki man cïp jap kwøwe bëët kiper jwïëye.

Pwöc Leec Wïc 15:16

Bëët dhaanhø mo jape nøk mo lwäära Wuuö Jwøk beerra eni ni kaala bëët ŋat mo jap kwärö moe thööth mo duunnö ki kier wïc.

Pwöc Leec Wïc 16:16

A teeŋ beer mo nyïëdi ki man joot leec wïc ni kaala warkey! Naa teeŋ beer mo nyïëdi ki man jier ŋäc tiet luup ni kaala gwel-bïrö!

Pwöc Leec Wïc 28:16

Kwäärö man wø caar jiy, wïïe bäŋ acaara, 'ba ŋat wø kwier jammi mo joot ki jöö mo patha adïëri wø døøya nïr kwøw moe mo thööth.

Jeremaya 6:13

Kiper ki mana täge ki jiy moa kwörge bäŋgø, këël mana pïïe ri jøøa kwörge døøŋŋø, ŋati man nø atïmö ni cwïnye päl ki jammi mo joot ki jïëth atade. Këël nyïïkuk Jwøk ki dïlämme bëët, ŋati man nø atïmö ni tïïya tïï cwøk.

Edhikiel 33:31

Jiy ööa baŋï kaawat man wø tïïc dhaanhe jaak, ni pïge piny nyïmï kuna wïnyge luup moï kede gena jiya, 'ba ba kïthge bäät tïïc. Geni, ge cara luup mo beyø ki dhøkge, 'ba cwïnyge caara gïï mo reyø ki møt.

Mikiya 2:2

Geni, cwïnyge døøŋŋø ki pwöth ni macge geni, ni päl cwïnyge ki uudi ni lwørge geni. Geni, jap dhaanhø wø lwørge lwørø ki paac mare, ni lwørge pwöth dhaanhø.

Abakuk 2:9

«Otïmö ni raac jï ŋat wø gwän øde ki jammi ki jöö mo raac, ŋat wø bëëdö ni øde ee geer maal kaamar øt wenyø, nee bäŋe gïn mo raany gø.

Maak 7:22

ki par jammi, ki rääö, ki cwøk, ki pär cwïny, ki keec, ki waac nyeŋ, ka atöör, ki bøøl.

Luk 12:16

Ni par luubö mør jïge kaamar leer, ni «Da wää pwödhe mør mo okwär mo pwöthe okännö ki beel mo thööth.

Luk 16:14

'Ba jø Paricith na mëër ki jammi, moøgø bëët awïnyge, ni buuge gø.

Luk 21:34

«Gwøgu dëëtu. Kanymør cwïnynyu tïmö ni ena køør caammi, ki meeye, ki lääŋ jap kwøwi en, ni ö cäŋöce ni laar ö bäätu ni caala abïëp.

Luk 8:14

'Ba moa päth yïth koodhi, beege jø wø wïny luum Jwøk, 'ba kany wø bëëtge, ge bøøc ki køør gïï wø lääŋge ki cwïnyge, ki jap kwär, ki jap wø many dëëlli, ni ba jïtge ki nyïëdi.

1 Körin 6:10

wala kuuwe, wala jø wärö, wala jø meeye, wala jø ajaany, wala dïtwïët jiy, mo ci buc Jwøki jïge.

Köløcia 3:5

Kiper manøgønø, 'nägu jap piny ni en cwïnynyu, teeŋ kaa käp, ki rääö, ki gïïa reyø wø nieŋ cwïnynyu køørge, ki many raay, ki päl cwïny, na näk beeye wøør juu møøk.

2 Timöthi 3:2

Kiper otïmö ni ŋati man nø mëër ka ree, ni jiy mëër ka jammi, ni ge töödö, ni ge koorrø, ni dhøkge ŋaam, ni wïthge teek ki jøøa nywøl geni, ni bäŋ met ec mo maarge dwøgø, ni luum Jwøk kucge.

Ibaru 13:5

Bëëdu ni dëëtu you gwøø ki mëëc jammi, ni uuno rømø ki mou na en jïïu. Kiper Jwøk aköö, ni «U ba leeŋa piny, ni ba wiia uuni.»

Jøcua 7:21

Aani, ki røk jammi moa twier bëët, kanya jooda abïï mo mïërö mo tïïca paana cwøl ni Cinaar, ki warkey ma lwøŋŋø ma rumme ma pïërabïïc mar rumi mana cwøl ni cekel, ki gwel-bïrö ma rumme ma dïpe ariiø mar rumi mana cwøl ni cekel, cwïnya atïmö ni päl ki ge ni lwøra geni. 'Ba ennø, gïïögø okoony piny yo oduŋkaara mana näk mara, ni gwel-bïrö beeye ni en ya aŋuudi piny tiet gïïögø bëët.»

2 Piter 2:14

Ni nyeŋge ena køør käp, ni raay ba maarge wec. Ni ge maaŋŋa wïth jøøa cwïnyge cwøk. Ni cwïnyge ege pwönynyö ki wärö. Ni gena jiy mo ocienø.

2 Piter 2:3

'Ba kiper mano wärge ki uuni, uuno møøthge ki luup atade. 'Ba ajäla marge nutö cøøn ni ena dëëtge, ni ränynyö marge patha okääŋö.