Luk 11:34 - Wëël Jwøk

³⁴ Waŋï beeye lamba mar dëërï. Ni näk waŋï tøŋ, dëërï bäre orømø ki tar. 'Ba ni näk mo waŋï oränynyö, dëërï bäre orømø ki muudhö.

Luk 11:34 Iomraidhean Croise

Wïlöölö 19:11

Køøre jiy moa en dhi øtø atïïcge na cööre, ki mana täge ko obwöre këël jäle, ni öölge dëëtge jaak ki thäämmö ni ge manynya dhi øtø.

Pwöc Leec Wïc 21:4

Nyeŋ mo raŋa jiy piny, ki cwïny mo töödö, ki gïï wø tïïcge bëët beeye raay.

Pwöc Leec Wïc 28:22

Ŋat mo cere teek wø jalli døc nee laar kwärö, 'ba bëët can mano ö bääte kuue.

Aydheea 29:10

Kiper Wuuö Jwøk akän bäätu ki jwïëc niine mo thööth, ni wëëk nyeŋŋu nijïïm, u na nyïïkuk Jwøk, ni cïëk wïthu, u na jø wø joot jammi ki køør man wø nyooth Jwøki jïïu.

Aydheea 42:19

?Aŋa na cwør ni kaala dhaanhnha, wala na miiŋ ni caala eni na jääŋŋa? ?Aŋa na cwør ni caal eni na bëëdö ki bëët-mëër ki aani en, wala mo caala eni na dhaanhnha, a na Wuuö Jwøk?

Aydheea 44:18

'Ba geni bäŋ gïn mo ŋäcge ni tier gø ba kwanyge, kiper nyeŋge omiiø nee ba nëënge, ni cwïnyge otïïö ni teek kiper nee tiere ba ci cwïnyge.

Aydheea 5:20

'Ba otïmö ni leth jï jø wø köö ni gïn mo raac beeye gïn mo beer, ni wø köö ni gïn mo beer beeye gïn mo raac; jø wø köö ni muudhö beeye tar, ni tar beeye muudhö, jø wø köö ni gïn mo keec ŋweeth, ni gïn mo ŋweeth keec.

Aydheea 6:10

Tïïc cwïny jøøgø ni teek, ni cïëgï ïthge, ni meyï nyeŋge, nee tïme ni ba løny ki man nëënge ki nyeŋge, ni ba wïnyge ki ïthge, ni ba ci luupi cwïnyge, ni ba duuge baŋ Jwøk ki man jïtge ki køny.»

Jeremaya 5:21

ni ‹Wïnynyu gïn, u na bøøre na wïthu bäŋ acaara, u na jïïu da nyeŋŋi, 'ba u ba nëënö; u na jïïu da ïdhi, 'ba u ba wïnyö.

Maak 4:12

« ‹kiper nee neenge møn, 'ba tier gø ba jootge. Ni wïnyge gø møn, 'ba tier gø ba kwanyge. Kiper kanymør dëëtge dege løø ni wëën geni.› »

Maak 7:22

ki par jammi, ki rääö, ki cwøk, ki pär cwïny, ki keec, ki waac nyeŋ, ka atöör, ki bøøl.

Maak 8:18

?Jïïu da nyeŋ, nou ba nëënö? ?Ni jïïu da ïdhi, nou ba wïnyö? ?Uuni, wïthu ba parru?

Luk 11:35

Kiper manøgøøni, gwøk dëërï nee tayø ni en dëërï enø ba tïme na muudhö.

Moa Tïïc Nyïïatwieli 13:11

'Ba kawaane, neenï, cer Wuuö ena bäätï, 'ba ïïno tïmö ni ïïna cwør ni cäŋ ba neenï ki nïne møøk.» Kanyøgø rwöc ki muudhö aput ö bääte, ni aae ni thäämmö ni cää ki jiy mo mak cere nee pieyi.

Moa Tïïc Nyïïatwieli 2:46

'Ba ki yïth cääŋŋe bëët ge wø cøøa Øt Jwøk Mana Dwøŋ na aciel, ni muunni wø pøtge pøtø uutge, ni ge wø cämö na aciel ni ge ŋeethø ni yïthge met.

Moa Tïïc Nyïïatwieli 26:18

kiper nee nyeŋge japï, nee muudhö wecge ni løøge rege baŋ tar, ni wecge teek Ceethan ni løøge rege baŋ Jwøk, kiper nee raay moge wec Jwøki, ni jïtge ki karge dï jøøa näk ocïp kur keerge na mo Jwøk, ki køør ŋäädhe man wø ŋääthge aani.›

2 Körin 1:12

'Ba atöör marwa beeye en, kiper ŋäcwa ki cwïnywa ni waana bëëdö pinyi en ki bëëtö mana en kur keere na käl baŋ Jwøk, ni bäŋ atade yie, ni kadha bëëtö mana beetwa nyïmmu. Ni bëëtö marwa ba käl ri riek waŋ mar pinyi en, 'ba käla ri met yi Jwøk.

2 Körin 11:3

'Ba aana lwäyö ni wïthu di maaŋŋø ni weyu mëër mana näk adïëri ni en cwïnynyu kiper Krictø, kaawat mana tïïc thwölli ki riek waŋe na ööe ni cøøk Iip.

2 Körin 4:4

'Ba beeye jwø pinyi en na wëëk jøøa kär jïëy cøørø, nee tac luumma nyään na met mar ajiem Krictø nee ba neenge, ŋata kïte caal kït Jwøk.

Epeca 1:17

nee Jwøk na näk Jwø Kwääyø ma Jecu Krictø, ni näk Uun ajiem, nee u mooe ki wïdhi mo leer, ki cwïny mou wëëge ka ŋäc eni,

Epeca 6:5

U na laaŋe, leŋŋu dööt jøø ni bëënnu pinyi en ki cwïnynyu bäre nou lwäär ni dëëtu kwanynyi, kede tïïyu jï Krictø.

Köløcia 3:22

U na laaŋe, leŋŋu luup jøø ni bëënnu piny en ki yïth jammi bëët. Ni ba tïïyu kaper man wø neet uuni nou døøya yïth jiy mo met. 'Ba tïïu ni cwïnynyu leer, nou lwäära Wuuö.