Luk 11:36 - Wëël Jwøk

³⁶ 'Ba ni näk dëërï orømø ki tar ni bäŋ kany mo cøl, dëërï bäre ena yi tar møn, keda man wø ö lamba wø meeny ïïni ki taye.»

Luk 11:36 Iomraidhean Croise

Pwöc Leec Wïc 1:5

Beerra man ö ŋata wïïe leerri ni cek ïthe ki geni, ni meet geni bäät mana kwanye, ni ö eni ni wø joot tiet luup ni kwänynye ki pwöc.

Pwöc Leec Wïc 20:27

Cwïny beeye lamba mana cïp Wuuö Jwøki jï dhaanhø, man wø meeny yi dhaanhø bäre.

Pwöc Leec Wïc 6:23

Kiper ciik caala lamba, ni ö pwöci ni caal tar, ni ö juuki mo ree da pwöc ni caal jöör kwøw;

Aydheea 42:16

Cööye bwødha bwødhø ki waŋjöö mo kucge, ge pieya pieyø ki nyeŋ jïëthe mo kucge. Muudhö tïïa tïïö na tar nyïmge, ni ö kwöra gwalli øtjöö ni tïïa ge ni pøøth. Gïïögøøni beege noo tïïa, ni ge ba wïïa jaak ni kära tïïö.

Aydheea 8:20

Beerra man cïpge ŋäädhe marge ri pwöc Wuuö Jwøk ki ciik moe. 'Ba ni näk luummögø ba tïïcge, nyootha gø ni bäŋ tar bäätge.

Odheea 6:3

Kiper manøgønø, beerra man ŋääø Wuuö Jwøk; beerra man reedhø ri man ŋääø eni. Öö mare caala man wø kwäär øwi, ni ö baŋø kaamar køth, ni caala køth mar dhi køth ni wø jwøc piny.»

Mathiew 13:52

Ni kööe jïge, «Kiper manøgønø, dïpööye mo ciik Jwøk bëët moa no opwönynyö kiper buya käl maal caala wää paaci mo wø käla gïï mo nyärö ki gïï mo oruuö wøk ki yi kar kän mare ni nyooth ge jï jiy.»

Mathiew 5:15

Ni bäŋ ŋat mo nyep lamba ni kïth gø tier dak, 'ba wø cïbe bäät tharabëëta, ni ö taye ni meeny yi øtø bäre.

Luk 11:35

Kiper manøgøøni, gwøk dëërï nee tayø ni en dëërï enø ba tïme na muudhö.

Luk 11:37

'Ba kanya løny Jecu ki cäänö, ena pëëny ŋat Paricithi mør nee ö paare baŋ cam. Ni cøøe ni pï piny kar cam.

2 Körin 4:6

Kiper beeye Jwøk na köö, ni «Tar rienye yi muudhö,» na wëëk tar rieny yïth cwïnynyø, nee tay ajiem Jwøk ni en täärnyïm Krictø wëëk ŋäc.

Epeca 4:14

kiper nee ø ba bëëdø kaamar obwöre këët ni wø wïïri køør pwöc ma teeŋi ki køør reek nyeŋ jiy ni wø maaŋ wïth jiy ki cwøkge.

Köløcia 3:16

Wëëgu luum Krictø bëëtö cwïnynyu na adïëri, kaawat man wø pwönynyu røgu, nou jøga røgu ki køør acaare bëët mo leec wïc, kaawat man wø wärru Dut Pwøc ki dut Jwøk, nou dwøga met ec jï Jwøk.

Ibaru 5:14

Kiper kwön mo teek rømi ka jiy mo døøŋŋø, jøøa näk onø kwänynyö ki man ŋecge gïïa beyø ki gïïa reyø, kiper man wø pwönyge rege ki gø.

Jeemeth 1:25

'Ba ŋat wø raŋ ciik Jwøk na näk kare døøc, na näk beeye jöör pät jiy, ni put bëëtö ri gø ni ena ŋat tïïc man wø tïïc gø, ni ba tïme na ŋat wø wïny luubö jaak ni wø wïïe wïl, teeŋ ŋatøgøøni ogwïëth kiper mana tïïe.

2 Piter 3:18

'Ba cääthu nyïm nou ŋäya met ec ki ŋäc man ŋäyu Kwääyø na näk Pïëmi ma Jecu Krictø. 'Ba ajiem en jïre en nø, këël na bäre bäre. Enøgønø.