Luk 11:39 - Wëël Jwøk

³⁹ 'Ba Kwäärö aköö jïgø, ni «U na jø Paricith, u wø peny ŋää awal ki ŋää athaa, 'ba yïthu päŋ ki møt ki raay.

Luk 11:39 Iomraidhean Croise

Wïlöölö 6:5

Ni ö Wuuö Jwøki ni joot rääö mar dhaanhø no opällö bäät piny, ni gïï wø caar dhaanhe bëët ki cwïnye beege gïï mo reyø keerge.

2 Luup Nyeye 25:2

'Ba Amaciya ena bëëdö ni tïïya gïï mo nëëni ni beyø ki jï Wuuö Jwøk. 'Ba këël na bëëde na ennønø, eni poot ba tïïö ka cwïnye bäre na adïëri.

Pwöc Leec Wïc 26:23

Ŋat mo dhee cara mëër ni cwïnye raac caala dak mo jøørra dï ŋääe keere ki warkey.

Pwöc Leec Wïc 26:25

Kany wø cääne ni luup ee døøc mo met, kär niï ŋäätha gø, kiper da gïïpinyi abïriiø yi cwïnye mo ec raac ki ge døc.

Pwöc Leec Wïc 30:12

Da jiy mo cädö ni ge waany ki jïge, kaamane ge poot kär tïmö ni waany yïth raay moge.

Jeremaya 4:14

Wui, u jø Jerucalem, pïnyu raay wøk cwïnynyu, kiper nou piem. ?A këël kany mo nyïëdi nø noo bëët acaare mou na reyø cwïnynyu?

Edhikiel 22:25

Dïbwöthe moe moa en yie ge bëëdö kaamar ŋuuwe mo märö bäät lääy mo bakge bagø; jwïëc jiy araanyge ni kälge jammi mo jiy ki gïï møøk mo perge leth. 'Ba ki køør 'näk mana tïïcge, mään mo thööth awëëkge dööŋŋe na määr thuunhnhi.

Edhikiel 22:27

Kwääri moe moa en yie, ge bëëdö kaamar orude mo ge baga lääy, ki køør mana bëëtge ni rem jiy kønyge piny, ni jwïëc jiy raanyge raanynyø kiper joot jammi ki jöör møt.

Jepaniya 3:3

Dïbwöthe moe ge bëëdö kaamar ŋuuwe mo märö, ni ö dïŋut luupi moe ni bëëtge kaamar kwäänynye mo owär, mo ge cämö ka wäär ni bäŋ gïn wecge kiper amöölla.

Mathiew 15:19

Kiper acaare moa reyø wø ööi ka yi cwïny, teeŋ ka 'näk, ki luk, ki käp, ki käw, ki caan gïn mo patha adïëri, ki waac nyeŋ.

Mathiew 7:15

«Gwøgu rou ki nyïïkuk Jwøk mo patha adïëri mo wø ö baŋu ni ge käära duup rööm, 'ba ki yïthge gena kwäänynye mo owär.

Luk 16:15

'Ba Jecu aköö jïge, ni «Beeye uuni ni wø pwøc dëëtu keeru nyïm jiy nou beyø, 'ba cwïnynyu ŋäc Jwøki. Kiper gïn wø näk wøp døc ki jï jiy, beeye gïna raaca eni ki jï Jwøk.

Luk 7:13

'Ba na ö Kwäärö na joot nyijøøgø, cwïnye apädhö ki gïr gø, ni kööe jïgø, «Kärï jwöŋö.»

Luk 7:19

Ni ö Jøønni ni cwøl bääge ariiø baŋe, ni jääŋ geni baŋ Kwäärö ki man pëënyge gø, ni «?Bee ïïni, ŋata wäŋŋi ni öö, wala cäŋwa dhaanhø mør neetø?»

Jøøn 12:6

'Ba luummögøøni ba caane kaper ni yie met ki man køny jøøa can, 'ba caane kaper na näk ena kuu, no opïr gwel ena cere, ni eni wø lwötö ri mo wø kïth yie.

Jøøn 13:2

'Ba kanya pootge ni ge ena kar cam, na anägö gïn mør ee nø kïth cwïny Juudac Ickarïët na näk o Cayman nee Jecu cïbe ceŋ nyïïmänne,

Moa Tïïc Nyïïatwieli 5:3

'Ba Piter aköö, na «?Ananaya, aŋø ni ö Ceethanni ni pääŋ cwïnyï en, ki man cäänï ki tööt jï Jwïëc Jwøk na en kur keere, ni kanï thäŋ gwet pwödhö en?

Galeecia 1:14

Ni aano kadhø ri lam jø Juuth, ni tïëŋwa mo thööth yaa kaalø dï jø powa, kiper cwïnya yaa cïbö døc køør kööŋŋe mo kwäya.

2 Timöthi 3:5

Ni ge nëënö keda gena jø lam, 'ba teek Jwøk ba maar ci cwïnyge. Teeŋ jøøgø nø, wär kwierï.

Tayta 1:15

Kiper jammi bëët wø beyø jï jø wø cwïnyge leer, 'ba ki jï jø wø cwïnyge reyø na näk patha ojïëy, bäŋ gïn mo beer mo ŋäcge. 'Ba acaacge kiree ki cwïnyge reyø.

Jeemeth 4:8

Nyiigu buut Jwøk, 'ba eno nyänh buutu. Lwøgu ceŋŋu, u na jø raay, ni døøyu cwïnynyu mo leer, u ni luup oriewi cwïnynyu en.