Luk 11:42 - Wëël Jwøk

⁴² «'Ba otïmö ni raac jïïu, u jø Paricith. Kiper u wø cïpa paac wïth jammi na jëëthe røk gïï wø thenh thenh wø piith bëët, ni weyu mëëc Jwøk ki ŋøl luup ma kare na caane. Gïïögø beege gïïa dou tïïö, ni ba weyu moøgø thuwø.

Luk 11:42 Iomraidhean Croise

Neemiya 10:37

«Øøni thuwø, muk beel 'moø moa nyärö, ki muuce mo thwöth beel moø, ki nyïïjenni ma teeŋi mo wø kwøŋ ciek, ki kwøk nyïïomøki moa nyärö, ki maaw man wø kwøŋ wel, cïbø cïbö jï dïlämme yi øt kän mar Øt Jwøk marø, ni cïbø paac wïth jammi 'moø mo wø joodø yi ŋöömö marø jï jø tuuŋ Libay, kiper beeye jø tuuŋ Libay ni wø jwäk paac wïth jammi yïth mïëri bëët moa en jø puuri yïthge.

Pwöc Leec Wïc 21:3

Ki man tïïc gïn mo beer ki gïn ma adïëri beeye mana met yi Wuuö Jwøki ki gø ni kaala olämi.

Luup Dïpööy 7:18

Beerra man magï luubö mana na aciel, ni ba weyï luubö maya thuwø; kiper ŋat wø lwäär ki Jwøk luup moøgø bëët kwanye kwanyø.

Mikiya 6:8

Wui ï na dhaanhø, Wuuö Jwøk gïna beer anyoodhe jïrï. ?'Ba Wuuö Jwøk agïnaŋø ni manynye baŋï? Beeye ki man ŋølï luup na karge, ki man nyoothï mëër man wø ba jøøl, ki man cäädhï ki Jwøk marï ni riï iï dwøk piny.

Milkiya 1:6

Wuuö Jwøk, eni na wïth jammi bëët, aköö, ni «Nyilaal wänni di wøørø, ni ö ŋat tïïci ni wøør kwäärö mare. Wøp nø; ?ni näk mo aana wääu, age wödö mana nyoothu jïra? ?Ni näk mo aana kwääyu thuwø, age lwär mana nyoothu jïra? Uuni na dïlämme, beeye uuni na taak aani. «'Ba uuna köö, ni ‹?Ï ewa taaø nidïï?›

Milkiya 2:17

Uuni, Wuuö Jwøk aööllu ki luup mou. 'Ba uuna köö, ni «?Eni ewa öölö nidïï?» Beeye kiper mana kööu, ni «Ŋat wø tïïc gïn mo raac poot beer ki nyïm Wuuö Jwøk, ni Wuuö Jwøk yie met ki ŋatøgø.» Wala u köö, ni «?Jwøk ni wø ŋøl luup na karge en kaa?»

Milkiya 3:8

«?Aŋø, løny jï dhaanhø ki man møt Jwøk? 'Ba uuni aana møtu. «'Ba uuna köö, ni ‹?Ï ewa mødø nidïï?› «Møt mana mudu ki gø beeye mana käru cïpö ki paac wïth jammi ki muuce.

Mathiew 23:13

«'Ba u dïpööye mo ciik Jwøk ki jø Paricith, u na jø atade, otïmö ni raac jïïu, kiper buya käl maal you mänö ki jiy. Kiper u ki dëëtu u ba ci yie, ni jøøa doo ci yie ba wëënnu thuwø.

Mathiew 23:23

«Otïmö ni raac jïïu, u dïpööye mo ciik Jwøk ki jø Paricith, u na jø atade, kiper u wø cïpa paac wïth jammi jï Jwøk røk gïï wø thenh thenh wø piith lak paac, ni weyu moa perge leth ri ciik Jwøk, teeŋ ka ŋøl luup ni beer, ki køny, ki ŋäädhe. Gïïögø beege gïïa dou tïïö, ni ba weyu moøgø thuwø.

Mathiew 23:27

«Otïmö ni raac jïïu, u dïpööye mo ciik Jwøk ki jø Paricith, u na jø atade, kiper u caala bwör mo orwødhø ki booya mo tar, ni wø nëëni ni mïërö ki wøk, 'ba yïthge päŋ ki cuu jiy mo othøw ki gïï mo reyø bëët.

Luk 18:12

Kiper a wø wödö ki kwöre ariiø ki yi jwøk, naa cïpö ki paac wïth jammi na jëëthe røk gïï wø jooda bëët.›

Jøøn 5:42

'Ba aani, u ŋääa, ni ŋääa ni mëëc Jwøk tøørø cwïnynyu.

1 Jøøn 4:20

Ni näk da ŋat mo köö, na «A mëër ki Jwøk,» ni mäne ki coki, ena dïtwöt. Kiper ŋat wø ba mëër ki coki na näk ee neenø, ba løny ki man mëëre ki Jwøk na näk käre neenø.

1 Camiel 15:22

'Ba Camiel aköö, na «?Aŋø, Wuuö Jwøk yie met ko olämme mo wø waaŋ bäre ki teeŋ olämme møøk ni kaala man wïny dwøre, eni na Wuuö Jwøk? Neenï, ki man wïny dwøre pöödha eni døc ni kaala man cïpö ko olämme jïre, ni ki man leŋ mare pöödha eni ni kaala man waaŋ dwäle mo nyöök rööm no olämme.