Luk 11:32 - Wëël Jwøk

³² 'Ba jø Nineba, geno cuŋŋi ki beenhnhi en kanyo ŋøl luup yie, ni jäälge geni. Kiper geni cwïnyge aløkge kanya ö Joona na køp luum Jwøk jïge. 'Ba kawaane da gïn mo dwøŋŋa eni ki Joona mo ena kany.

Luk 11:32 Iomraidhean Croise

Joona 3:4

Køøre Joona atägö ki man caath dï päänyögø ki dïcäŋ aciel bäre, ni rëëdö, ni «Ennø, dööŋŋa nïne ma pïëraŋween keerge nee Nineba raanynyi.»

Joona 3:5

'Ba jø Nineba dwør Jwøk aŋääthge, ni gööcge piny ka awaaci mar wödö, nee ba cämge, ni røøge keece dëëtge na abïïe, ni tägi ka jøøa kwörge døøŋŋø këël jøøa näk kwörge bäŋgø.

Joona 4:9

'Ba Jwøk aköö jï Joona, na «?Aŋø, beeye gïn mo beer jïrï ki man gootï kiper olïïrö?» Ni løk gø, ni «Kare, beeye gïn mo beer jïra ki man goota ki gootø maa manynya thøø.»

Mathiew 12:39

'Ba adwøk Jecu jïge, ni «Jø pinyi ni reyø ii ni wø kwier luum Jwøk en, ge manynya ŋïï, 'ba bäŋ ŋïï mo nyooth jïge. 'Ba beeye ŋïï mar nyikuŋ Jwøk ma Joona keere noo nyooth jïge.

Mathiew 12:41

'Ba jø Nineba, geno ö maal ni jäälge jø pinyi en, dïcäŋo ŋøl luup yie. Kiper geni cwïnyge aløkge kanya ö Joona na køp luum Jwøk jïge. 'Ba ennø, da gïn mo dwøŋŋa eni ki Joona mo ena kany.

Luk 11:31

'Ba nyenynya näk dhaagø mar paana en jï løø tier-piny, ocuŋŋi ki beenhnhi en dïcäŋo ŋøl luup yie, ni jääl geni. Kiper eni ööi ka kany mo bäär døc kuna wïny leec wïc mar Cølöman. 'Ba ennø, da gïn mo dwøŋŋa eni ki Cølöman mo ena kany.

Ibaru 7:26

Kiper teeŋ Kwääy Lam Mo Dwøŋ ma enøgønø, orømø ki can marø, ŋata en kur keere, ni bäŋ ajäla dëëre, ni bäŋ gïn mo jøøŋŋi ree, ni ba en dï jø raay, no orøønyø ni dwøŋŋa eni maalø bäre.