Luk 11:41 - Wëël Jwøk

⁴¹ 'Ba beerra man cïpu jï jøøa can røk gïï wø en ya athaa. Kanyøgø nø, jammi bëët tïmö ni waany jïïu.

Luk 11:41 Iomraidhean Croise

Dut Pwøc 41:1

Pwöc Leec Wïc 14:31

Ŋat wø tïïc gïn mo raac dëër dhaanhø mo can, janynya Jwøk na cwääc ŋatøgø, 'ba ŋat wø nyooth mëër jï ŋata can wøøra Jwøk na cwääc ŋatøgø.

Pwöc Leec Wïc 16:6

Ki køør bëët-mëër ki bëët adïëri, gïï wø bayi di wiiø, ni ki køør man lwäär Wuuö Jwøk, dhaanhø ree wø di løø ni kwiera gïïa reyø.

Pwöc Leec Wïc 19:17

Ŋat wø nyooth mëër ni wø cïpi jï jøøa can mooya Wuuö Jwøk; eni cun Wuuö Jwøki cunnö kiper gïna beer na tïïe.

Daniel 4:27

Kiper manøgønø, ï na nyeya en, beerra man tïm gïno caana en ni yiï met ki gø. Ïïni wec gïïa bayï, ni bëëdï niï tïïya gïn mo beer, ni weyï raay moï, ni bëëdï niï nyootha køny jï jøøa no ocaarø. Kanymør ni kwärö marï løny ki man ruue.»

Mathiew 26:11

Kiper jøøa can wø ena dïïu cooth. 'Ba aani, a ba en dïïu cooth.

Mathiew 5:42

Mooc ŋato kwac ïïni, ni ba mänï ŋat mo manynya mäyö baŋï.

Maak 7:19

Kiper atïmö ni ba ci cwïnye, 'ba cøøa yie, ni pöötha wøk.» 'Ba na caan luummögø, eni caana gø, ni caammi bëët beyø.

Luk 12:33

Dwøgu japu pwödhö ni cïpu jammi moøgø jï jøøa can. Ni mooyu dëëtu ko opïri mo ba jøøl, ni beege jammi mo okanø maal, ni wø nut karge cooth, kany wø bäŋ kuu mo ci baŋge, ni bäŋe alweela mo räänyö.

Luk 16:9

'Ba aani ki dëëra, a cäänna uuni, ni määnynyu dëëtu ki nyïïawäädi ki jap kwärö mo bäät piny, kiper dïcäŋo thum jammi yie, nou jïëc kwör bëëte moa näk bäŋ cuŋge.

Luk 18:22

'Ba Jecu na wïny gïnögø, aköö jïgø, ni «Gïrpiny aciel poot kärï tïïö. Dwøk gïïo en jïrï bëët pwödhö, ni pääŋŋï gwetge jï jøøa can, ni ööï ni cäädhï køøra. 'Ba ïïno jïti ki jap kwär maal.»

Luk 19:8

Køøre Dhekiya aö maal ni cuŋŋe, ni kööe jï Kwäärö, ni «Kwäärö, neenï, thäŋ jammi 'moa mëëga jøøa can. Ni näk da ŋat mo yaa mødø ki gïrpiny, dwøga dwøgø jïre na aŋween.»

Moa Tïïc Nyïïatwieli 10:15

'Ba dwøl manøgø acäŋ ö baŋe ri rietge, ni kööe, ni «Gïn mo odøøc Jwøki mo waany, kär cwølï ni gïn mør jaak.»

Moa Tïïc Nyïïatwieli 11:29

Ni ö bääŋi ni jïëcge ki man jääŋge jap køny jï nyïïmëëe moa en Judia, ni ŋati man nø cïpö kaawat mano en cere.

Moa Tïïc Nyïïatwieli 24:17

'Ba na nø thöödha ki cwiiri mo boop, aana öö naa käla jap cane jï jø powa, naa cïpa ko olämme thuwø.

2 Körin 8:12

Kiper ni näk cwïny dhaanhø tar ki man cïpe, ojïëö kaawat mano nut cere, ni eni ba pëënynyi ki gïno tøør cere.

Epeca 4:28

Kär dee kuu mo kwädö këët, 'ba beerra man tïïe ki cere ki tïïc ma adïëri, kiper nee lønye jïre ki man cïpe jï jø wø can.

Tayta 1:15

Kiper jammi bëët wø beyø jï jø wø cwïnyge leer, 'ba ki jï jø wø cwïnyge reyø na näk patha ojïëy, bäŋ gïn mo beer mo ŋäcge. 'Ba acaacge kiree ki cwïnyge reyø.

Ibaru 13:16

Kär tïï gïïa beyø weyu, ki nywaak gïïa en jïïu. Kiper teeŋ muuce moøgø, Jwøk yie met ki geni.

Ibaru 6:10

Kiper Jwøk ŋøl mare tiir, ni tïïe mou ba taae, ki mëër mana nyoothu kiper nyeŋŋe kanya tïnynyu jø Jwøk, kaawat man poodu nou tïïya gø enø.

Jeemeth 1:27

'Ba lam mana näk adïëri na näk bäŋ gïn mo raac dëëre nyïm Jwøk na näk Wuuö, beeye ki man gwøk obwöre moa näk kïïe ki määr thuunhnhi ri gïï wø leth wø pïï dëëtge, ki man ö dhaanhe ni män ree ki raac piny.