Luk 11:20 - Wëël Jwøk

²⁰ 'Ba ni näk cer Jwøk beeye wø riema anäge wøk ki gø, beeye buc Jwøk na ö bäätu.

Luk 11:20 Iomraidhean Croise

Bwøth Wøk 8:19

Køøre ajuuk aköö jï Peerø, ni «Gïnögø beeye gïn mo tïïya Jwøki.» 'Ba cwïny Peerø poot bëëdö ni teek ni kweere ki man wïny mana caan Modhe ka Aran, kaawat mana kwøŋi ya Wuuö Jwøki caan jï Modhe.

Daniel 2:44

«'Ba noo tïme na yïth nïr nyeye moeke, Jwø maal da akwöm nyec mo këëlle piny mo ba ränynyi na bäre bäre; na akwöm nyec manøgø ba wëëk jiy møøk. Eni akwöm mo nyec moeke bëët di nyadhø ni dïïr wïthge; 'ba eni ki dëëre keere, bëëdö na bäre bäre.

Mathiew 12:28

'Ba ni näk Jwïëc Jwøk beeye wø riema anäge wøk ki gø, beeye buc Jwøk na ö bäätu.

Mathiew 3:2

ni köö, ni «Løgu cwïnynyu, kiper buya käl maal kare acäännö.»

Mathiew 4:24

Kanyøgønø, gïre awïnyö dï Ciria bäre, ni kälge jiy bëët moa tuu baŋe, jøøa no omaaŋ täwe ma teeŋi ki ŋwiili ma teeŋi mo rämö, ki jøøa dëëtge da anäge, ki jøøa dëëtge da cet, ki moa näk obäp. Ni køny geni.

Luk 10:11

ni ‹Këël tør pou ni en tietwa en, teeŋwa dëëtu. 'Ba wär ŋäyu ni buc Jwøk anø ö kany mo cään ki uuni.›

Luk 10:9

Ni kønynyu jøw otuu yi gø, ni kööu jïge, ni ‹Ennø, buc Jwøk anø ö kany mo cään ki uuni.›

Luk 11:21

Kany wø dee dhaanhø mo teek mo cere da tøŋ mo koora paare, jape ba ränynyi.

Moa Tïïc Nyïïatwieli 20:25

«'Ba kawaane, neennu, ŋääa ni uuni bëët, u na dïïu caadha naa køpa luum buc Jwøk, waŋa ba jootu këët.

2 Thecalönika 1:5

'Ba manøgø nyootha gø ni ŋøl mar Jwøk beeye adïëri, nou tïmu ni uuno rømø ki buc Jwøk, ni beeye ni jwørru gïïögø kipere.