Luk 11:2 - Wëël Jwøk

² Ni kööe jïge, ni «Kany wø lämu, wäru wø kööu, «ni ‹Wääwa, nyeŋŋï wøør. Buyï ööe.

Luk 11:2 Iomraidhean Croise

1 Nyeye 8:43

beerra man wïnynyï gø kany wø bëëdï yie maalø, ni tïïyï gø ki køør gïïa pëënynye bëët, nee nyeŋŋï ŋäc jø bäät pinynyi bëët, niï lwäärge kaawat man wø tïïc jiyï ma jø Icriel, nee ŋäcge møn ni øtø man ni yaa geerø en, cwøla ri nyeŋŋï.

2 Nyeye 19:19

'Ba ennø, wui, Wuuö Jwøk, Jwøk marwa, a kwaya ïïni, piem waani cer nyeny Aciria, nee ŋäc buc nyeye bëët mo bäät piny ni Jwøk bee ï keerï, ï na Wuuö Jwøk.»

2 Luup Nyeye 20:6

ni kööe, ni «Wui Wuuö Jwøk, Jwø kwäcwa, ?aŋø, ï patha Jwø wø en maal bäre? ?Patha ï wø käär bure bëët mo wïth juurre? Dööŋ kar ki teek ena cerï, ni bäŋ dhaanhø mo cuŋŋö nyïmï.

Luup Dïpööy 5:2

Kärï laar päth ri cäänö jaak, ni ba läädï ki cwïnyï ki man laarï kööŋ nyïm Jwøk. Kiper Jwøk ena maal niï ena piny. Kiper manøgø nø, beerra man bëëdï niï cara luup mo nøk.

Aydheea 63:16

'Ba ïïni, ïïna wääwa, këël na bëëde ni Eeberam wa kuue, ni kwarwa ma Icriel wa käre ŋiiø; ï na Wuuö Jwøk bee ï na wääwa, ni bee ï ni wø wïïl wa wøk ki mana täge ya acääŋŋe ki køør nyeŋŋï.

Edhikiel 36:23

Aani, ajiem mar nyeŋŋa na dwøŋ na en kur keere na päät dï wïth juurre nyoodha nyoodhø, ni beeye nyeŋŋa na päätu dïge. Køøre nø, ŋäc wïth juurre ŋääö ni bee aani na Wuuö Jwøk, kanyo nyoodha bëëtö mara na en kur keere ki rou ni nëënö jïge. Luummögø caana aani, a na Kwäärö Wuuö Jwøk.

Daniel 2:28

'Ba da Jwøk mo ena maal ni wø nyooth tiet gïï mo okanø. Eni gïno tägi yi nyïm anyoodhe jïrï, ï na nyeya ma Nabukedenecör en. Lääk marï ki gïïa nyooth jïrï ki yi wïïï kanya bëëdï niï ena kar niine beege ii:

Daniel 2:44

«'Ba noo tïme na yïth nïr nyeye moeke, Jwø maal da akwöm nyec mo këëlle piny mo ba ränynyi na bäre bäre; na akwöm nyec manøgø ba wëëk jiy møøk. Eni akwöm mo nyec moeke bëët di nyadhø ni dïïr wïthge; 'ba eni ki dëëre keere, bëëdö na bäre bäre.

Daniel 7:18

'Ba jic Jwøa Dwøŋ ni en Maal, buc nyec oci jïge, ni ö buc nyeci manøgø ni tïme na marge na bäre bäre, ki yïth beenhnhe bëët moo ööi.›

Daniel 7:27

Køøre teek mar käär jiy, ki dööŋö bäre mar akwöp nyec mo bäät piny put ka cïp ceŋ jic Jwøa Dwøŋ ni en Maal. Buc nyec mar Jwøa Dwøŋ ni en Maal beeye bura mo bëëdö na bäre bäre, ni ö jøøa en teeki ceŋge ni tïnyge eni ni wïnyge mare.›

Odheea 14:2

Duu baŋ Wuuö Jwøk, ni kööu jïre, ni «Wëën raay mowa bëët, ni jïëyï waani ki met ec marï, nee wa cïpwa ki pwøc no olämme.

Ciik Kiper Dïlämme 10:3

Ni put Modhe köö jï Aran, ni «Manøgø beeye gïna caan Wuuö Jwøki na kööe, «ni ‹Jiy mo wø nyänh buuta naa tïnyge, a wär raŋge naa ena kur keera, naa bëëdö naa di wøørø nyïm jiy bëët.› » 'Ba Aran alïŋö jaak.

Ciik Kiper Dïlämme 22:23

'Ba ni näk ma dhieŋ wala diel mo cwääc mare ba beer wala da gïn mo ogwäyö ri cwääc mare, løny ki man cïpu gø no olämi mar met ec, 'ba ba jïëc no olämi man wø cïp na mar kööŋ.

Abakuk 2:14

Kiper piny opäŋ ki ŋäc ajiem mar Wuuö Jwøk, kaawat man wø ö pïïyi ni wø pääŋ naama dwøŋ.

Mathiew 10:32

'Ba jiy bëët mo wø jïëc aani nyïm jiy, ojïëa thuwø nyïm Wära ni en maal.

Mathiew 3:2

ni köö, ni «Løgu cwïnynyu, kiper buya käl maal kare acäännö.»

Mathiew 5:16

Wär tayu wëëgu rieny na enø nø nyïm jiy, nee tïïe mou na beyø nee neenge, ni jiemge Wääu ni en maal.

Luk 11:1

Dïcäŋ aciel Jecu alämö kanymør. 'Ba kanya lønye ki lam, bääŋe aciel aköö jïgø, ni «Kwäärö, pwöny wa ki lam, kaamar Jøøn na pwöny bääge.»

Wëëlö Mana Göör Pøølli Baŋ Jø Röm 1:7

Uuni bëët na mëër Jwøki ki u yi Röm, a göönna baŋu, u na no ocwølø nou tïmu na jø Jwøk. Met ec bëëde bäätu ki bëët-mëër man wø ööi ki baŋ Jwøk na näk Wääø, ki Kwäärö ma Jecu Krictø.

Wëëlö Mana Göör Pøølli Baŋ Jø Röm 8:15

Kiper u kär wëëk jwïëy mo tïïya uuni na laaŋe nou cäŋu lwäyö. 'Ba uuna wëëk Jwïëy mo tïïya uuni na nyïï Jwøk. Kiper kany wø jwöŋø, ni «Abba, Awuuö,»

1 Körin 1:3

Met ec bëëde bäätu, ki bëët-mëër man wø ööi ki baŋ Jwøk na näk Wääø, ki Kwääyø ma Jecu Krictø.

2 Körin 1:2

Met ec bëëde bäätu, ki bëët-mëër man wø ööi ki baŋ Jwøk na näk Wääø, ki Kwäärö ma Jecu Krictø.

Galeecia 1:4

ŋata cïp dëëre kiper raay moø, nee ø pieme yi piny man en ni raac en, kaawat mana many Jwøø na näk Wääø,

Epeca 1:2

Met ec bëëde bäätu, ki bëët-mëër man wø ööi ki baŋ Jwøk na näk Wääø ki Kwäärö ma Jecu Krictø.

Pilipay 1:2

Met ec bëëde bäätu, ki bëët-mëër man wø ööi ki baŋ Jwøk na näk Wääø ki Kwäärö ma Jecu Krictø.

Pilipay 4:20

Ajiem en jï Jwøø na näk Wuuö këël na bäre bäre. Enøgønø.

Köløcia 1:2

A määtha uuni na jø Jwøk na en Köløcia, u na nyïïmëëe moa näk oŋäädhö ni en dëër Krictø. Met ec ki bëët-mëër man wø ööi ki baŋ Jwøk na näk Wääø bëëde bäätu.

1 Thecalönika 1:1

Aana Pøøl ki Cilbana ki Timöthi, a göönna baŋ acooŋ Jwøk mar jø Thecalönika na en ri Jwøk na näk Wuuö, ki Kwäärö ma Jecu Krictø. Met ec ki bëët-mëër bëëde bäätu.

1 Thecalönika 1:3

Ni wa lääŋŋa tïïc maru nyïm Jwøø na näk Wääø, ni wø tïïyu ki køør ŋäädhe, ni uuno ööl ki køør mëër, nou bëëdö ni dëëtu you maaø ri ŋäädhe mana ŋääthu Kwääyø ma Jecu Krictø.

2 Thecalönika 2:16

'Ba kawaane, Kwääyø ma Jecu Krictø ki dëëre, ki Jwøk na näk Wääø, ŋata mëër ki øøni, na mooc øøni ki cøm cwïny mo bäŋ cuŋŋe, ki ŋäädhe ma wøp mar nyïm ki køør met yie,

Mana Nyooth 11:15

Ni ö bïriet nyïïatwiet maalli ni kooth tuuŋ mare. Ni jït maalli ki dööti mo døøŋŋø, mo cäänö, ni «Buc piny atïmö na buc Kwääyø ma Jwøk, eni ki Krictø na røønye. 'Ba eno bëënni këël na bäre bäre.»

Mana Nyooth 15:4

?Aŋa noo ba lwäyi ni ba jiem nyeŋŋï, ï na Wuuö? Kiper bee ï keerï niï ena kur keerï. Mïëri bëët öö ni wøørge ïïni, kiper ŋøl marï anyooth.»

Mana Nyooth 19:6

Kanyøgø dwøl mør awïnynya mo keda dwør lwaak mo päl, ni caala lwöc pïï mo thööth, ni caala dwør køth mo märö døc, ni köö, ni «Alëluya! Kiper Kwäärö Wuuö Jwøk, eni na Jwøk marø na en teeki jïre, beeye Nyeya man wø bëënni.

Mana Nyooth 20:4

Kanyøgø wäle møøk ajooda, ni jøøa näk owëëk ŋøl luup opï bäätge. Ni jooda jwïëc jøøa wïthge ŋul wøk thuwø kiper gïr Jecu na køpge, ki gïr luum Jwøk, jøøa näk Lääy manøgø kärge wøørø, wala gïna näk ocwääö na caal kïte, na näk kär jïtö ki ŋïï täärnyïmge wala ceŋge. Geni, gena cäŋ kwøwø, ni bëën geni ki Krictø na aciel ki cwiiri ma kuma.